الحب الاول

موضوع: الحب الاول السبت يونيو 21, 2008 9:51 pm

أنه أول طارق على باب القلب ، قبله كنا لا نعرف عنه أى شئ ، لا نعرف شكله ولا نعرف شئ عن زيارته لنا أثناء الليل أو عند غروب الشمس .. هو الأجمل والأعنف أنه " الحب الأول " الذى عندما نسمع هذه الكلمة أو نقرأها تهتز قلوبنا ونسبح فى خيال واسع الى تلك الأيام الجميلة حيث المشاعر النبيلة التى لم تلوثها الأيام
نتذكر عندما كنا نسهر الليل فى كتابة خطاب غرامى ثم تلقى به فى طريق من تحب فتأخذه بعد أن تلتفت يميناً ويساراً ، أو عندما نعترض طريقه كى تلتقى العين بالعين ونتبادل الأبتسامات بعفوية بمشاعر صادقة قلما تجدها
أنه الحب الوحيد الذى نلجأ الليه فى أوقات اليأس والحزن
ولكن هل هو وهم أم حقيقة يقول أبو تمام
نقل فؤادك حيث شئت من الهوى ** ما الحب الا للحبيب الأول
كم منزل فى الأرض يألفه الفتى ** وحنينه أبداً لأول منزل
كلنا يعرف هذه الأبيات لكن ما مدى صحتها البعض يراها وهماً والعض يراها حقيقة
ناقش إحسان عبد القدوس هذا الأمر فقال " فى حياة كل منا وهم جميل يسمى: الحب الأول . لاتصدق .. فإن حبك الأول هو حبك الأخير!! "
هكذا وقع إحسان عبد القدوس فى الحيرة فبعد أن صرح أن الحب الأول
وهم جميل تراجع ثم قال لا تصدق فإن حبك الأول هو حبك الأخير
الرأى السابق الموضح بالون الأبيض كان وجهة نظر من أجتهادى أو سؤ فهم للمقوله .. ولكن الرأى الصحيح لمقولة الكاتب الكبير إحسان عبد القدوس وهو أن الحب الآخير هو الباقى أثره لذلك فهو يعتبر أن آخر حب هو الحب الأول والآخير معاً
لكنى أعتقد أن إحسان من أنصار القائلين أنه وهم بدليل رويته "الوسادة الخالية"
وهناك من يراه حباً كاذباً وهناك من يراه حباً من نوع خاص كونه أول زائر للقلب
هل صحيح أننا لا يمكن أن ننسى الحب الأول وأننا سنتذكره طول العمر أم سيختفى رويداً رويداً مع مرور الوقت؟
وهل نظل الى الشوق والحنين للحب الأول ، أم هل هو وهم من وحى
خيالنا؟

موضوع: رد: الحب الاول الأحد يونيو 22, 2008 2:48 am

اهلا بيكى معنا فى المنتدى
انا مع احسان عبد القدوس لان فى اللى بيحصل فى الاول ده بيكون اعجاب مش حب
و الحب الاخير هو الحب الاول و الخير فى وقت واحد لان الواحد عمل فى سبيله حاجات كتييير اوى معملهاش مع الوهم الاول لانه مكنش حب
_________________

MY FAVORITE BAND

موضوع: رد: الحب الاول الأحد يونيو 22, 2008 8:35 am

موضوع: رد: الحب الاول الأحد يونيو 22, 2008 2:13 pm

موضوع جميل جدا

تسلم ايدك

وفعلا الحب عامل زى محصل النور مانعرفش هاندع علشانة قد ايه

هههههههههههههههههه
_________________

موضوع: رد: الحب الاول الأحد يونيو 22, 2008 10:16 pm

بجد موضوع جميل اوى تسلم ايدك يا الاء
وعايزين نشوف مشاركاتك دايما
ومن وجهة النظرى الحب بيبقى الاخير او يبقى الحب الاول وحدة كل يبقى حسب الطرفين والظروف المحيطة بيهم وكمان ممكن يكون فى نوع من الحب هو حب الطرف الاخر لمجرد الحب من القلب اعتقد النوع دة هو المزيف الا مش بيستمر وبفشل مهما عدى علية الوقت وليس نابع من العقل يعنى اختيار الشخصية المناسبة وبتوافق معها ولا.................
بس كدة
_________________
طلعت شمسى من الوردة فى البستان سجدت سجدة بتقولى قوم اتوضى قولتلها سبحان الله..........
وفراشة حلمت حلمى بتنام دايما على كومى بسال عن معنى امى جوبتنى سبحان الله........
وسنابل اقمح مع شعير على سجادة حرير فى حرير بتصلى وايا العصفير بتسبح سبحان الله............
سبحان الله
والحمد لله

موضوع: رد: الحب الاول الإثنين يونيو 23, 2008 1:11 am

موضوع: رد: الحب الاول الإثنين يونيو 23, 2008 1:46 pm

تسلم ايدك يا الاء انا لسه كنت قاريه موضوع شبهه و كان بيقارن بين وجهة نظر احسان عبد القدوس فى فيلم الوسادة الخاليه(مش فاكرة احداثه ايه.. نسيت الافلام ) ووجهة نظر يوسف السباعى فى فيلم ايه كدة مش فاكرة

هو انا رايي ان صح ان الاخير اللى بينتهى باسرة و استقرار هو دة الحقيقى
اما غير كدة فممكن اكيد مش هيبقى بنفس القوة

بس هو الموضوع اللى قريته و مش عارفه دة نفس اللى انتى تقصديه و لالأ كان بيتكلم عن ان لو حد مثلا اتجوز بس حد ش بيحبه و كان لسه بيحب غيره
و ان فى وجهتين نظر انه هينسى الاولانى او هيفضل فاكره

فلو تقصدى كدة فانا شايفه ان الصح ان مكانش يحصل ارتباط اصلا بحد تانى غير لما يكون الاولانى خلص خالص و انتهى او يكون هو هو نفس الشخص

اما لو دة حصل غصب عنهم و دى بتحصل كتييير فدى فعلا بتبقى مأساه و معرفش ساعتها ممكن يبقوا عاملين اذاى
و م عارفه ايه بقى اللى بيستمر بس متهيالى بيبقى غلط ان تفضل الحكايه الاولايه فى الحاله دى بس اكيد مساله صعبه
_________________

اعوذ بالله من الشيطان الرجيم
اللهم يا مقلب القلوب ..ثبت قلوبنا على دينك

سنحيـا بالقرآن
إن شاء الله

الله معي
الله شاهدي
الله راقبي
الله مطلع علي

موضوع: رد: الحب الاول الإثنين يونيو 23, 2008 2:41 pm

فعلا كل حب هو فعلا الحب الاولاني

بس لو كان اعنف من الحب اللي قبله

واهلا بيكي منورة
_________________
اهلا وسهلا بكل زملائنا في كلية تجارة

موضوع: رد: الحب الاول الإثنين يونيو 23, 2008 5:19 pm

موضوع: رد: الحب الاول الإثنين يونيو 23, 2008 5:21 pm

جميل اوى
تسلم اديكى
_________________

موضوع: رد: الحب الاول الخميس يوليو 03, 2008 7:13 am

موضوع جميل وانا مع ان الحب الاول هوا الحب الاخير او اول حب هوا اخر حب وبس
وان واحد بيحب مرة واحده في عمره مش اكتر
وغير كده يبقي مش حب خاااالص

وشكرا ليكي ياقمر
_________________
[b]( اللهم اغفر لمنار وارحمها وعافها واعف عنها واكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الابيض من الدنس وابدلها دار خيرا من دارها واهلا خيرا من اهلها وزوجا خيرا من زوجها وادخلها الجنه واعذها من عذاب القبر ومن عذاب النار [b]

********************************************
**ادمنستريتور ســــــــــــــــــــــــــــــــــــــــــــــــــــــــــــــــــــــــــــابقــــــــــــــــــــا[/b**
**************************************)*****

موضوع: رد: الحب الاول السبت يوليو 05, 2008 8:22 pm

الحب الاخير بيستمر بس الحب الاول مش ممكن يتنسي
_________________

موضوع: رد: الحب الاول الأحد يوليو 06, 2008 5:23 am

فعلا الحب الاول عمرنا ما نقدر ننساه حتى لو عدا علينا 100 سنه

احنا ممكن نحسس نفسنا ان احنا ممكن ننساه لكن لا مش هنقدر

موضوع: رد: الحب الاول الأحد يوليو 06, 2008 5:46 am

بس معتقدش ان حد فينا جرب اى شىء من الكلام دة كله

عايزين نسال مجرب بقى

هل بينسوا تماما

هل بيفضل و بيبقى

هل بيتنسى بس بيبقى ذكرى جميلة

ام ذكرى كئيبة

و الناس بقى اللى ربنا بيرزقها و يخليلها اول واحد هو الاخير
ياترى بيفضل ذى ما هو

متهيالى الموضوع حسب الظروف

بس اللى اعرفه و أقوله بالتاكيد

ان لو اى حد اتقى ربنا فى حبه اكيد مش هيحزن فى المستقبل ابدا و ربنا هيعوضه و يكرمه

و دة اللى لازم كل انسان يعمله

و يفتكر ان من يتقى الله يجعل له مخرجا و يرزقه من حيث لا يحتسب

فلو اتقاه بجد هيلاقى رزقه من حيث لا يحتسب

فى قصه هى معروفه ممكن بس هقولها

واحد كان مرتبط بواحده ارتباط غير رسمي بس كان بيحبها بجد
بس قرر انه يرضى ربنا فى كل اعماله و يتوب
فقالها انتى مناسبة ليا بس وضعنا دة مينفعش
انا فاضلى سنتين و اتخرج و اقدر اتقدملك رسمى
و مبقوش فعلا يكلموا بعض
و بعد كدة اتجوزوا و عايشين حياة سعيدة جدا و عندهم باين 5 اطفال

لان اللى بيتقى ربنا ربنا بيرزقه رزق واااسع اوى

و برضه مصطفى حسنى كان بيتكلم فى الموضوع دة قريب و قال لو انت شايف نفسك مش قادر و ظروفك صعبه انك تمشى صح و تتقدم لواحده و تخطبها ادعى ربنا كتير و ربنا هيرزقك و افتكر ان لا حول و لا قوة الا بالله
فطول ما معاك الله سبحانه و تعالى هتبقى قوى و هتوصل ان شاء الله للى عايزه
و افتكروا قصة سيدنا موسى لما وجد الفتاتان و ساعدهم بس منغير ما يعمل ذى اللى فى كتير بيعملوه يساعدوا و يعيشوا دور الشهامه عشان يتعرف عاللى قدامه لكنه عليه السلام منطقش بكلمه زايده عن الحد
و بعد ما سقى لهما مشى على طول
فربنا كرمه و خلى والد الفتاه هو بنفسه اللى يقوله انه عايزه يجوزه لاحد ابنتيه

فبجد لو اى انسان بيتقى ربنا هيجيله اللى عايزه لغايت عنده او هيجيله اللى افضل منه

فبما اننا منعرفش هل الاول بيدوم و لا مبيدمش و لا ايه نظامه

لكن اللى احنا فيه دلوقتى ان فى كتير بيقعووا فيه فلازم يتقوا ربنا لو عايين يعيشوا فى سعاده و يكونوا يوم القيامة فى سعادة

و ربنا يرزقنا كلنا بالتقى و الهدى و العفاف و الغنى
_________________
سبحان الله و بحمده سبحان الله العظيم