كان يا مكان

موضوع: كان يا مكان الأحد يوليو 29, 2007 2:41 pm

السلام عليكم ورحمة اللة وبركانة

انا فكرت فى لعبة تكون جديدة شوية يارب تعجبكوا
اللعبة دى هى ان انا هبداْ قصة مش عارفاها وكل واحد يدخل يكمل شوية من خيالة ونشوف هاتوصل القصة لحد اية
يمكن يبقى عمل روائى والا حاجة ونعملها سيناريو وحوار هههههههههه
يلا انا هابدا ْ صلى على النبى
كان فى مرة عيلة كبيرة مكونة من اب واْم وخمس اولاد
كان الاب00000000000000000

جاااااامدة يا فوتى

و كان الاب اسمه الحاج احمد و مراته اسمها حسنات و بيقولولها يا ام محمد عشان ابنها الكبير محمد
و العيال هما محمد و محمود و مصطفى و ........

(معلش مش عارفه االف حاجة دلوقتى ابقى افكر و اكمل او اللى بعدى يكمل البنات و شغل باباهم ايه )

وكان عندهم بنت اسمها قمر
والحاج احمد كان بيشتغل فى العطاره وكان احسن عطار فى مصر
والحاج احمد كان ليه اخ اسمه الحاج عبد الله وكان عنده ولد اسمه ايهاب
وبنوته ذى العسل اسمها هدى .
وهدى كانت مصاحبه قمر جدا لانهم فى العمر تقريبا وكانوا بيروحوا المدرسه سوا ويرجعوا سوا وكانوا ساكنين فى نفس العماره
وقضوا مع بعض طول فتره الثانويه العامه وكانت قمر دايما بتحكى لهدى كل مشاكلها وهدى برضه كانت بتحكى لقمر كل مشاكلها
وكان ايهاب بيحب فمر من وهما عيال صغيره لكن كان دايما مش عايز اى حد يعرف ولا حتى قمر نفسها لانه كان عايز يكون نفسه الاول
وكمان لان الحاج احمد اغنى من ابوه اللى كان بيشتغل موظف بسيط
هو كان عارف ان الحاج احمد طيب ومش هايرفضه بس هوكان عايز يبنى مستقبله علشان يكون جدير بيها .
وماكانش حد يعرف الموضوع ده غير هدى ولا حتى قمر نفسها .

اللى بعدى بقى يكمل بس ياريت يخلى النهايه سعيده .

نهايه سعيده ايه دي هتبقي غم

سافر الولد ومرجعش

حد يكمل علشان تهت في القصه

(هو بس فين اسم البنوته التانيه خليها سحر عشن تبقى سحر و قمر .بس تكملتك حلوة اوى يا هدهد و عايزينها تبقى سعيدة فعلا)

هحاول اكمل

و فى مرة كانت هدى بتتكلم مع ايهاب اخوها و كان قاعد يفضفضلها شويه و بالصدفه سمعهم الحاج عبد الله و هما مخدوش بالهم

و راح اعد يفكر شويه مع نفسه يعمل ايه فى حكاية ابنه دى

و راح فجاة نده و قال يا ايهااااااب تعالى عايزك فى حاجة و راح قاله ........

اللى بعدى يكمل

((و عايزين نتفرع فى القص لباقى الاخوات كمان و العائلات التانيه اللى هنبتكرها غير عيه الحاج عبد الله

بس مش عارفه ليه حاسه ان القصه هتبقى مسلسل لنور الشريف ههههه ))ان شاء الله

نور الشريف ماش ماشى طب انا هاوريكوا امينه رزق ويوسف وهبى كمان.

وبعدين الحاج عبد الله قال لإيهاب انا عرفت كل حاجه ومعاك حق قمر بنت تستاهل كل خير
وقاله ايه رايك لو نبيع حتت الارض اللى عندنا ونخلى امك تبيع حتتين السيغه
اللى عندها عشان تبدى بيهم حياتك
وفعلا امهم ما اتردتش وخلعت الدهب من ايديها واديتوا لايهاب
لكن ايهاب رفض وقال لا يا امى الدهب ده بتاعك وانا راجل و لازم اعتمد على نفسى وكفايه اوى انكوا ربتونى وعلمتونى وصرفتوا عليا السنين اللى فاتت .

اللى بعدى بقى يكمل........

وبلاش نخليها غم هه

هههههه جامدة يا هدهد

راح الحاج عبد الله
قاله هو ده ابنى اللى ربيته و كبرته
و كملت مامته و قالت ايوة كدة راجل ذى ابوك
دة ابوك فضل يشقى عشر سنين عشان ييجى يخطبنى هههه

و فى نفس الوقت فى بيت الحاج احمد كانت قمر قاعدة بتذاكر و فى وسط المذاكرة سرحت شويه بخايلها و اتخيلت ...

اتخيلت انها بتحب واحد غنى جدا وهو كمان بيحبها واتمنت ان لو دة يبقى حقيقى علشان ترفع راس باباها وتاْكد كلام والدتها (دى قمر بنتى تستاهل احسن واحد فى البلد دى لازم عريسها يكون مافيش زية )
ومن ناحية تانية قرر ايهاب انة يشتغل مع دراستة وطلب من والدة الحاج عبد اللة انة يتوصتلة عند مراد بية المدير بتاعة كان الاستاذ مراد عندة ولد اسمة مدحت وبنت اسمها ريم كانوا هما كل حياتة وطبعا ماكنش بيرفضلهم اى طلب وكانوا لما بيحتاجوا اى حاجة كانوا بيروحولة الشغل يطلبوها منة
وافق الاستاذ مراد وقالة .......
كملوا بقى بس زى ماندى قالت عايزين تفرعات

بصوا نطول القصه اكتر

كان للعيله دي جيران وكان عندهم ابن في امريكا ورجع بعد ما عمل مبلغ كبيررررررررر

وشاف قمررررر وطلب من امه ان يتقدم لقمرررررر

(حد يكمل عاوز ارجع الاقيهم اتجوزوا ماشي)

كدة يا فوفه بوظتى مختطاتى ههههه

المهم اكمل االول الاستاذ مراد قال لايهاب

انا سعيد بيك يا ابنى انك هتشتغل معانا هنا
و اى حاجة تحتاجها تجيلى هنا انا ذى والدك بالظبط و انا و هو اصحاب الروح بالروح
و دلوقتى روح مع الاستاذخالد هيوريك نظام الشغل عندنا

و كانت فى نفس الوقت ريم جايه لباباها تطلب منه حاجة
فشافت ايهاب و هو خارج من عند باباها

قالتله مين دة يا بابا

قالها دة شاب جديد جاى يشتغل فى الشركه عندنا

راحت ابتسمت و سكتت ..

و اما جيران الحاج احمد اللى ابنهم جاى من امريكا
فراح الولد(نخليه عمرو) قال لمامته ما تخطبيهالى يا ماما انتى و طنط حسنات اصحاب من زمان
بس تفتكرى هتوافق ؟؟

راحت قالتله و متوافقش ليه و هما هيلاقوا حد ذيك يا حبيبى

و مسكت التليفون و طلبت نمرة الحاجة حسنات مرات الحاج احمد و قالتلها مشفتكيش بقالى كتير
فقالتلها وحشانى اوى ا حبيبتى لازم تجيلى النهاردة ان شاء الله

و بليل راحتلها وفتحتلها قمر و........ اللى بعدى يكمل

استقبلتها قمرطبعا ولما جت الحاجة حسنات دخلت قمر على قودتها وهى داخلة سمعت الحاجة تحية (ام عمرو ) وهى بتقول : عمرو ابنى بيسلم عليكى وعلى البنات اوى وعلى الحاج احمد ودى شوية حاجات كدة جايبهالكوا من السفر
دخلت قمر القوضة وسالتها سحر مين اللى كان على الباب قالتلها دى طنط ام عمرو تصورى بتقول ان عمرو رجع من امريكا
فرحت سحر اوى ولما سالتها قمر على سر فرحتها قالتلها تقصدى اية يا قمر انتى عارفة ان عمرو زى اخويا من ايام ماكنا بنلعب مع بعض واحنا صغيرين ماتخليش دماغك تروح لبعيد 00 بس تفتكرى هى جاية لية ؟؟

قالتلها الله اعلم

و فى الوقت دة كان ايهاب رجع من الشغل و شاف هدى و قالها خلاص حلمى هيتحقق
الشغل كويس و المرتب هيخلينى اقدر ابنى نفسى
و سالها تفتكرى نعرف قمر بقى ؟؟

قالتله قمر لسه كانت معايا عالتليفون من شويه

قالها طب و فيها ايه

قالتله كانت بتقولى ان عمرو جارهم جه من امريكا و اتقدملها و كانت بتسالنى تتصرف اذاى لانها حاسه ان اختها سحر معجبه بيه

اندهش ايهاب و قالها طب و قولتيلها ايه

قالتله اتفقت معاها نتقابل بكرة و نتكلم على راحتنا

و سهر ايهاب طول الليل متضايق و خايف و مش عارف هيعمل ايه

و فى الناحيه التانيه سحر منهارة و قاعده تعيط مع نفسها

و قمر محتارة تعمل ايه

و فى بيت الحاج احمد كانت الحاجة حسنات ناسيه حكاية بناتها خالص

و كانت كل همها فى ابنها مصطفى اللى قال انه رايح الدرس و مرجعش لغاية الساعه اتنين
و قاعده هتموت من القلق و خايفه تصحى الحاج احمد لحسن يعملها خناقه
و قاعده تفتكر كلام اخوه محمود امبارح لما قالها انه اتلم على عيال مش كويسين و منهم مدمنين و كان بيقولها تاخد بالها عليه

و .............

بصوا عشان منلخبطش لازم نحدد سن كل واحد فى القصه يعنى انا كنت معتببرة سحر طفله لكن فوفه اعتبرتها كبيره

فانا هالف لهم سن

محمد الكبير متجوز منى و عنده بنت وولد صغنتتين نور و احمد على اسم باباه و هو بيشتغل ماسك ادارة محلات باباه و منى مراته بتشتغل دكتورة امراض نفسيه (عشان تبقى تعالج العيله دى )

محمود طالب فى كليه هندسه

مصطفى فى الثانويه العامه سنه تالته و جاب فى تانيه 95% علمى

سحر توام مصطفى فى ثانويه عامه برضه جابت فى تانيه 85 % ادبى

قمر فى كليه اداب قسم انجليزى

و ايهاب خريج تجارة لسه متخرج

و هدى طالبه فى كلية تجارة

و مدحت طالب فى هندسه و زميل محمود ابن الحاج احمد

و ريم فى كلية فنون جميله

و عمرو كان متخرج من صيدله و راح امريكا كمل دراسات عليا و لسه راجع

هو فى حد انا نسيته كدة ؟؟

حرام عليكم كده تكسروا بقلب ايهاب
يارب يحصل اى حاجه وخطوبه قمر على عمرو دى ماتمش

المهم قمر كمان كانت سهرانه تفكر طول الليل وهى سهرانه حست انها مخنوقه فطلعت البلكونه تشم شويه هوا وهى واقفه فراح اذان الفجر اذن فلقت ايهاب نازل رايح يصلى الفجر فى الجامع فافتكرت لما كان ايهاب بيديها شرائط وكتب دينيه علشان تستفيد منها فراحت هى كمان تتوضى وتصلى الفجر ودعت ربنا انه يرجع اخوها بالسلامه
ودعت كمان لايهاب ان ربنا يكرمه ويوفقه وهى حست انها عايزه تدعى
لايهاب وماسألتش نفسها ايه السبب
وبعد ماخلصت صلاه لقت امها منهاره فى العياط علشان الواد اللى مارجعش ده ففتحت قمر باب الشقه وكان ايهاب طالع على السلم فاترجته يدور على مصطفى وطبعا ايهاب نزل على طول يدور عليه
ولما كانت قمر بتتكلم مع ايهاب عمرو سمعهم بس عمل نفسه ما سمعش حاجه علشان ماحدش يطلب منه ينزل يدور على مصطفى (نداله بقى )
وراح ايهاب يدور على مصطفى فى الاقسام والمستشفيات وعند كل اصحابه لغايه لما واحد من صحابه قاله انه يمكن يكون فى الحته الفلانيه
فراح ايهاب الحته دى لقاها استغفر الله العظيم وقعد يدور على مصطفى لغايه لما لاقاه وواحد كان بيحقنوا بحقنه ثرى ماكس ووسط كل ده راح البوليس كبس على المكان
وكلهم راحوا القسم وايهاب قدر يثبت ان مش معاهم واانس شهدوا انه مش معاهم وشهد مصطفى ان ايهاب كان جاى علشان يدور عليه
لكن للأسف عرفوا ان مصطفى مدمن واتصلوا بابوه وودوه مصحه للعلاج من الادمان
ولما روحت قمر البيت وهى طالعه على السلم لقت عمرو نازل رايح شغله
فسلمت عليه لكن عمرو رد عليها السلام ببرود ولقت لهجته اتغيرت معاها
ففهمت انه علشان موضوع اخوها المدمن
وبعدين .................

اللى بعدى يكمل

جامدة يا هدهد بس ايه ثرى ماكس دى هشك فيكى بعد كدة ههههه
بس بجد تاليفك جامد مش ذى العبط اللى بكتبه انا دة

المهم
اكمل بقى

و رجع الحاج احمد البيت و هو فى غاية الحزن على ابنه اللى تعب فيه و رباه و ييجى على اخر الزمن يبهدله فى الاقسام و يهز صورته قدام الكل
و استغرب ايه اللى غيرة كدة دة كان شاطر و متدين و مؤدب ذى اخواته

و قمر اعدت تفكر فى شهامه ايهاب و قد ايه هو تعب و اتبهدل عشانها
و افتكرت تلميحات هدى اللى كانت دايما تحاول تكلمها عنه و تحاول تستنتج منها اى حاجة

وفى الفترة دى كانت ريم كل شويه تتحجج باى حجة و تروح لباباها الشغل

و كانوا كلهم فى بيت الحاج احمد مش عارفين يعملوا ايه عشان يحلوا مشكله مصطفى و كانوا عايزين يعرفوا السبب فى تغييرة

و طبعا منى مرات محمد عشان هى دكتور امممراض نسيه قررت انها هتروحله المصحه تتكلم معاه و تحاول تشوف ايه اللى جراله

و ..........

اى حد يكمل