منتدى commerce

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
اليوميةالرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 الثانوية العامة لطمتني بشدة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
مصطفى
نقيب تجارى
نقيب تجارى


ذكر عدد الرسائل : 5707
العمر : 24
مكان السكن : مصر
الوظيفة : طالب في كلية دار العلوم
الهواية : كرة القدم
السٌّمعَة : 7
تاريخ التسجيل : 04/09/2007

مُساهمةموضوع: الثانوية العامة لطمتني بشدة   الثلاثاء يوليو 15, 2008 4:09 am

حسبي الله ونعم الوكيل

ربنا بجد على الظالمين

أنا جايب 63 %

حسبي الله ونعم الوكيل فيهم

ربنا يخرب بيوتهم زي مايخربوا عليا حياتي

كل المجهود ده واجيب النتيجة دي

والله العظيم حرام عليهم

ربنا ينتقم منهم



وليد بيقولي يمكن غلطانين وقالي روح اتأكد من المدرسة

وهروح النهاردة عشان أخد شهادتي واتأكد من درجاتي

أنا مظلوم بشدة

ده ولا كأني ذاكرت


أنا يأست بجد ولو طلعت النتيجة بتعتي زي اللي ع النت أنا هطلب إعادة تصحيح

ولو مجتش بفايدة وفضلت 63 % ومخدتش حقي

يبقى هخرج من الثانوي عام

بس والله العظيم أنا زاكرت

وانا احسن من ناس كتير كانوا معايا في المدرسة دول معظمهم بيشربوا سجاير وفاسدين

وانا اللي حلو فيهم


هو ممكن يكون كاتبلي الخير في حاجة تانيه


أنا عيط أكتر ماعيط على جدو الله يرحمه

أنا أتصدمت فعلا انا كت متوقع 80 %

وكانت أقل حاجة متوقعها

أزاي يعملوا كده

حرام عليهم

ده أنا قاعد اهو سهران ومنمتش اهو دلوقتي الفجر قرب وهفضل صاحي لحد الصبح لحد ما أروح المدرسة واتأكد

أتمنى من كل قلبي أنها تطلع غلط

ويعيدوا تصحيح ورقي

وإلا هسيب الثانوية العامة دي

حرام يضيعوا عليا مجهودي وبجد كده بيشجعوني أني أمشي من البلد دي مدام مفيش عدل فيها
الرجوع الى أعلى الصفحة اذهب الى الأسفل
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 4:41 am

انا بقى لحد دلوقتى بجد مش مصدقه المجموع اللى انا جبته



انا بقى جبت 65%

نفسى اعرف حصلت ازاى

الدرجات شكلها غريب جدا جدا

التاريخ اللى انا كنت صماه ادونى فيه 25 يعنى درجه النجاح يعنى انا المفروض احمد ربنا لانى

لانى نجحت اصلا


و الفرنساوى والعربى درجات غريبه اووووووووووووى
بجد انا لما اخويا جابلى الدرجات افتكرته جاب درجات حد تانى

انا كنت متخيله انى اجيب 85%

وجبت 65%

ده حراااااااااااااااااااااااام
بس ان لله وان اليه راجعون اللهم اجرنى فى مصيبتى واخلف لى خيرا منها

انا لحد دلوقتى قاعده اعيط ومش متخيله انى انا اجيب كده

بابا بيقولى انه هيعملى التماس

بس برضه مش هطلعى بيه بفايده

فلوس على الفاضى

انا عمرى ماكنت جربت احساس الظلم بس انا دلوقتى بقه جربته

احساس صعب اوى اوى

انا امى مش مصدقه درجاتى

و مكنتش مصدقه انى فى حد بيتظلم فى الثانويه دلوقتى بقه انا صدقت

و برده مكنتش مصدقه اختى واتظلمت اهو فى الاخر

انا بقى مستقبلى كله ضاع

بس الحمد لله على كل حاجه

بس والله ظلم ظلم اوى

و حرام

ليه الناس ما يكونشى عندهم ضمير

والله انا ليه اصحاب شالوا مواد كمان

بس انا كنت متخيله انى اجيب درجه وحشه فى اى ماده الا التاريخ

والفرنساوى انا كنت باخد فيه درسين وكنت بحبه اوى

حررررررررررررررررررررررررررررررررراااااااااااااااااااااااااام

والعربى اللى كنت كاتبه التعبير فيه 5 صفح

اللى عمرى ما قليت فيه عن 28

مدينى فيه 23

انا مش مصدقه ومش عارفه ابطل عياط بس والله ظلم والله ظلم
ده ظلم
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 5:13 am

لا حول و لا قوة الا بالله

حسبي الله و نعم الوكيل فيهم

اي الدرجات دى بجد الله يسامحهم

ربنا يصبركوا

بس بجد متقلقوش ما دام عملتوا اللى عليكوا


خلاص هتاخدوا جزائكم عند ربنا

و محدش عارف الخير فين و الله انا ابن عمي كان من الاوائل طول عمره و اتظلم فى الثانويه العامة و جاب 70 باين بس دلوقتى مسافر فى بعثه يحضر الدكتوراه فى اسبانيا

بجد محدش عارفه يمكن دة خير ليكم

اصبروا و ان شاء الله ربنا هيكرمكوا و يجازيكم كل خير

و يأجركم فى مصيبتكم و يخلفكم خيرا منها

معلش انا مقدرة شعوركوا الصعب دة ربنا يكون فى عونكم بجد ظلم فظيع
حسبى الله و نعم الوكيل

بس انتوا متقلقوش انتوا كويسين و ربنا اكيد بيحبكوا عشان كدة ابتلاكم عشان يعلى منزلتكم عنده و تبقوا من الصابرين

و بعدين طظ و مليون طظ فى اى نتيجة المهم انكم كويسين و صحتكوا كويسه و عايشين فى امان و مسلمين و بعدين انتوا ناس عملت اللى عليها يبقى مش مهم اى حاجة تانيه

احنا فى الدنيا دى هدفنا نرضى ربنا و نوصل للجنه و انتوا عملتوا اللى عليكوا فى النقطة دى يبقى خلاص بقى اللى حصل دة لسبب معين احنا منعرفوش و اكيد هييجي يوم و تقولوا الحمد لله ان دة حصل

و ان شاء الله السنه الجاية تعوضوها
و ايه تسيب الثانويه العامة دى بس يا بنى انت ا شاء الله تحسن مجموعك السنه الجاية و متقلقش و خلي املك فى ربنا كبير و اكيد ربنا كاتبلك حاجة معينه احلى من اللى انت كنت بتتمناه بكتير
احنا شايفينك على المنتدى طول السنه و انا متاكدة من ردودك انك كنت مذاكر كويس دة انت ما شاء الله بترد على طول من خلال مناهجك

فمادام عملت اللى عليك انسى اى حاجة

و انتى يا لولو ي حبيبتى متزعليش ما دام حاسه انك عملتى اللى عليكى و ذاكرتى كويس انسى اى حاجة و يا حبيبتى اكيد ربنا برضه كاتبلك مكان معين فيه خير ليكى يمكن لو كنتى روحتى غيره كان يكون فيه شر و خليكى صابرة كدة دايما و يا بختك يا ستى دة اللى يصبر و يقول الادعيه الجميله اللى انتى قولتتيها دى يبقى منزلته كبيرة اوى
و سيبك بقى من درجات الدنيا المهم انك فى الاخرة نكون منزلتنا عاليه
و يا ستى متزعليش نفسك ما فى بنات بتاخد الدكتوراه و تقعد بيها فى البيت يعنى



صلوا على النبى كدة انتوا الاتنين و روقوا و صلوا ركعتين كدة و ادعوا ربنا يبعد عنكم الظلم دة و يكتبلكم الخير و يفرحكوا

و انسوا خابص حكاية النتيجة دى و متزعلوش نفسكم

المهم انكوا انتوا كويسين متزعلوش نفسكم الزعل بيتعب و صحتكوا بالدنيا بلا نتيجة بلا قررف

ربنا يصبركم و يفرحكم و يكتبلكم كل خير

و على فكرة برضه احتمال تكون كدة كل المجاميع قليلة فيبقى مستوى الكليات قليل انا برضه بنت عمى جايبة 68 الظاهر ان الدرجات مستواها قليل عموما
فان شاء الله كدة يكون التنسيق قليل برضه و الكليات مجاميعها تقل

و يمكن يرجعوا ذى زمان و ياخدوا طب من 70 % و الحركات دى

روقوا كدة يا حلوين يا احلى كوميرساويين صغيرين و متزعلوناش عليكوا بقى

سلااااام علييكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 7:12 am

ميرسى اوى يا نودى

على كلامك بس اصل

الاحساس بالظلم ده حاجه صعبه اوى اوى

بس الحمد لله ربنا يعوضنى خير يارب
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 8:17 am

عارفة يا حبيبتى و مقدراكى اوى

ذى كنت قريب بعيط عشان جبت 69 الترم دة ( مش عارفه ايه حكاية الستينات السنه دى مع اننا الفين و تمانيه يعنى )
و بابا و ماما كانوا بيصبرونى و يقولولى كلام كتير كدة كنت برد عليهم نفس الرد

الظلم حاجة صعبة

بجد هو اصعب شىء

بس عارفه و الله يا لولو اللى حللى المشكله انى حاولت انفض خالص و روحت اعدت اعيد حساباتى قلت انا كان نفسى اعمل ايه بالتقدير

انا كان نفسي اطلع معيدة و اعلم الناس

قلت خلاص بقى الاعمال بالنيات انا عملت اللى عليا و عيت و موصلتش

فخلاص بقى خدت حسناتها

و الواحد مش عايز فى الدنيا دى غير انه يرضى ربنا و يدخل الجنة

فخلاص هى الحياة دى مرحله صغنتوووته خالص ف حياتنا

عشان فى الحياة الدنيا و حياة الاخرة و الاخرة هى اللى الى ما لا نهاية اما الدنيا فسنوات مهما طالت قليلة

فلما فكرت كدة

و قلت انا لازم اخلص عملى كله لربنا

مش فى ايه بتقول (( قل ان صلاتى و نسكي و محياي و مماتي لله رب العالمين ))

لو بعمل كل حاجة عشان ربنا بس ذى ما امرنا

يبقى خلاص ما دام عملت اللى عليا لازم ارتتاح لانى خلاص رضيت ربنا و هو دة المطلوب مني

جه اللى فى بالى بقى او مجاش اكيد ربنا عمللى اللي فيه الخير


و الله يا الاء لما فكرت كدة ارتحت اوى و اتبسطت و لقتنى مبسوطة و بضحك كمان

ادعي ربنا و افتكرى الكلام دة و اسجدى و طولى فى السجود و اشكى لربنا كللل حاجة مضايقاكى و هتلاقى بجد نفسك مبسوطة يا سكرة انتى



و الكلام دة برضه لمصطفى طبعا

عايزاكوا تفرحوا بقى عشان اجبلكوا هدايا عشان مذاكرتكم و تعبكم .. عشان احنا ناس مبنعترفش بالنتايج

الا هو انتوا مشفتوش نتيجتى بتاعت ال100% اللى زورتها

تحبوا ازورلكوا كل واحد نتيجة Very Happy

روقوا كدة و عايزين التوقيع بتاعى يملى المنتدى

انا شطورة و النتيجة دى ظلم Very Happy

شايفين الثقه Basketball

بس الولاد طبعا شطور مش شطورة بقى bom

و يلا قولولى بقى عايزين هدية ايه مقابل تعبكم و جهدكم malak

ربنا يوفقكوا و يفرحكوا يا احلى ناس فى الثانوية العامة و اشطر ناس بالعند فى اللى بيصحح بقى 6568




يلا انا هعلن نتيجتكوا مصطفى 93 % و الاء 95%

كويس كدة و لا ازود Very Happy

يا رب تكونوا مبسوووووطيييييييين و ربنا يبعد عنكم كل هم و زعل و حزن ..يـــــــــا رب
الرجوع الى أعلى الصفحة اذهب الى الأسفل
http://www.amrkhaled.net
مصطفى
نقيب تجارى
نقيب تجارى


ذكر عدد الرسائل : 5707
العمر : 24
مكان السكن : مصر
الوظيفة : طالب في كلية دار العلوم
الهواية : كرة القدم
السٌّمعَة : 7
تاريخ التسجيل : 04/09/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 8:42 am

هييييييييييييييييييه

نجحت نجحت جبت 93 % Very Happy

لو كنتي أنتي اللي بتصححي الورق ده كانت مصر كلها دخلت ثانوي عام

هههههههههه

والحمد لله أنا فوقت

بس زعلان عشان زعلت ماما وبابا

أنا مش عارف أعمل ايه معاهم

بدل ما أفرحهم زعلتهم ومش أي زعل

يلا

على رأيكم بلا نتيجة بلا قرف

والحمد لله

ولا يأس مع الحياة ولا حياة مع اليأس

وأنا شطور والنتيجة دي ظلم Very Happy


وانتي يا آلاء أنا مقدر شعورك أوي أوي

لأني زيك بالظبط

وفعلا كانت صدمة كبيرة غير متوقعة

وفعلا هما ظالمين جداااااااااااااااااااااااااااااا

بس نحمد ربنا وهنلاقي الخير في حته تانية

المهم دلوقتي نروق ونسيبنا من كل حاجة ونقضي الأجازة دي في خروجات

ونهيص

وإن شاء الله في تاته نجيب مجموع كبير

ونحققق اللي بنتمناه

وميهمكيش النتيجة 65 أو أنا 63

هنقدر نعوضهم في تالته

ولازم نبذل جهد اكبر من اللي بذلنا في تانية

مع أني بذلت جهد برده في تانيه

بس ده قضاء ربنا ولازم مش نعترض عليه

يلا بقى نروق ونعيش الأجازة ونقضيها بقى

يلا وندى حتى بتقولنا 95 و 93

فطبعا هنسدق ندى

ههههههههههههههههه

هو مش 93 أوي ممكن 83

عشان ماتغرش Smile

وشكرا ياندى على تحمسينا ده وكلامك الجميل وشعورك نحونا أحنا الأتنين
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 9:16 am

ههههه و الله انا بجد مبسووووووطة و بضحك من كل قلبى و الله العظيم انا فرحت بمشاركتك دى و كلام الاء على المسننجر فرحة متتخيلوهاش

انا مبسوووووووووووووووووووووطة و الله اوى اوى انكوا روقتوا اخيرررا

هيييييييه

الحمد لله و الله بجد اكنكوا اخواتى بالظبط

و الله بنت عمى كانت ثانوه عامه و لا فى بالى اصلا Very Happy

بجد انا مبسوطة لدرجةة انى بضحك من الانبساط


هيييييه ربنا يوفقكوا وايوة كدة الكلام الصح الجااامد اللى انت قولته دة برااااافو عللليييييييكم


يلا عايزين نحتفل بيكوا بقى

زمان كان اللى يجيب 50 فى المية يزغرطوله انتوا بقى 93 و 95

لولولولولولوولوولى lolololololy lolololololy lolololololy


و صح لازم نقضى الاجازة دى حلللو اوى و نضحك و نهزر و نلعب


ooooooo



بس خدونى معااااكم 2998









لولو انتى هركب المرجيحة دى







مصطفى بقى خليه يقعد ينط كدة Very Happy




و خدوا الهدايا كمان

الاول هدايا لولو عشان الاتيكيت بيقول البنات الاول Very Happy

[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]



مصطفى بقى المشاركة الجاية استنى شوية Very Happy


عدل سابقا من قبل flower's tears في الثلاثاء يوليو 15, 2008 9:34 am عدل 1 مرات
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 9:32 am

خد العربية الغريبة دى مش خسارة فيك



[ندعوك للتسجيل في المنتدى أو التعريف بنفسك لمعاينة هذه الصورة]




و كمان بلاى ستيشن ثرى اى خدمة يعنى

مع ان اخويا هيموت عليه بس خليهولك انت بقى Very Happy

[ندعوك للتسجيل في المنتدى أو التعريف بنفسك لمعاينة هذه الصورة]



و كورة

[ندعوك للتسجيل في المنتدى أو التعريف بنفسك لمعاينة هذه الصورة]


و لاب توب كمان

[ندعوك للتسجيل في المنتدى أو التعريف بنفسك لمعاينة هذه الصورة]




بس ابقى ادي لاء واحد بقى لحسن انا كدة ضميرى انبنى ضحكت عليها بورديتين و كام شمعه Very Happy




و يلا كل سنة و انتوا صاحيين بدرى Very Happy



و دى التورتاية بقى اخييرا

[ندعوك للتسجيل في المنتدى أو التعريف بنفسك لمعاينة هذه الصورة]


و كفاية عليكوا كدة النهاردة عايزة اروح انام بقى

تصبحوا على خير و فرحة ان شاء الله

سلاااااااااام عليييييكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 10:20 am

ربنا يخليكى يارب يا نودى

انتى عارفه انا فى الاول كانت امنيته حياتى ادخل سياسه واقتصاد

بس الحمد لله على كل حاجه

على فكره انا لسه راجعه حالن من المدرسه
كنت بتاكد من الدرجات وللاسف زى ما هيا

و زعلت اكتر لانى كان معايا صحبتى اللى هى انتيمتى يعنى

و شالت التاريخ والانجليزى

مع انها شاطرة والله

حسبى الله ونعم الوكيل ربنا معاها

انا زعلانه عليها اوى
بس الحمد لله على كل حاجه

و مبروووووووووووووك يا مصطفى 93%مره واحد ه

وانا 95%

يعن كان زمانى كنت هلحق سياسه واقتصاد السنه الجايه

يلا محدش عارف الخير فين

بس يا نودى بجد انا مش عارفه اقولك بس انتى عسوله وطيبه وحنينه خالص

ربنا يخليكى ليا

و كمان مره مبروك يا مصطفى وان شاء الله نعوضها احنا التنين السنه الجايه
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 10:27 am

ان شاء الله يا حبيبتى و احمدوا ربنا فعلا ان محدش حصله ذى صاحبتك بعد الشر

ربنا يكون فى عونها و اكيد برضه ربنا كاتبلها حاجة معينة فييها خير

و انا بقى مش عارفة ليه مش قادرة اقوم انام لغايت دلوقتى

انا كنت بقول حاسه انى قلقانه عليكوا اكنكوا اخواتى بالظبط دلوقتى حاسة انها قلبت على ولادى ههههه

ربنا يفرحكوا و يبعد عنكم اى ظلم
و ايه رايك فى الهدايا يا لولو اوعى تطمعى فى بتوع مصطفى انا شخصيا عاجبننى بتوعك اكتر ابقى ابعتيلى ورد بقى منهم

انا عايزة ورررد مللييش دعوة

دة انا كنت مسمية نفسي ورد قبل كدة من كتر ما نفسي فى ورد و برضه محدش جابلى

لا لا بلاش ظلم اخويا مرة جابلى هيييه

شطور اخويا دة يا رب يجيلنا بقى
الرجوع الى أعلى الصفحة اذهب الى الأسفل
http://www.amrkhaled.net
زهرة القدس
نقيب تجارى
نقيب تجارى


انثى عدد الرسائل : 6137
العمر : 26
مكان السكن : عفوك ربى..
الوظيفة : ماشية على أول الطريق ....
الهواية : أستغفرك ربى وأتوب إليك..
السٌّمعَة : 64
تاريخ التسجيل : 03/04/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 5:23 pm

ايه ده بقى ما ليش دعوه
انا عايزه ورد زى الاء اشمعنى هى
طيب ما انا نجحت وانتى ما جبتليش ورد
ولازم اجيب يعنى 95%زيها هههههههههههههههه
او 93%زى مصطفى
ربنا معاكم ويعوضكم خير يارب
انا حسه بيكم لانى مجربها الظلم ونفس السنه ونفس المواد اللى الاء اتظلمت فيها
حتى ماما كانت بقول فداء اتظلمت فى التاريخ والفرنساوى
جايز ربنا يخلى الاء تجيب الدرجات النهائيه فيهم علشان يعوضلى ظلم فداء
بس سبحان الله الاء جابت درجات يعنى معرفش جت ازاى (طبعا مش درجاتها )
فى نفس المادتين اللمنيلين
انا كنت بحب التاريخ والفرنساوى جدااااااااااااا
بس خلاص انا كرهتم كرهتم وقرفت منهم
ده حتى الفرنساوى قلت ربنا يفرحنى بيه فى الكليه
الدكتور ادانى جيد وانا كنت عامله حسابى على امتياز وقعد يقول انا تقديراتى حلوه وهعلى التقدير
واللى محتاج كام درجه علشان يجيب امتياز بدل جيد جدا
هعليله درجات البحث ولا عمل اى حاجه

المهم
ايه هو انا هنسى اختى وهكلم عن نفسى ولا ايه ؟؟
ههههههههههههههههه
خير الحمد لله
قدر الله وما شاء فعل
اللهم لك الحمد كما ينبغى لجلال وجهك وعظيم سلطانك

_________________
كانت لى هُنا ذكريات سأشتـاق لـهـا كثيراً و لن أنســاها أبـداً ما حييت..
ما بين كل صفحة وأخرى بصمة لى,, أراها ما بين حزن وسرور,,أو عزاء وفرح ..
أرجــو ألاَّ تذكـــرونى إلا بالـــــخيــــــر ..(عاشــقــة تراب الــقدس)
ولا تنســونى من صــالح دعـــائــكم فأنا فى أشـــد الحــاجة إليـــه..

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 5:31 pm

بصو


انا بدأت احس ان المنتدي ده نحس


والله يا مصطفي انا مؤيدك جدا في حكاية انك تغير من ثانوي عام


انا لو بايدي كنت دخلت ثانوي صناعي او زراعي لو فيه


اصل البلد مش ناقصة لا محاسبين ولا دكاترة ولا محامين ولا مدرسين ولا مهندسين


ولا ناقصة حاجة غير ان الشباب تبص للصحرا وتشتغل وتخضرها


البلد ناقصة ناس تعرف تنتج مش عالقهاوي تقعد


بص خلاص قدرك الثانوي العام انت وآلاء


نصيحة ليكم

انسوا النتيجة خالص


انا برضه اتظلمت في سنة تانية

وذاكرت جامد وتعبت وسهرت بالنسبة لسنة تالتة


وجيبت 79.5

وزعلت والدنيا اتقلبت في البيت والكلام اللي بيحصل في الدنيا كلها


وفيه ناس برضه جابوا مجامين عالية في تانية وقعدوا يتريقوا عليا وكده


بس شوفوا بقي ايه اللي حصل واتعلموا بجد واعرفوا ان ربنا كبير وان ده خير ان شاء الله


1- جيبت في سنة تالتة ثانوي 93.5 واصلا ما كنتش بذاكر خالص ، كنت مقضيها فعلا زي ما بيقولوا ، بس الفرق اني فهمت اللعبة .

2- دخلت تالتة ثانوي دي اصلا وعيشت ايام حلوة ، بداية من الصحبة اللذيذة في الفصل والدروس والمدرسين العسل اللي كنا بناخد معاهم الدروس والناس اللي في الدروس .

3- عيشت بجد سنة تالتة ثانوي دي سنة لذيذة اوي وحلوة في مجملها وده طبعا بعد ما حولت من علمي لأدبي وضاع حلم من احلامي .

4- انا اصلا كنت داخل الثانوية وحلمي حاجة من اتنين ، يا صيدلة يا تجارة ، وكنت مقرر لو جيبت مجموع طب وما جيبتش صيدلة ، هأدخل تجارة ، ولو لا قدر الله وقعت عن تجارة يبقي فيه حقوق اللي بعشقها برضه .

5- بقي قدامي مجال للكليتين اللي بحبهم من التلاتة واللي هما تجارة وحقوق ، وبعد ما كان والدي نفسه يدخلني تجارة وكان هيظبطني في البنك اللي هو شغال فيه وكده ، رجع قالي لا ادخل حقوق واظبطك بالمعارف واطلع وكيل نيابة ، واتفرج علي المغريات اللي نزلت ترف عليا ، اول يوم في شغلك هتروح بعربية زيرو واللي علي مزاجك ، واي حاجة هتقولها هتتنفذ ، وفي الاخر انا كان عاجبني تجارة وعاجب اغلب العائلة ، ودخلت تجارة ، وقالي هات تقدير جيد بس وانا اشغلك اول ما تتخرج فورا ، وطبعا تقديرات وصلت للحد اللي ما تخلينيش اجيب جيد خالص تراكمي السنين كلها ، بس انا برضه متفائل خير ، ولأني مش حابب شغل المكاتب ده ، وبرضه لسه ليا فرصة اني اتعين في شغل والدتي مثلا .

6- الناس اللي كانوا بيتريقوا عليا انا وصحابي اللي قلينا في المجاميع ، واللي هما كانوا جايبين 95 ، 96 وكده ، في الاخر اول يوم في الدراسة لقيناهم معانا في المدرج ، وكانوا بنات كمان ، وشوف ربنا لما يحب يعلم حد الادب .





بصوا يا اخواتي الصغيرين ، انا هأنصحكم وانصح اي حد هيقرا الكلام ده نصيحة لسه واصلاني يوم الخميس اللي فات


وصلتني النصيحة من قريبي ، قالي الآتي

انا يا هشام زي ما انت شايفني اهوه ، اتخرجت من الكلية وحضرت ماجيستير وحضرت دكتوراه ومعايا الاتنين اهم ، ومسكت مناصب جامدة جدا في كذا دولة في اكبر شركات العالم ، واشتغلت مدير لشركات مالتي ناشيونال ولفيت الدنيا كلها وشوفت كتير

ولكن رغم كل العلم اللي انا فيه والسلطات اللي كانت تحت ايدي والهايلمان اللي كنت عايش فيه شوفت احصائيات وفكرت في الدنيا صح ، وسيبت كل البورصات العالمية اللي كنت شغال فيها واتجهت للمستقبل ، واديني جيت عيشت في بلد غير بلدي وهي مصر واشتريتلي ارض صغيرة وبدأت ازرعها

وفضل يقولي في احصائيات وحاجات هتحصل في المستقبل ، تخلي اي حد فعلا يتجه للزراعة زي ما انا كان نفسي فيها بقالي فترة

قريبي قالي انا رميت شهاداتي ودرجاتي العلمية ومسكت الفاس وزرعت بايدي ، وهو ده المسقبل بجد

قالي انا بيعت كل مناصبي وسيبتهم وانا في عز مجدي ، وجيت اشتغل هنا وابدأ مشروع صغير



بجد بسم الله ما شاء الله علي قريبي ده


علي فكرة

انا ناوي انتهج نهجه ، وخصوصا انه وعدني انه هيساعدني لما ابدأ ، بس المشكلة في سنة رابعة اللي لسه فاضلالي


والمشكلة كمان في حاجة مهمة ، ان الواحد لما هيروح يستصلح ارض ، هينسي صحابه والناس

هينسي النت والعربية ، هينسي الرفاهية والدلع ، هينسي الزحمة والقرف


وهيعيش شبه منعزل في ارضه



المهم في كلامي

انا رغيت كتير

علشان اخرجكم من اللي انتم فيه


يا رب تكونوا اعتبرتم من كلامي


وعرفتم المستقبل كله فين

وازاي الواحد ربنا بيعوضه ان شاء الله

ومش عيب اني لو لقيت نفسي ماشي في طريق غلط ، ابدأ اشوف الصح فين وامشي فيه


انا عن نفسي ، بدأت افكر اني ادخل زراعة بأي طريقة


يللا الحمد لله


ربنا يكرمنا كلنا

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 6:03 pm

[size=24]بص انت كلامك يخرج الواحد فعلا من الحاله اللى هو فيها


بس الزهول مش قادره اتخلص منه اصل

65%دى حاجه صعبه اوى والاحساس بالظلم اصعب و اصعب

انا اصحابى مش مصدقين ان انا اجيب كده

اغرب درجات شفتها فى حياتى


انا صورى الورقه بتاعه النتيجه اقدام عينى مش قادرة اشيلها من اقدامى عينى

بس الحمد لله

انا كنت داخله ثانوى وناويه سياسه واقتصاد مجموع كبير او حقوق مجموع صغير بس انا بيتهيألى انى مش هلحقها كمان

ان لله وان اليه راجعون

الحمد لله

الحمد لله[/size]
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 8:31 pm

لا يا لولو يا حيبتى متتشائميش كدة و على فكرةة انتى فرحتينى ان نفسك فى حقوق على فكرة انا صاحبتى دخلت حقوق ب 69 باين فمتقلقيش شوية تشدى حيلك و كله تمام ان شاء الله يا حبيبتى و اكيد ربنا كاتبلك خير فى مكان معين

و كلام هشام بقى يعنى بجد تحففففففففففة ربنا يكرمك و تفكير رائع بجد و ربنا يكرم قريبك دة بس هو اكيد علمه مراحش هدر و هو اكيد بيستفيد منه لان العلم بيغير فى الشخصية تماما

و هو فعلا اوكى ثانوية العامة مش اساس و انا على فكرة كنت باييد وجهة نظرك دى بس لو لحد لسه هيدخل ثانوى و حاسس انه ناجح فى المجال التانى
او كان برضه ابن عمي كا دبلر تانيه ثانوى فكان يعتبر اكه مخدهاش فكنت برضه بقول يدخل حاجة تانيه خصوصا لانه مكنش الموضوع ظلم معاه اوى برضه هو ملوش فى المذاكرة اصلا و كان داخل ثانوية عامة خاصة و دخل جامعة خاصه انا شايفه ان ده كله غلط و لازم يكون الشخص شايف متميز فايه و يروحله مش يروح حاجة غصب عنه و نمشيه بالعافيه عشان يبقى معاه شهادة و بس


لكن دلوقتى هما الحمد لله عدوا السنتين و قدامهم تالته بس و كمان الثانوية العامه تتيحله انه يدخل كليات ثانوى متخصص و العكس غير صحيح

و فعلا التفكير فى مشروعات خاصه احسن حاجة فى عصرنا دة بس فعلا ذى ما قلت عايز حد واخدها جد بقى و هيسيب اى حاجة و يبص للمستقبل و يبدا من اول خطوة

و كل ما التفكير دة ما جه للواحد بدرى كل ما كان احسن بالذات لو كان لسه مخدش خطوات مصيرية فى حياته ذى دخوله كليه او مجال معين

انا عن نفسي هموت و ازرع حتى لو شجرة واحدة و لا نخلة

نفسي ازرع اوى او اعمل اى مشروع

بس المشكله انى بلاقينى كسلت و اعد اعلق فشلي فى عمل اى شىء على اى شىء تانى و اصل كذا حصل و مش فاضيه و مشغوله و الكلام دة

بس بجد لما بفكر كويس بلاقى اننا ممكن نعمل اى حاجة

اى حاجة جديدة نبتكرها
او قديمة و ننميها

و ذى ما انت ما قلت الزراعه بجد هى المستقبل
اصل الناس بدات تنساها
و كمان الصناعة اى صناعة مفيدة

احنا بنصنع ايه فى بلدنا دلوقتى المصانع كلها حاجات هايفه على راى دكتور عبد الله عندنا مصانع لبان و شيبسي ذى الفل
هى دى الصناعة المصرية دلوقتى

و غير الشكولاته و اللبان و الشيبسى نلاقى صناعات هامشية و مش كتيرة متقدرش انها تنافس

و انا من اكتر الحاجات اللى غايظانى صناعة الغزل و النسيج اللى المفروض كنا مشهورين بيها و القطن المصرى طويل التيله و الكلام دة كله

دلوقتى الواحد ينزل يشترى لبس يلاقى برضه الجمله الخنيقة made in china

انا اتخنقت من كتر ما بشوف الكلمه دى

انا بعمل فرح لما الاقى بدل تشاينا ايجبت

و الناس خلاص بقت تستسهل و تسيب الصناعة و عاملنلى فيها شطار اوى و يروحوا يشتغلوا فى الاستيراد من الصين

انا مرة كنت بتكلم انا و اخويا مع عمي عن البنوك و اخويا بيقوله هو الفلوس بقى بيستثمروها في ايه يعني
حسسنا ان موضوع عمل مشروعات و الكلام دة خلاص بقى موضة قديمة و ان من اكتر الحاجات اللى بيعملها البنك فتح اعتمادات مستنديه للاستيراد من الصين

يعنى لما تبقى البنوك اللى المفروض ماسكة الاقتصاد مبتعملش مشروعات بفلوسهها و المبالغ الضخمه اللى معاها

يبقى اقتصادنا هيبقى شكلة ايه


بصوا بقى عشان بلاش رغي كتير

ممكن نعمل حاجة بجد
و شجعونى ارجوكوا

اجبرونى انى اتحرك ينوبكوا ثواب فيا Very Happy

عايزين نصنع اى حاجة او نزرع اى حاجة

لازم تانى نقوى اقتصادنا و نهتم بالزراعه و الصناعه مش بس تجارة و يا ريتها استيراد و تصدير لا هو استيراد و بس تقريبا

ممكن نهتم بجد

فاكرين موضوع فكرة صغنتوته عايزين نعمل مشروع بجد بس يكون مفيد فيه منتج جديد مش بس عشن نكسب لا عايزين نبقى اقويا

و انا كانت عجبانى فكرة هشام اللى مقلهاش على المنتدى و كان سهل على فكرة نحاول ننشرها اوى


يا ريت تقولها لكل الناس بقى و نبدا فى تنفيذها ان شاء الله
و المشروعات الصغيرة

فين نسمة و مها و هدى و الناس بتاعت الكوروشيه
ليه متعملوش حاجات كتيرة و نبقى نمينا صناعتنا

و انا كمان عايزة اتعلم يعنى ايه مش بعرف هو فى حاجة صعبة

و تشجعونى و تحرمونى من المشاركة فى المنتدى لو معملتش حاجة Very Happy

عشان عايزة ابطل كلام

امنية حياتى نعمل اى حاجة مفيدة مشروع حتى لو صغننن خالص

و كمان نحاول نغير تفكير اللى حوالينا


ارجوكوا نفسي المرة دى ننفذ و ميبقاش كلام بس

اتفقنا

سلااام علييكم ورحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 8:39 pm

ايه رايك يا لولو محرمتكيش من الكلام فى الاقتصاد اهه هههه
الرجوع الى أعلى الصفحة اذهب الى الأسفل
http://www.amrkhaled.net
زهرة القدس
نقيب تجارى
نقيب تجارى


انثى عدد الرسائل : 6137
العمر : 26
مكان السكن : عفوك ربى..
الوظيفة : ماشية على أول الطريق ....
الهواية : أستغفرك ربى وأتوب إليك..
السٌّمعَة : 64
تاريخ التسجيل : 03/04/2008

مُساهمةموضوع: رد: الثانوية العامة لطمتني بشدة   الثلاثاء يوليو 15, 2008 11:34 pm

على فكره مها بتصيف و ان شاء الله ترجع على اخر الاسبوع اللى جاى

اتصلت تسال على الاء ومصطفى وانا قولتهلها واضايقت طبعا بس قعدت تقولى كل الكلام اللى قولناه لهم
الخيره فيما اختاره الله والحمد لله واكيد ان فى خير فى اللى حصل .
وبتسلم عليكم كلكم

على فكره يا ندى انا زيك بالضبط وانا بقرا كلامك افتكرت انى بقرا عن نفسى
نفسىة اعمل اى حاجه مفيده وكل مره اقول نفس الكلام اللى ولتى مش هلحق اصل قرايبى رجعوا وانا بقالى كام سنه مشفتهمش اصل فى ظروف والكلام ده كله اللى كل اجازه اقول هعمل حاجه مفيده واغير من نفسى و
كالعاده ما بعملش حاجه
ربنا يهدينا ويرزقنا علو الهمه

_________________
كانت لى هُنا ذكريات سأشتـاق لـهـا كثيراً و لن أنســاها أبـداً ما حييت..
ما بين كل صفحة وأخرى بصمة لى,, أراها ما بين حزن وسرور,,أو عزاء وفرح ..
أرجــو ألاَّ تذكـــرونى إلا بالـــــخيــــــر ..(عاشــقــة تراب الــقدس)
ولا تنســونى من صــالح دعـــائــكم فأنا فى أشـــد الحــاجة إليـــه..

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Mohamed Magdy
مشرف
مشرف


ذكر عدد الرسائل : 4014
العمر : 27
مكان السكن : Giza
الوظيفة : طالب علم
الهواية : القراءة،كرة القدم والرسم
السٌّمعَة : 40
تاريخ التسجيل : 10/07/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 12:17 am

إن شاء الله يا مصطفى إنت وألاء تعوضوها السنه الجايه
ربنا معاكوا

_________________
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 1:03 am

ربنا يخليكى يا نودى يارب

و فداء مش عاربف اقولها ايه غير انها اختى وحبيبتى ومحدش حس بيه اد ها

ميرسى اوى يا محمد ان شاء الله نعوضها
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 5:57 am

انا جاهز للشغل



وانا علي فكرة شغال في الموضوع الفكرة اياها


بس مش عايز انزل حاجة


تكون حتي اولها مش كاملة ، وتبقي عايمة


عايزها تنزل كاملة ان شاء الله


وما لقيتش غير واحدة بس اللي استمرت في مساعدتها ليا في الموضوع ده

وشغالة معايا فيه

بس للاسف مش بننجز اوي فيه

بس ان شاء الله قريب هأنزله هنا عالمنتدي


وانا كاتب في اعلانات الادارة


انتظروا حملة تنطلق قريبا من كوميرس

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
مصطفى
نقيب تجارى
نقيب تجارى


ذكر عدد الرسائل : 5707
العمر : 24
مكان السكن : مصر
الوظيفة : طالب في كلية دار العلوم
الهواية : كرة القدم
السٌّمعَة : 7
تاريخ التسجيل : 04/09/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 9:54 am

ياجماعه أنا بس عايز رأيكم في حاجة

أنا جايب في التاريخ 22.5 من 50

أنتم تتخيلوا أن مستوايا في التاريخ بالشكل ده ؟
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 11:11 am

لاااااااااااااااااااا طبعا كفاية ردودك فى المنتدى انت على الاقل على الاقل كنت تجيب لازم اكتر من الدرجة اللى انا جبتها 42 انا كنت افشل منك مليون مرة انت ما شاء الله مذاكر التاريخ كويس باين مشاركاتك

انت شكلك اتحسدت و لا ايه

بجد ابقى اقرا دايما قل اعوذ برب الفلق و قل اعوذ برب الناس
و خد بالك بجد
الحسد شىء موجود و مذكور فى القران و الحاقدين كتير

فخليك حريص دايما و تستعيذ بالله منهم

و برضه الحمد لله على كل شىء

و الله انا النهاردة لقتنى صاحية من النوم بدرى كدة وانا بصحى افتح التلفزيون شان هنا فى رياح كتير مبحبش اسمع صوتها
حسيت ان رنا باعتلى كلام مخصوص عشان اسمعه

كان برنامج اسماء الله الحسنى و بيتكلم عن اسم الله التواب

و راح قايل الحديث القدسي اللى بيقول بما معناه ان ربنا لما بيحب واحد بيبتليه فى رزقه و صحته و كدة و اذا ماانتهتش ذنوبه يشدد عليه سكرات الموت لغايت ما يلقاه خااالى تماما من الذنوب كيوم ولدته امه

بجد حسيت انى فرحت و قلت الحمد لله على الحاجات اللى بحس بابتلاء فيها عشان قلت اكيد ربنا بيحبنى cheers و عايز ينقينى من ذنوبى

انا فى حاجة بجد فكرت فيها اعدت احاول اشوف الترم اللى جبت فى امتياز ايه المختلف فيه لانى دايما احس انى كل ترم بذاكره ذيه
بجد الترم دة كان فيه رمضان يمكن هو احلى رمضان فى حياتى بجد كنت فى احسن حالاتى الحمد لله يا رب ارجع كدة تاني
و الترم دة حصلتلى مشاكل كتيرجدااا و الحمد لله صبرت بجد حسيت ان ربنا كافئنى بالنتيجة cheers

و كل ما بقصر فى ترم بنقص اكتر

ربنا يهدينى و ابقى دايما حلوة


و لو انت بقى الحمد لله مكنتش مقصر خالص (طبعا كل واحد بيغلط بس يعنى غلطات مش كتير )
يبقى ربنا بيرفع درجتك عنده cheers


ربنا بيحب يتوب علينا فلما بيلاقينا عملنا حاجة غلط او ذنوب كتير او استهترنا باى شىء بيفوقنا بالابتلاء عشان نفوق و نرجعله و يغفرلنا ذنوبنا باللى حصللنا دة

و دة لانه بيحبنااااااااااااااااااااااااااااااااااااااااااا

مفيش حاجة احلى فى الدنيا من ان احنا ننول حب ربنا سبحانه و تعالى


يا رب ارزقنا حبك و حب من احبك و حب عمل يقربنا الى حبك

افرح بقى ذى ما انا ما فرحت cheers


سلاااااااام عليييييكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
!vampire!
تجارى فعال
تجارى فعال


ذكر عدد الرسائل : 1400
العمر : 28
مكان السكن : fayoum
الوظيفة : Student
السٌّمعَة : 0
تاريخ التسجيل : 10/12/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 2:14 pm

مبروك و عادى
انا كنت جايب 79 فى تانيه
و الاتنين مع بعض 86.5 خير لسه فى امل
بس التاريخ فعلا بيستهبلوا خالص
اختى جابت 27 فى التاريخ و ناس كتير اعرفهم 25 و 28 و مبهله المجموع
يعنى ال27 دى منزله اختى جامد لان باقى المواد مش ناقصه كتير
فلسفه 49 و اقتصاد 45 و عربى 28 و انجليزى 22.5 بس التاريخ ضيع الدنيا
بس خير
و انتوا لسه تانيه متزعلوش نفسكم خالص
مبروك
الرجوع الى أعلى الصفحة اذهب الى الأسفل
http://en.netlog.com/Xvampire88X
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 2:28 pm

ربنا يوفقها

بس بجد حرام عليهم

و عموما احمدوا ربنا انكوا خلصتوا من التاريخ الحمد لله

بعد كدة هتلاقوا تالته اسهل ان شاء الله

لان التاريخ بيبقى هم لو فى تالته اسالونى انا

اما الفلسفه او علم النفس ان شاء الله هيرفعولكوا الدنيا جامد ان شاء الله دايما درجاتهم حلوة و الخمسين سهلة اوى ان شاء الله

و الجيولوجيا اهتموا بيها من اول السنة و متخلوهاش تتراكم هتلاقوها حلوة
و فيها اجزاء لذيذة و شيقة

كان فى حته كدة بناخد العصور اللى مرت بيها الارض اساميهم انتيكة خالص فاكرا لغايت دلوقتى صوت المدرس و هو عمال يقولهم و قالنا نقول وراه اكننا فى الكتاب كدة

فى حقبتين اساسيتين

الكربتوزوى و الفانيروزوى
الاولى خلصت و التانيه دى من ملايي السنين و حتى الان باين و متقسمين بقى لحاجات كتيرة

عندي بوستر متلخصين فيهم هبقى احطهولكوا ان شاء الله و مفيش مانع نعمل ساحة ثانوية عامه على المنتدى Very Happy

و برضه بوسترات للاقتصاد متلخص فيهم


شفتوا التعليم الروش دة Very Happy


و الاحصاء ان شاء الله اسهل من السهوله و عموما برضه اقتصاد و احصاء مادة بتتقفل دايما ان شاء الله و بالذات ما دام السنه اللى فاتت جة امتحان صعب اوى ان شاء الله سنتكوا هييجى حلو

و طبعا العربى و الانجليزى بقى معروفين من ابتدائى يعنى و ان شاء الله تعملوا فيهم حلو و هما اساسا الاتنين اكنهم مادة واحدة عشان درجاتهم قليله من المجموع


و المستوى الرفيع بيعلى المجموع و سهل ان شاء الله انا جبت 9 و نص) فى الجغرافيا

فان شاء الله متقلقوش و عندكوا المنتدى مليان نماذج كتييير اوى انا شفت كذا حد كتب فى مشاركاته انه كان جايب حاجة و تسعين ووصلت ل ما شاء الله 99 ف..ى تالته و كلهم كانوا واخدين تاريخ تقريبا عشان محولين من علمى و بتبقى الدنيا صعبه

فشوفوا بقى انتوا ان شاء الله اكيد اسهل و تجيبوا 101% Very Happy

ربنا معاكم و ان شاء الله خييييييييير
الرجوع الى أعلى الصفحة اذهب الى الأسفل
http://www.amrkhaled.net
شاهبندر التجار
تجارى بيشد حيله
تجارى بيشد حيله


عدد الرسائل : 333
العمر : 28
مكان السكن : egypt
الوظيفة : student
الهواية : speaking
السٌّمعَة : 0
تاريخ التسجيل : 25/10/2007

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 5:03 pm

متقلقوش ان شاء الله تتعوض فى تالته و بعدين دة اكيد خير محدش عارف الخير فين

ربنا يوفقكم و يكرمكم السنه الجاية و يفرحكوا و يبعد عنكوا الظلم
الرجوع الى أعلى الصفحة اذهب الى الأسفل
http://www.commerce2009.4ulike.com
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: الثانوية العامة لطمتني بشدة   الأربعاء يوليو 16, 2008 5:28 pm

على فكره انا عملت النهارده التماس


علشان التاريخ والفرنساوى

ادعولى يا جماعه اخد درجات علشان مجموعى يزيد شويه


ادعوووووولى
الرجوع الى أعلى الصفحة اذهب الى الأسفل
 
الثانوية العامة لطمتني بشدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى commerce :: ساحات متنوعة :: منوعات-
انتقل الى: