هيا معناها ايه في حياتك

السلام عليكم ورحمه الله وبركاته
اللعبه دي بكل بساطه ان كل واحد يقول لفظ اللي بعده يقول هو معاناه ايه
من حياته او بيفكر في ايه اول مايسمع scratch

كلنا لينا تعريف لينا بس او داخلي لكتير من الالفاظ ممكن تكون تعريفها في الحقيقه ابسط من كده study

لفظ ممكن يكون لون صفه لفظ اقتصادي وهكذا
يلا نبدا ونقول
بسم الله الرحمن الرحيم

يعني ايه تجارة في حياتك lol!

بصراحه اول ما يتقال تجارة قدامى بييجى فى مخى كليتنا علطول

و تجارة معناها فى حياتى كل حياتى

بجد بحبها اوى بكل حاجة فيها سواء الناس اللى فيها او مدرجاتها او الدكاترة او المعيدين حتى المواد

بحب كل حاجة فيها

الحمد لله و الشكر لله

اللعبه دى بتفكرنى بفيلم قديم مش فاكرة ايه هو بتاع فريد شوقى تقريبا

اللى بعدى بما ان اخويا فضل يقنعنى سنه دلوقتى ان اللعبه دى مبتتلعبش كدة

فاللى بعدى

كلمه اخ

سلااااااااااام علييييييكم و رحمه الله و بركاته

كلمة أخ أول ما بسمعها بفتكر إخواتنا في فلسطين والعراق وكل المسلمين في العالم ... اللهم إنتقم من اليهود ومن يعاونهم يا رب العالمين

الليبرالية

متنفعش ديموقراطيه

عالعموم

الليبراليه

بتفكرنى بمدرس التاريخ بتاع ثانويه عامه

و بتفكرنى بسعد زغلول
و الحقبه الليبراليه

و هى مبتفكرنيش بحاجه غير دول لانى مستخدمتش المصطلح دة الا لما خدناه فى التاريخ

اللى بعدى
كلمه ؟؟؟؟
الواح تكتونيه هههه هقلبهالكوا ثانويه عامه

لا كلمه
دموع

سلااااااااااام علييييييييكم و رحمه الله و بركاته

السلام عليكم الدموع لما بتيجى بحس بعدها براحة ومعناها عندى اما دموع من الفرح اما الحزن اما دموع البصل الا بعدي كلمة "الجنة" flower

السلام عليكم
ايه يا بسبوسه الجمال دة ويا ترى البصل ده طرانشات
ولا مربعات ها ها ها
كلمه الجنه بتفكرنى بالرسول الكريم عليه الصلاه والسلام
والصحابه اللى زمانهم دلوقتى معاه واللى يارب كلنا نبقى
معاهم
يارب اجعلنا كلنا من اهل الجنه وادخلنا الجنه برحمتك
امين يارب
اللى بعدى كلمه البساطه

احلى شىء

و بحبها جدا و مبحبش تعقيد الامور و لا تكبييييييييييرها

و بحب اخد كل الامور ببساطه عشان تتحل باذن الله

و طبعا ساعات بكبر المواضيع اوى

لكن بجد الشىء لو خدناه ببساطه هيتحل

دة حتى لرسول عليه الصلاة السلام بيقول يسروا و لا تعسروا

و ديننا يسر

فلازم نييسر كل حاجة
بسس دة مش معناه ان تبقى حاجة كبيرة و ناخدها بضحك و هزار

فى فرق بين التبسيط و التنميط ههههه (شويه انتاج )

لا اقصد فى فرق ما بين التبسيط و ال ........
مش عارفه اسمها ايه بس اننا ناخد الامور كلها بهزار و نبقى مش جد

اللى بعدى

السجود

ازيك يا قمر وحشتنى واللة موت و السجود هو من اسعد لحظاتى لانى بحس انى معا ربنا وبس وبدعى وبقول كل الا فى قلبى وربنا دائما مستجيب للدعاء ان شاء ندعى وهو المستجاب فحسبى هو ونعم الوكيل وممكن كمان يعنى اننا فى خاشية وكلمة الرحمة

الكلمات اللى بتحطوها جميله اوى

الرحمه

رحمه ربنا بينا فى كل شىء
رحمته اللى وسعت كل شىء

رحمته يوم القيامه بينا
رحمته لينا فى الدنيا
رحمته انه خلانا مسلمين
رحمته انه ارسل لنا خير خلقه سيدنا محمد عليه الصلاة و السلام
رحمته بينا فى كل حاجة

الحمد لله كما ينبغى لجلال و جهه و عظيم سلطانه

اللى بعدى

قانون تجارى

حسبى الله و نعم الوكيل

السلام عليكم
مين قانون دي انتي قصداني بقي
ده حلو جدا بس
هو طويل وللكن هو فهمه لذيذ جدا وان شاء الله مطمنه منه شويه

بس ربنا يستر من الكتاب الاول عشان رخم شويه
بس كده

اللي بعدي يعني ايه نهايه ترم بالنسبه ليك؟؟؟؟؟

اااااااه جيتى عالجرح
ده دة اللى مزعلنى النهاردة

نهايه ترم

يعنى ايام عدت من عمرى معرفش كانت اتجاهاها ايه
اتمن تودينى الجنه

يعنى زكريات جميل بتعدى قصاد عينى و نفسى امسكهها و اقولها استنى متمشيش

يعنى خوف من اللى جاى هيكون ايه (يا رب خير )

يعنى امتحانات قربت و ربنا يستر فيها

مبحسش انها حاجة حلوة

فى ناس بتفرح و تقول اخيرا سنه عدت
لكن انا بقول ايه ده السنه عدت بسرعه اوى

اتمنى ربنا يتقبل منى اى شىء كويس عملته الترم دة
و يغفرلى و يعفوا عنى
و يهدينى و يثبتنى و يساعدنى على اللى جاى

كلنا ان شاء الله

و بفتكر دايما الحديث اللى بيقول فيما معناه ان كل يوم بييجى يوم جديد يقولبما معناه انه يوم جديد و مش هييجى تانى ليوم القيامه فحاول تغتنمنى ومتضيعنيش

ادعولى جااااااااااااااااااامد

اللى بعدى نفس المعنى

نهايه الترم

السلام عليكم
نهايه سعيده وبدايه جديده
وان شاء الله خير

اللي بعدي
ايه معني الاصحاب في حياتك؟؟؟

مش عارفه

هى شىء جميل اوى

بس لما تكون ناس تستاهل
ذى اصحابى حبايبى اللى مصحباهم دلوقتى

الحمد لله

اللى بعدى

تانيه ج

السلام عليكم
عارفه ياندى لما بتقولى تانيه ج بحس انى مطمنه مش عارفه
يمكن عشان هى مجموعتى او يمكن عشان هى اول حاجه شوفتها فى الكليه او يمكن عشان عشت معها ايام كتيير صعبه
وفى نفس الوقت عشت معاها ايام كتيييير جدا حلوه
وكمان لما بتقولى تانيه ج بفتكر اكتر ناس فعلا حبيتهم فى حياتى
بفتكرصحابى والناس الجدعه اللى بيكونوا جمبى وقت الازمات
وبفتكرك انتى وزمزم وياسو والبنات اللذيذة اللى فعلا بحبهم ولو قلت اسمائهم يبقى مش هاخلص النهاردة
وبحس انى بحب المجموعه دى اوى بكل اللى فيها حتى الناس الرخمه
اللى بعدى كلمه الدنيا

ربنا يخليكي يا دودو
ايه الكلام الجميل ده

والدنيا
امتحان
ويارب ننجح فيه
ويارب يجمعنا في الجنه يارب

اللي بعدي الدنيا برضه
_________________
[b]( اللهم اغفر لمنار وارحمها وعافها واعف عنها واكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الابيض من الدنس وابدلها دار خيرا من دارها واهلا خيرا من اهلها وزوجا خيرا من زوجها وادخلها الجنه واعذها من عذاب القبر ومن عذاب النار [b]

********************************************
**ادمنستريتور ســــــــــــــــــــــــــــــــــــــــــــــــــــــــــــــــــــــــــــابقــــــــــــــــــــا[/b**
**************************************)*****