اتعلمت ايه النهاردة ؟؟

السلام عليكم و رحمة الله و بركاته

احنا كنا خدنا فى سنه اولى ان التعلم دة ناتج خبرات الشخص طول حياته

فكل واحد مننا بيتعلم كل يوم حاجات جديدة

سواء شاف موقف او حصله موقف خد منه عبرة او سمع معلومه جديدة او اى حاجة و خلاص

المهم انه اتعلم شىء جديد

فايه رايكم كل ما واحد يتعلم حاجة جديدة ييجى يقولهالنا هنا
و نتعلم من بعضنا

اهه على الاقل لما نتسال يوم القيامه عن علمنا ماذا عملنا به
نبقى حاولنا نعمل بيه حاجة باننا نعلمه لغيرنا

و كمان لو واحد فينا حسينا انه اتعلم حاجة او فهمها غلط نحاول نصلحهاله و نشوف الصح فين

يلا بقى كل واحد يقولنا اتعلم ايه النهادرة ؟؟؟؟؟؟؟

السلم عليكم حلوة موت الفكرة دي يا ندا بجد وان هبدا وقول ان لية واحدة صحبتى لما بتيجى تاكل اي حاجة حتى ولو حاجة كدة صغيرة انا مديهلها بسكوتية بتقول بسم اللة الرحمن الرحيم وانا قبل كدة مكنش بقول كدة الا لما تكون اكلة يعنى سا عات بنسى وانا بدوق اي حاجة من المطبخ

انا اتعلمت النهاردة انى لازم ما اصدقش كلام الدكاترة عن الامتحان

و اتعلمت انى لما الاقى اربعتاشر ميسد كول من نمرة غريبه و بعدهم رساله كلمنى من واحدة صاحبتى مش لازم تكون هى اللى رنت كل دة ههههه

ها اللى بعدى اتعلمت ايه ؟؟؟؟؟

جميل يا بسبوسه اللى اتعلمتيه و فعلا عندك حق الواحد ساعات بينسى لما تكون حاجة صغنتوته

بسم الله الرحمن الرحيم فى اول كل شىء و اخره

جميله اوى الفكره دى يا ندى لاننا فعلا طول ماحنا عايشيين بنتعلم من بعض ونعلم كمان بعض
انا كان فى شخص فعلا علمنى حاجه جميله انه لما بيكون حزين او زعلان كان بيحاول يضحك فى وش الناس وكمان كان بيضحكهم وما يحبش ينكد عليهم
علمنى معنى جميل اوى فى الحياه(ان اكتر الناس بتضحك هى اكتر الناس جواها احزان )ومن ساعتها وانا بقيت اعمل زيوا وهو مايعرفش انى اتعلمت منه او حتى انى خدت بالى من المعنى ده وربنا يكرمه ويكرمكم كلكم

فعلا يا هدهد كتير تكون الناس حزينه بس بتضحك
بس تعرفيهم لما تلاقيهم سكتوا شويه بيبان فى عنيهم الحزن حتى لو كانوا بيضحكوا

انا بقي اتعلم ان لازم

اخد بالي من حاجات ما كنتش باخد بالي منها

طبعا اتعلمتو من الكلام بتاعي صح
_________________
[b]( اللهم اغفر لمنار وارحمها وعافها واعف عنها واكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الابيض من الدنس وابدلها دار خيرا من دارها واهلا خيرا من اهلها وزوجا خيرا من زوجها وادخلها الجنه واعذها من عذاب القبر ومن عذاب النار [b]

********************************************
**ادمنستريتور ســــــــــــــــــــــــــــــــــــــــــــــــــــــــــــــــــــــــــــابقــــــــــــــــــــا[/b**
**************************************)*****

قصدك على اللى كنت بقوله قبلك و لا ايه ؟؟

انا النهاردة اتعلمت انى مش لازم اتبسط اوى اوى اوى من حاجة غير لما اشوف نتايجهها

وانا اتعلمت حاجه جديده جدا

الا وهيا
اني اتوقع اي شيئ من اي شخص عزيز عليا

يلا الحمد الله
وعلي فوق لا انا كنت بتكلم علي حاجه عندي
_________________
[b]( اللهم اغفر لمنار وارحمها وعافها واعف عنها واكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الابيض من الدنس وابدلها دار خيرا من دارها واهلا خيرا من اهلها وزوجا خيرا من زوجها وادخلها الجنه واعذها من عذاب القبر ومن عذاب النار [b]

********************************************
**ادمنستريتور ســــــــــــــــــــــــــــــــــــــــــــــــــــــــــــــــــــــــــــابقــــــــــــــــــــا[/b**
**************************************)*****

انا اتعلمت انى لما اكون زعلانه لازم ما تكلمش خاااااالص

و اسكت

و لازم ما اتناقشش

عشان محدش يزعل منى

كان فى حاجه اتعلمتها زمان من الزعيم (مصطفى كامل )وده من اكتر الشخصيات اللى عجبتنى وهى ان قوة الروح اهم من قوه الجسد والانسان القوى هو اللى روحه قويه مش جسده لانه كان جسمه ضعيف جدا وكان مريض ومعذلك قدر يعمل اللى ماعملوش ابطال فى الملاكمه وكان دايما يقول (الحمد لله الذى جعل قوه روحى اكبر من قوه جسدى )

جميل اوى يا دودو

انا برضه اتعلمت منه عدم الاستسلام للياس
اد ايه هو كان فى وقت كل الناس اللى حواليه وحشين و اللى معاه اتخلوا عنه و هو قال لا ياس مع الحياةو لا حياة مع الياس و فضل يقاوم

الله يرحمه و يرحم كل المسلمين

و انا اتعلمت امبارح
ان قد ايه شىء جميل ان يبقى اصحابك متدينين

تبقوا على المسنجر قبل الفجر و فجاة تقرروا تقوموا تقروا قران
تبقوا خارجين و وقت الصلاة تروحوا تصلوا فى اى مكان كنتوا فيه
تتصل بيكى يوم الجمعه تقولك متنسيش سورة الكهف
تتفقوا على الصيام مع بعض
واحدة تلاقى التانيه اتصرفت غلط فى حاجة \ لابسه لبس مش نافع اوى \ قصرت فى اى حاجة \ غلطت فى حد

تروح التانيه تقولها لا و تنصحها

بجد احلى حاجة

اتعلمت النهاردة انى ممكن احفظ القرآن كله في زمن قياسي

وربنا يعينى على فعل هذا

و انا اتعلمت خلال الكام يوم اللى فاتوا

ان الناس مختلفه تماما على النت عن عالحقيقه

و ان الانسان لازم يبذل كل جهده عشان يتعلم

و ان اجمل شىء انك تشوف الفرحه فى عيون الناس و انت السبب فيها

و ان مش شرط الناس اللى انت معتبرهم شىء مهم و كبير اوى فى حياتك تكون انت كمان شىء مهم و كبير اوى فى حياتهم

فعلا معاكى حق فى الكلام ده

والحمد لله انا اتعلمت برضه من خلال الناس اللى عرفتها عالنت

انه رغم ان التمثيل ممكن يكون هو كل التعامل عالنت بين اغلب الناس

لكن فيه ناس لا يمكن تمثل ابدا

وفيه ناس عرفتها بالصدفة ، ولا عمرى شوفتها ، بس لو كنت طلبت منها ايه ، كانت بتعملهولى ، وكل اللى اعرفه في الناس دى ، هو اسمها ، ودايما كمان بنساه ، رغم انه ممكن يكون مصمم لى حاجة حاططها عالموبايل وبشوفها على طول ، او حاجة عالكمبيوتر

والناس دى حسستنى بمدى اد ايه هما ناس كريمة وصادقة

وفيه ناس تانية ، ما بتقعدش عالنت الا لما اكون انا موجود ، وبينا مشاعر اكتر من الاخوة ، ودول ناس بالنسبة ليا اكتر من نفسي وبعتبرهم توأمى وتوأم روحى ، مع ان ظروف التعارف ممكن تكون غريبة جدا ، وكل واحد كان في بلد ولا عمرنا شوفنا بعض

وفيه ناس ما تعرفكش غير علشان تاخد منك حاجة

فيه وفيه

بس مصمم ان الكلام اللى بيطلع من القلب ، بيدخل القلب على طول ، الا قليلا مما يتقنون التمثيل