عندك مشكلة .... بوسى تحلها (ان شاء الله )

يا بناتيت يا قمرات اى بنوته جميلة فيكم عندها اى مشكلة ياريت تقوللى وانا ان شاء الله اساعدها ف حلها
عملا بالحديث النبوى (كان الله فى عون العبد ما كان العبد فى عون اخيه) انا عارفة انى مش انتيم لحد فيكم
ولا شوفتونى اساسا ولا اى حاجة من دى بس انا اكبر منكم مش بكتير اوى يعنى بس ان شاء الله اى بنوتة فيكم هتتطلب مساعدتى ليها ف اى حاجة ان شاء الله هكون جمبها والسر ف بيييير
_________________
لا اله الا الله الحليم العظيم لا اله الا الله رب العرش الكريم[img]

وطبعا انا متمناش ابدا ان حد فيكم يحصل له مشكلة يارب يبعدكم عن المشاكل ويبعدها عنكم بس لو حصل يعنى انا موجودة وممكن كلنا نشارك فى الحل لو تحبوا
_________________
لا اله الا الله الحليم العظيم لا اله الا الله رب العرش الكريم[img]

ربنا يكرمك يا احلى بوسى
ايه الافكار الجامده دى

هو من جهة المشاكل فهى كتيييييير ..الحمد لله
لا تقلقى

و انتى كمان يا ريت تقوليلنا لو عندك مشكله ممكن برضه نقدر نحلهالك ان شاء الله

و ابدألك بمشكله هى يمكن عبيطة بس عويصه جدا
و هى اختلاف اهداف عندى

انا نفسى ادخل قسم ادارة جدا و مستريحاله و حاسه انى ان شاء الله احتمال كبير يكون لى مستقبل فيه على عكس ما عندنا الناس مبتحبش تدخله عشان خايفين على مستقبلهم العملى

لكن اللى بجد مش قادرة استحمله و هى دى المشكله
انى مش عارفه اذاى اسيب مجموعتى حبيبتى و بإرادتى

انا نفسى الترم دة ميخلصش
بجد النهاردة تقريبا عيطت فى وسط المحاضرة لان الدكتور قالنا دى اخر مرة
مش قادرة اتخيل انى هسيب الناس دى

يمكن معرفهمش كلهم و لا ليه دعوى بيهم بس ناس خدت عليهم حاسه بجد ان المدرج دة بيتى فى وسط اخواتى

مش قادرة خالص اسيب مجموعتى بس مش عايزة اضيع من نفسى فرصة نجاح كبيرة ممكن احققها ان شاء الله لو دخلت ادارة
و كدة كدة سنه و هسيبهم يعنى هسيبهم .. اكيد انتى حاسه بالشعور دة عشان اخر سنه ليكى

بجد نفسى افضل طول عمرى فى الجاامعه بحبها اوى
نفسى السنين تمر عشان حاجات معينه لكن مش عايزة برضه اسيب جامعتى و مجموعتى

انا نفسى اشتغل فيها عشان مسبهاش

مشكلتى انى عندى انتماء زايد شويه
و بكره الفراق بجد دة حاجة وحشه اوى
بس برضه عندى طموحات عاليه اوى و اهداف نفسى احققها
هو انا دايما كدة بفكر فى حاجات متعارضه و مش بعرف اوازن اذاى
_________________

اعوذ بالله من الشيطان الرجيم
اللهم يا مقلب القلوب ..ثبت قلوبنا على دينك

سنحيـا بالقرآن
إن شاء الله

الله معي
الله شاهدي
الله راقبي
الله مطلع علي

انا مشكلتي ان عندي اصحااااب كتير قوي الحمد الله
ومشكله تكمن في اني مش بقدر اوفيهم حق الصداقه دي
بالذات ان في ناس معتبراني انتيم ليها بجد
واقرب واحده ليها

وده بيتطبق علي اكتر من عشرة وفيهم اكبر مني سنا وفي الدفعه واللي بره الكليه وكمان اصغر مني

وبجد مشعارفه اسمع كل واحده لان ده بيجي علي ناس اللي انا معتبراهم انتيم ليا بجد
هما قليلين طبعا قدام الباقي
بس مش عارفه بقي اعمل ايه
لان بجد انا قعدت احجسبها لقيتهم كتير قوي هيا حاجه بجد مفرحاني الحمد الله بس في نفس الوقت شيئ صعب
ياريت تكوني فهمتيني

ما شاء االله
ربنا يزيد ويبارك
بصى انتى ممكن تحدى من الصداقات العادية والناس الاقريبين منك تديهم اهتمام اكبر تبقى معاهم وقت اكبر وتدخلى معاهم اى حاجة ويعنى تشاركوا بعض اى حاجة .....
بجد لما الاصحاب بيدخلوا حيات بعض اوى مش بيقدوا يبعدوا عن بعض والعشرة بتفرق معهم كتير
بجد لما تكونى عايزة حد اوى لازم تفضلى ورا متسبهوش ابدا وبس المهم تروى الصداقة دى لان ممكن تكون فى علاقة قوية اوى بس احد الطرفين مش بيروى الصداقة دى وسيبها كدة ودى طبعا بتوصلهم لمشاكل كبيرة جدا
والايام الحلوة بتعدى فى ثوانى ..........
الاصدقاء المخلصون نادرون جدا مثل الاحجار الكريمة................
وربنا يوفقك يا حبيبتى
_________________
طلعت شمسى من الوردة فى البستان سجدت سجدة بتقولى قوم اتوضى قولتلها سبحان الله..........
وفراشة حلمت حلمى بتنام دايما على كومى بسال عن معنى امى جوبتنى سبحان الله........
وسنابل اقمح مع شعير على سجادة حرير فى حرير بتصلى وايا العصفير بتسبح سبحان الله............
سبحان الله
والحمد لله

كلامك حلو قوي يا نسمه
بجد يمكن هداني شويه
وبجد انا عامله لسته ليا دول ان شاء الله مش هبعد عنهم لغايت ما اموت
وانتي طبعا فيهم وهدي وناس كتير ويارب ننكون اصحاب دايما
ويارب يكون كشكول رجعلك Very Happy

اة الحمد لله
دة انا كان هيجيلى ازمة قلبية بس رجع
وربنا يكرمك ان شاء الله يا هوبة بصى انا فى وقت من الاوقات كان اصحابى كتير اوى زيك بس الموضوع دة كان مسببلى مشاكل كتير اوى بجد فى حياتى واكتشفتك ان و لا اقرب اوى ولا ابعد اوى خير الامور وسط
ان الاحسن ان يبقى ليا اصحاب مقربين اوى والناس الباقية عادى يعنى
والاصحاب المقربين بيبقى ليهم مزايا كدة لما تكونى دايما كدة معاهم عايشة بيهم وحاسة بيهم وقريبة ليهم ولو بعدتى عنهم تحسى ان الحياة ملهاش معنى ولا طعم
بس اهم حاجة توفيهم حقهم عليكى........
وبعدين اهدى كدة انا معاكى اهو يا قمر ..........
وربنا يزيدك اصحاب يا ستى..........
_________________
طلعت شمسى من الوردة فى البستان سجدت سجدة بتقولى قوم اتوضى قولتلها سبحان الله..........
وفراشة حلمت حلمى بتنام دايما على كومى بسال عن معنى امى جوبتنى سبحان الله........
وسنابل اقمح مع شعير على سجادة حرير فى حرير بتصلى وايا العصفير بتسبح سبحان الله............
سبحان الله
والحمد لله

ربنا يكرمك يا حبيبتي
ويوفقك ياااااارب
وافرح بيكي بقي قريب ياااااااااااااااارب

يارب اكون افدتكم يا جماعة ولو منفعش الكلام دة قلولى وانا ادور لكم على حلول تانيةD:
_________________
لا اله الا الله الحليم العظيم لا اله الا الله رب العرش الكريم[img]

كلامك حلو قوي بجديا بوسي وبجد موضوع بتاعك يستحق انه يتثبت بجد
وربنا يكرمك يارب وانتي بجد
شخصيه لوة قوي ومرحه قوي وكمان ارائها حلوة قوي

مقالة:

[size=16]بسم الله اولا الرد على رسالة الجميلة ندودة بصى يا ستى انا كانت عندى نفس مشكلتك دى خصوصا ان كليتنا زى كليتكوا فى التخصص كدة برضه يعنى انا اتخصصت فى اخر سنة والجروب بتاعى كله دخل قسم غير القسم بتاعى على الرغم من ان كل واحد فيهم كان ليه اهتمامات مختلفة وحسيت اوى باحساسك دة
بس انا بقولك وعن تجربة صلى استخارة اولا واللى انتى مرتاحاله ادخليه وصدقينى ربنا هيوفقك ان شاء الله وان كان على اصحابك هيجى اوقات وتشوفيهم وتتكلمى معاهم او تخرجوا انا بقولك الكلام دة عن تجربة عملية مش هزار وحاولى تكونى عملية اعكتر لان دة هينعكس على مستقبلك وحياتك وممكن لما تدخلى حاجة انتى مش بتحبيها تبقى زعلانة ومش مبسوطة فيها حتى لو كان معاكى اصحابك وياستى ابقى شوفيهم على المنتدى بتاعك يا ندى

[/size]

ميرسىىى يا حبيبتى
ربنا يخليكى لينا
و بجد جميل اوى انك قولتيلى تجربه عمليه تطمننى

طب اول ما دخلتى قسم لوحدك حسيتى بايه و اذاى قدرتى تتاقلمى على الجو الجديد ؟؟
_________________

اعوذ بالله من الشيطان الرجيم
اللهم يا مقلب القلوب ..ثبت قلوبنا على دينك

سنحيـا بالقرآن
إن شاء الله

الله معي
الله شاهدي
الله راقبي
الله مطلع علي

طب معلش اقرفكوا بمشكله تانيه

انا ساعات كتير بحس انى جوايا حاجات كتير عموما متضاربه و متلخبطة و تصرفاتى بتكون كتير متناقضه
يعنى ساعات ابقى الهدوء و الرقه و صوتى مش طالع و ساعات اتعصب و اتضايق و مستحملش كلمة
طموحة جدا عمليا بس ساعات ممكن افكر افكار مجنونه جدا ممكن تضيع مستقبلى

مجنونة بس عاقله
رغايه بس مع ذلك مصرة انى انطوائيه عشان مش بحب اقول للناس كل حاجة

مش عارفه حااجات كتير ملخبطة
_________________

اعوذ بالله من الشيطان الرجيم
اللهم يا مقلب القلوب ..ثبت قلوبنا على دينك

سنحيـا بالقرآن
إن شاء الله

الله معي
الله شاهدي
الله راقبي
الله مطلع علي