جديد احمد فؤاد نجم

انا مش لاقى مكان تانى احطها فيها قولت احوطها هنا

افندينا أنعم علينا بعلاوة
تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط

*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد.. جرايد.. برامج.. يفط
*****
تؤكد بأن الحكومة.. بذكاء
و من حزمة واحدة قضت ع الغلاء
و لابد يبقى لدينا... انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا مانعرفش ليه
ماتلمح مكانه في مراية عينيه
و نقدر ندوق منه... حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقـنا اللي صح وكلامك غلط
*****
قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حاتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****

تعيش مصر دايما في عز و جمال
يعيش المواطن شـديد الاحتمال
و آمن تماما من الاشــــتعال
و أقصى ما عنده.... ينكت فقط

_________________

تحفة

بجد الراجل دة عبقرى

و فعلا قال كل اللى الناس نفسها تقولة

تسلم ايدك على الموضوع الرائع دة
_________________

جامدة جدا بجد

تسلم ايدك

الراجل ده اول مره شفته فى التليفزيون كان مره بابا بيتفرج عليه ومندمج جداااااااا
انا استغربت اوى ايه الراجل ده
ده رخم ومش بحبه خالص
لما بدات اسمعه لقيته بيعبر عن كل اللى بيحصل
بالطريقه اللى احنا عايشين بيها مش اعلى ولا اقل
كلامه حقيقى فعلى علشان كده الناس كلهم حبوه لانهم حسوا انه منهم بجد
وجزاك الله خيرا على الموضوع الجميل ده 234

_________________

ربى انى لك عدت من سراب فيه تهت وعلى وجهى شظايا ندم فيه انتيت

وكهوف من خطايا تحتها نار وصمت فاذا ابكى اراها ادمعا مما بكيت

هى نفسى وهى شيطانى الذى منه هربت فاذا التوبة القت رحلها عندى رحلت

واذا الاوزار حطت حط قلبى وانتشيت واذا ركب الخطايا لاح للعين نفوت

الاسى والاثم والعصيان هذا ما حملته

maha & fedaa

انا مش مع الكلام ده خالص
_________________

MY FAVORITE BAND

شكرا ليكو

شكرا يا درش هو فعلا بيقول من القلب للقلب

وشكرا ليكى يا هبه ونورتى الموضوع

وشكرا عاشقة تراب القدس ونورتى الموضوع

وفامبير طيب قول ايه اللى مش عاجبك وانا اناقشك بما انى صاحب الموضوع

وشكرا لمرورك
_________________

كلامه كويس و فعلا نفس الكلام اللى الناس بتقوله

تسلم ايدك يا بروف على الموضوع

الله يخليكى

نورتى الموضوع
_________________

مش عاجبنى كلامه بس و كمان كلام كل المصريين فى الموضوع ده خصوصا
يعنى لما تشوف حوليك كل الناس عندها لتر السلار او الجاز بالعمله المصريه يساوى 8 جنيه و عندك هنا فى مصر لما اترفع بقى ب1.10 جنيه يعنى فى فرق 6.90 جنيه بتدفعه الدوله قدام كل لتر سلار و جاز احنا بنستخدمه و بالحرف الواحد الشخص اللى قالى الكلام ده فلسطينى بيدرس هنا قال ان السنه اللى فاتت كان اللتر ب4 جنيه بعنى زاد فى كل مكان الضعف و احنا زعلنا انه زاد 30 قرش بس
و فى كمان حاجه اتعملت ان الضريبه على الدخل فى مصر كانت 40% و نزلت ل20%
معجبش علشان نزلوها للاغنيه طيب ما الفقراء اللى كانوا بيدفعوا ال40% اكتر يعنى خفضوها النصف تخيل لو كانت 20% و زادت ل40% مش كان هيتقال حرام عليكوا بتمصوا دم الغلابه
يعنى احنا مفيش حاجه بتعجبنا
و ارتفاع اسعار الغذاء مش الحكومه اللى رفعته بمزجها لا زاد فى كل مكان وعلى كل الناس علشان الوقود الحيوى و كمان البترول اللى رفه اتقال من قريب ان السبب المضاربات اللى فى برصه نيويورك بين الشركات المنتجه لزياده الارباح و كل الناس فى اوبك بتقول ان السعر العادل للبرميل الخام من 90 الى 100 دولار مش 149 او 147 ده اخر رقم و ممكن يزيد و كان سعر البرميل السنه اللى فاتت 80 دولار بس و ده على فكره الخام قبل التكررير
يعنى مجبر اخاك
و معدلات التنميه المرتفعه اخنا اخدنا ان اللى بيعمل مشروع بيكون عاوز يسترد راس المال بعد مده معينه تتوقع من مين انه يتوسع او يبنى مصانع او فروع قبل ما يسترد راس المال اه فى استثمارات بس كل اللى دفه قرس مستنى يرجعله و ارباح كمان علشان يفكر فى توسع
و افكرك بحاجه كمان ان فى مصر البطاله فى العماله ذات الموئهلات العليا بس لكثره عددهم بس فى نقص فى العماله المهنيه او الحرفيه بشكل كبير و انا فاكر انه اتقال فى برنامج ان فى 3 مصانع فى اكتوبر قفلوا علشان مفيش عمال
ودى كمان مش مشكله الحكومه ان كل الناس بتدخل كليات مش مهاهد متوسطه او معاهد صناعيه او مدارس صناعيه و يوم ما فكروا يعلوا مجموع الالتحاق بالمدارس الثانوى العام الدنيا قامت و يعنى ايه و حق الانسان فى التعليم و كلام كبير كده و لما قالوا هيخفضوا عدد الطلبه فى الجامعات اتقال علشان الكليات الخاصه
ده كله بجانب ان العاملين فى الدوله حسب الجهاز المركزى للتعبئه و الاحصاء بيشتغلوا نصف ساعه بس فى اليوم دول قولى انت ياخدوا فلوس ليه او على ايه و خير مثال شئون الطلبه عندنا فى الكليه 5 فى مكتب واحد المفروض الشغل من 9.30 دقيقه الى 2 بس الشغل الفعلى انهم كلهم على 10 او 10.30 يكونوا وصلوا و فطروا و شربوا الشاى بعد كده يفتكر ان فى ناس مركونه بره بعد كده على الساعه 11 12 كده يمشى 3 منهم و يستنى 2 مبيعملوش حاجه غير انهم يشكلوا مع الطلبه او المدرسه فى ثانوى كان معظم المدرسيين يدخلوا الفصل انا مش عاوز صوت او اخرجوا من الفصل او اعملوا اى حاجه انتوا عاوزنها انا مصدع او او او او قولى دول ياخدوا فلوس ليه اصلا مش يعترضوا على ان المرتب مش كبير او انه قليل
فى ايه تانى مش فاكر بس فى حاجات كتبر قول انت شايف ايه
و معتقدش ان فى حاجه تانى فى الحزمه كانت تزعل
_________________

MY FAVORITE BAND

معلش حاجه كمان لسه شايفها
ان برميل البترول الخام كان عام 2001 ب 20 دولار بس
وان المسئولين عن الشركات البترول بيقولوا ان لسه لتر البنزين اقل من ثمن لتر المياه
_________________

MY FAVORITE BAND

انا معاك ان كل دوله ليها عملتها و ليها ظرفها و كل حاجه
ممكن تحسب الدعم اللى انت بتاخده و تضيفه على الراتب بتاعك او مش انت يبقى والدك و تشوف هيبقى كام
و فى شركات اجنبيه و محلات اجنبيه العاملين فيها عايشيين فى مصر و الراتب بتاعهم بالدولار و زيه زى الراتب اللى بياخده العامل فى البلد الاصليه علشان كده بيقولوا يلغوا الدعم و يخلوه نقدى و كده المرتبات هتزيد و الاسعار هتزيد و هنبقى زى باقى العالم
و حاجه كمان ان الحاجه اللى بتتصنع فى البلد تقريبا السعر مساوى على الرغم من اختلاف العمله و ابسط حاجه البيبسى الكان فى مصر ب2 جنيه و فى امريكا ب2 دولار و فى المملكه العربيه تقربا 1.5 و كمان و جبات الماك هنا ب18 جنيه و فى امريكا ب20 دولار
و هناك مش بياخدوا كتر ولا حاجه متوسط الدخل هناك 25000 دولار سنويا
وهنا 12000 جنيه سنويا ده اللى احنا بناخده ضيف الدعم و شوف
انا اختى كانت عامله مشروع التخرج بتاعها كان فيه حاجات كتير اووى بناخدها دعم و مش معترف بيها كدخل لانه مش بناخدها فى ايدينا
لو ضفت الدعم هتوصل لمتوسط الدخل 20000 جنيه سنويا
و المبلغ اللى يوفر الحد الادنى للمعيشه فى مصر 700 جنيه و فى اروبا 700 يوروا
يعنى هيا هيا فرق العمله بيبان بس عند الاستيراد بس و لما الحاجه بتصنع محليا زى ماقولت قبل كده المقابل واحد
و التعليم و المناهج متغيرتش من زمان مش حاجه جديده
و هجبلك الدعم اللى على السلع كام
و دى لينكات ليها علاقه بالدعم اللى غير معترف بيه كدخل بس قديمه 2005/2006
http://www.akhbarelyom.org.eg/akhersaa/issues/3752/0601.html
http://www.sis.gov.eg/Ar/Pub/achievments/book25/110803000000000004.htm
_________________

MY FAVORITE BAND

ههههههه

هاتودينا في داهيه يا بروف

و يا فامبير انت بتعمل مقارنه غريبه مش تنفع خالص
و كانز ايه بس و وجبه كنتاكي مش دي الاساسيات اللي بنحسب عليها الاقتصاد في الدول يعني
للاسف انا مش معاك خالص في كل كلامك
_________________

انا مقصدش كده
دى الحاجات اللى بتتصنع فى نفس البلد اللى بتستهلك
بس المستورد زى تى شيرت اصلى بوما مثلا فى بلده الام ب70 يورو
بس هنا بكام 375 جنيه بس مش اكتر
_________________

MY FAVORITE BAND

ماهو لازم يكون ب375ج

فك انت ال70يورو وهايطلعو 375ج

والمسئول عن كده الاقتصاد بتاعك
_________________