منتدى commerce

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
اليوميةالرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 المحلل النفسي

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: المحلل النفسي   السبت أكتوبر 18, 2008 5:39 am

انا عندي فكرة
كل واحد يطلب اجابات بعض الاسئلة المعقولة اللي عايزها من العضو اللي عايز يحلل شخصيته ....
وبناء على الاجابات يقوم واضع الاسئلة بتحليل شخصية العضو اللي جاوب ...
انا هبدا
هل تستخدم اسمك الحقيقي ؟ام اسم مستعار؟
هل تذهب الى جامعتك لحضور جميع محاضراتك ؟ام لا؟
من هم الاشخاص الذين تقتدي بهم في حياتك؟
ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
ما هي هواياتك؟
ما هي خططك الوظيفية؟
لو لم تكن انت من تود ان تكون ؟
ان واجهتك مشكلة من تحب ان تحدثه؟
ما هي الدول التي ترغب ان تسافر لها ؟
ما هو ترتيبك بين اخوتك (ان كان لك اخوات)؟
ما هي هواياتك؟
ما هو المثل الذي تراه في نفسك؟
ما هي الالوان التي تحبها؟
كم عدد اصدقائك؟
ما هو الدور الذي تلعبه بين اصدقائك المقربين ؟
ما هي انواع الكتب او الافلام التي تحب ان تشاهدها او تحب ان تقراها؟
ان اساء اليك شخص (تسامحه - تفهمه غلطه - تخاصمه- تسئ اليه )؟
ان لم يتواجد عقوبة للقاتل : هل تقتل من ظلمك ؟
هل ان رايت من ظلمك يقتل :تدافع عنه - تتركه - تشمت فيه ؟
700


عدل سابقا من قبل F.r.I.ë.N.d.S في الجمعة مارس 20, 2009 6:30 pm عدل 2 مرات (السبب : تم تثبيت الموضوع)
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   السبت أكتوبر 18, 2008 9:09 pm

هو انا مش فاهمة اوى بس هجاوب على الاسئلة بقى و خلاص

يعنى هل تقصد كل فترة حد فينا يحط مجموعة اسئلة ؟؟ و بعدين اللىحط الاسئلة يحلل شخصيات كل اللى جاوبوها

لو كدة تبقى فكرة جااااامدة جدااا
ربنا يكرمك



هل تستخدم اسمك الحقيقي ؟ام اسم مستعار؟

بحب استخدم الحقيقى اكتر بس ساعات بستخدم مستعار لما اكون مش عايزة اى حد يعرفنى

هل تذهب الى جامعتك لحضور جميع محاضراتك ؟ام لا؟

الحمد لله كللها الا لوعندى مرض جامد (زى لما جالى حصبة المانى ) او لو صحيت متاخرة غصب عنى و بزعل اوى
من هم الاشخاص الذين تقتدي بهم في حياتك؟
طبعاااا الرسول صلى الله عليه و سلم قدوة كل المسلمين
و بالنسبة لحاليا مامتى حبيبتى فى حبها ولينا و طيبتها و رعايتها
و كمان بتعجبنى جداا طريقة تفكير عمرو خالد و معز مسعود و دكاترة كتير من عندنا بقتدى بيهم فى حاجات كتير من اهمها الطموح فى العلم .. و كمان ممكن اصحاب ليا اقتدى بيهم فى حاجات و اخواتى و كل البشر تقريبا ..يعنى بحاول اقتدى بحاجة فى كل شخص

ان ذهبت الى عيد ميلاد صديقك ما الهدية التي تقدمها له ؟
حسب هى مين و ايه اللى يناسبها .. و غالبا الهدايا لاصحابى بتكون طرحة Very Happy او على حسب ميولها بقى لو واحدة بتحب حاجة معينه وو عارفه انها لو جبتهلها هتفرح اجيبهالها

و ببقىنفسي اجيبلهم ورد بس معلملتهاش حتى الان Very Happy

و بحب ممكن لو عندى وقت ارسملهم رسمة من نوعية الرسومات الغريبه اللى برسمها(انظر ساحة رسم وتصوير ) و اكتب اسمهم فى النص
وما الهدية اذا لم يكن صديقك؟
هى هى نفس الهدية Very Happy .. بس ما ارسمش الا لواحدة بحبها
ما هي هواياتك؟
الرسم والكلام (انا معتبراه هوايه ..بحب اسمع الكلام المفيد اوى اللى فيه علم و بب ارغى برضه و اسمع اصحابى سواء كلام مفيد او مش اوى ) و المناقشة عموما

و النت
ما هي خططك الوظيفية؟
و الله كان عندى حلم قديم كدة لوظيفة معينه بس الحلم بقى بعيد شوية كان نفسي اكون معيدة ادارة .. عشان نفسي ابقى ذى الدكاترة اللى بموت فيهم و اعلم الناس ذى ما هما علمونى

بس بما ان الخطة دى غير مضمونه فانا عندى خطة بديلة انى نفسي اشتغل فى ادارة الموارد البشريه لشركة تكون كويسه و بتقدم حاجة كويسه للمجتمع
عشان اشجع الناس اللى فيها و اخليهم باذن الله احسن و اداءهم و مستواهم افضل

و الخطة ج بقى فى حاله فشل ا و ب هى انى اشتغل فى التسويق لانى بموووت فيه و حاسه انى احتمال اقدر ابدع شوية فيه


لو لم تكن انت من تود ان تكون ؟
انا Very Happy الحمد لله
بس كان نفسي اوى اكون مكان السيدة فاطمة الزهراء ..عشان ابقى بنت النبي عليه الصلاة و السلام اللى كان بيحبها اوى او السيدة عائشة
ان واجهتك مشكلة من تحب ان تحدثه؟
احلى حاجة ان الواحد يشكى همومه لربنا و يدعي من كل قلبه

و بحب اكلم ياسمين صاحبتى اكتر واحدة
و بكلم نفسي


ما هي الدول التي ترغب ان تسافر لها ؟ محبش اروح حته غير مصر حبيبتى الا مكة و المدينة و( القدس .. يا رب تتحرر و نروحهها كلنا )


ما هو ترتيبك بين اخوتك (ان كان لك اخوات)؟
التانيه
و قبلى محمود و بعدى مصطفى
ما هي هواياتك؟

دة من ضمن الاختبار النفسي تشوف رد فعلنا تجاه السؤال المكرر و لا نسيت؟؟
ما هو المثل الذي تراه في نفسك؟

قصدك شايفه نفسي مثلا مثل اعلى فى ايه ؟؟!!

لو كدة .. ممم ممكن بس مش لدرجةو انه مثل اعلى لكن يمكن متنوعة الى حد ما الحمد لله
قصدى فى ناس كتير بتبقى ليها فى حاجة واحدة .. انا مش كدة الحمد لله

ما هي الالوان التي تحبها؟
الموف و الروز و التركواز و الابيـــــــــــــــــــض

و بحب بقيت الالوان كلها بس دول بالذات
و بحب طبعا الازرق ف السما و البحر و الاخضر فى الشجر
كم عدد اصدقائك؟
كتيييييير جدااااااااااا
والمقربين يتراوح عددهم من 1 الى 9 حسب الظروف ..مرة وصلت ل 9 مقربين يعنى Very Happy
ما هو الدور الذي تلعبه بين اصدقائك المقربين ؟
ممكن كذا دور على حسب شخصيه اللى معايا
بس ممكن بحمسهم و بحب اخليهم يتفائلوا
و ساعات بعمل الكبيرة و ازعق فيهم لو واحدة عملت حاجةغلط (زعيق بهزاركدة ) وكتييير بكون الطفله اللى معاهم و قرفاهم و مزهقاهم و مبسمعش كلامهم
و ساعات اسمع و ساعات اتكلم ... يعني مفيش دور معين اوى
ما هي انواع الكتب او الافلام التي تحب ان تشاهدها او تحب ان تقراها؟

القراءة تبقى الموضوعات ..الدينية و كتب الكلية بتاعت الادارة Very Happy و و كمان ممكن تنمية بشرية ..علم نفس .. الحاجات اللى ليها علاقة بالاشخاص و الناس عموما

الافلام ..الحاجات اللى مالهاش نوعيه معينه بتبقى كوكتيل كدة كوميدى على اكشن على اجتماعى
بس مبحبش الافلام الهايفة اوى زى افلام محمد سعد كدة
بحب يكون ليه هدف برضه او قصه حلوة
و بحب افلام اللى عن 6 اكتوبر اوى


ان اساء اليك شخص (تسامحه - تفهمه غلطه - تخاصمه- تسئ اليه )؟

بزعل شوية صغنتتين و تصعب عليا نفسى بعدين اسامحه
ان لم يتواجد عقوبة للقاتل : هل تقتل من ظلمك ؟

لا طبعااااااااااااااااااااا
هل ان رايت من ظلمك يقتل :تدافع عنه - تتركه - تشمت فيه ؟

طبعااا ادافع عنه (بالنسبة للناس اللى ظلمونى فعلا ).. الا فى حاله ان حد من اللى ظلمونى بانهم اذووا مسلمين زيي و قتلوهم و خدوا ارضنا هفرح و احمد ربنا

سلااااااام عليكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
F.r.I.ë.N.d.S
تقنيات المنتدى
تقنيات المنتدى


ذكر عدد الرسائل : 6585
العمر : 28
مكان السكن : E.G.Y.P.T
الوظيفة : ايدى على كتفك
الهواية : الهدوء
السٌّمعَة : 25
تاريخ التسجيل : 29/09/2007

مُساهمةموضوع: رد: المحلل النفسي   السبت أكتوبر 18, 2008 11:55 pm

لا ياعم مش لاعب

متعملش حسابى فى الموضوع دة

الناس هنا بتزعل لما تتحلل Very Happy

العبوا انتوا بقى

بس لو حد اتخانق هيتعاقب اشد عقاب 6568

_________________



[ندعوك للتسجيل في المنتدى أو التعريف بنفسك لمعاينة هذه الصورة]


معلومات عنك
انت متسجل الدخول بأسم {زائر}.
آخر زيارة لك .
لديك1مشاركة.

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
http://www.google.com
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: رد: المحلل النفسي   الأحد أكتوبر 19, 2008 4:06 am

ايوة يا ندى كان قصدي فعلا اللي انتي فهمتيه بالظبط 2998 ...
لو سمحتي هبدا احلل شخصيتك يا ندى malak
1-التحليل الواضح
انسانة تعتز بنفسها
ناجحة في حياتك العملية وينتظرك مستقبل باهر باذن الله
تحبين عملك ولديك انتماء لمكان عملك
ملتزمة بدينك وتحبين عائلتك و لست عنيدة
متعطشة للتعلم
رومانسية جدا ( الورد )و محبة للابتكار ( الرسم )
متطلعة للتكنولوجيا ...ذات روح هادئة
تعتزين بهوايتك
لست عنيدة او انانية
معطاءة ...اجتماعية .. تهتمين بوضعك الاجتماعي
تعتزين بدينك لابعد الحدود
لست جاحدة او ناكرة للجميل ...
اسعد حلم في حياتك .... اذا اخترعوا الة الزمن و طلبوا منك ان تذهبي الى عصر صدر الاسلام لمقابلة رسول الله صلى الله عليه و سلم
متواضعة و لن يتملكك الاحباط بسهولة
لا تشعرين بالوحدة في حياتك
ونيجي للالوان
الموف :يعكس حاجتك الى الاسترخاء لان عمق اللون يدخلك في متاهة الراحة
الروز :يعكس الهدوء وينبع من حبك للورود الحمراء والوردية
التركواز: يعكس الصفاء وينبع من حبك للسماء صافية اللون
الابيض : يعكس البهجة و ينبع من حبك للملائكةوينبع من شعورك بتفاؤل او وجود امل في مستقبلك
والالوان الثلاثة الاواخر يعكسون حبك للبساطة
انصحك بالاسترخاء تحت شجرة و يكون حواليكي حديقة ورود حمراء ووردية (مكونات تحليل الروز ) و بيضاء وبها فراش ابيض وتكون السما صافية و يا ريت تكون قريبة من البحر الاحمر
2-اما ما استنبطه
صبورة (كتابة الاسئلة في الرد )
منظمة (ترتيب الاسئلة )
لا تفقدين تركيزك بسهولة حتى مع التشتيت ( السؤال المكرر)
مزاجية (ما ارسمش الا لواحدة احبها )
ضعيفة الثقة في نفسك (حلم قديم شوية- الخطة دي غير مضمونة - في حالة فشل الخطة أ , ب )
3- و انصحك بالتالي
تثقي في نفسك زيادة انتي قدها و قدود و هما معيدين ادارة مش احسن منك , و كفاية ان محدش فيهم قدر يعمل منتدى و يعلن عنه زيك انتي و اصحابك مع انهم بتوع تسويق
انك تحاولي تبعدي عن المشاكل في اوقات المذاكرة اللي فيها بيتحدد مستقبلك ,مش تهربي , بس ممكن عائلتك يساعدوكي لحلها
و ده مجرد رايي ... معلش التحليل مش كويس اوي لاني كتبت الاسئلة وانا بنام و حللت الاجابة و انا بنام و شكل التحليل غلط كله ..... بس المرة الجاية الاسئلة هتبقى اصعب .. والتحليل ادق ... و متشكر جدا على الدعاء يا ندى و يا رب تسافري و ترجعي بالسلامة .... و متشكر على ردك يا سيف يا مسحور ... وان شاء الله ربنا مش هيجيب خناقات ... و يا ريت تشارك عشان تحللي شخصيتي انا على الاقل ...بس قول الاسئلة و انا هجاوب عليها .... وشكلنا هنبقى اصحاب اووووي .... اعتقد ان اعضاء كوميرس دلوقتي نقدر نقول عليهم بقلب جامد اسرة online
و مش ممكن يزعلوا من بعض .... و ادعووووولي لو سمحتم امتحاني يوم الاتنين...و السلام عليكم و رحمة الله و بركاته
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الأحد أكتوبر 19, 2008 2:24 pm

اقتباس :
ايوة يا ندى كان قصدي فعلا اللي انتي فهمتيه بالظبط 2998 ...

الحمد لله
اقتباس :

1-التحليل الواضح
انسانة تعتز بنفسها
صح الحمد لله

اقتباس :
ناجحة في حياتك العملية
الى حد ما

اقتباس :
وينتظرك مستقبل باهر باذن الله
يا رب

اقتباس :
تحبين عملك ولديك انتماء لمكان عملك
جداااااااا .. اكتر مكان بحبه فى مصر هو كليتى حبيبتى

اقتباس :
ملتزمة بدينك
ربنا يقدرنى و ابقى كدة دايما

اقتباس :
وتحبين عائلتك
هما حياتي


اقتباس :
و لست عنيدة

انا برضه بقول كدة ..معرفش ليه بيقولولى دماغى ناشفة Sad

اقتباس :
متعطشة للتعلم
اجل
اقتباس :


محبة للابتكار
يعنى شوية

اقتباس :
متطلعة للتكنولوجيا ...
لا بصراحة مش اوى

اقتباس :
ذات روح هادئة
احيانا Very Happy

اقتباس :
تعتزين بهوايتك
ممكن ..
و اه نسيت انى بحب ساعات اكتب شعر و شكلى مش معتزية بيه عشان كدة بنساه Very Happy

اقتباس :
لست عنيدة او انانية
الحمد لله
اقتباس :
معطاءة ...
يا رب اكون عند حسن ظنك

اقتباس :
اجتماعية ..
مش اوى ..مع بس البنات الى فى سنى .غير كدة ببقى خجوله حتى مع الاطفال

اقتباس :
تهتمين بوضعك الاجتماعي
احب يكون كويس

اقتباس :
تعتزين بدينك لابعد الحدود

اكييييييييييييد و هو فى حاجة الانسان يفخر بيها اكتر من انه مسلم
الحمد لله على نعمه الاسلام


اقتباس :
لست جاحدة او ناكرة للجميل ...
الحمد لله

اقتباس :
اسعد حلم في حياتك .... اذا اخترعوا الة الزمن و طلبوا منك ان تذهبي الى عصر صدر الاسلام لمقابلة رسول الله صلى الله عليه و سلم
يا سلاااااااااااااااااام دة فعلا يبقى احلى و اسعد لحظة فى حيياااااتى كلها

اقتباس :
متواضعة
الحمد لله
اقتباس :
و لن يتملكك الاحباط بسهولة
اه الحمد لله

اقتباس :
لا تشعرين بالوحدة في حياتك
لا كتير بحس بيها

اقتباس :
ونيجي للالوان
الموف :يعكس حاجتك الى الاسترخاء لان عمق اللون يدخلك في متاهة الراحة
فعلا نفسي ارتاح و اريح دماغى شوية

اقتباس :
الروز :يعكس الهدوء وينبع من حبك للورود الحمراء والوردية
فعلا بحب الورد اللونين دول اووى

اقتباس :
التركواز: يعكس الصفاء وينبع من حبك للسماء صافية اللون
صح

اقتباس :
الابيض : يعكس البهجة و ينبع من حبك للملائكةوينبع من شعورك بتفاؤل او وجود امل في مستقبلك
فعلا عندى تفاؤل و امل
بس ايه علاقه لابيض بالبهجة Very Happy
متهيالى هو فيه صفاء و نقاء اوى فبحبه و بيريحنى
و كمان فى حديث تقريبا بما معناه النبى صلى الله عليه و سلم بيقول تخيروا من ملابسكم البياض

اقتباس :
والالوان الثلاثة الاواخر يعكسون حبك للبساطة
فعلا بحب البساطة و بتضايق من التكلف اوى

اقتباس :
انصحك بالاسترخاء تحت شجرة و يكون حواليكي حديقة ورود حمراء ووردية (مكونات تحليل الروز ) و بيضاء وبها فراش ابيض وتكون السما صافية و يا ريت تكون قريبة من البحر الاحمر
يا سلام ..ايه المكان التحفففه دة ..
انا فعلابموت فى الاماكن الطبيعيه الجميلة دى

اقتباس :
2-اما ما استنبطه
صبورة (كتابة الاسئلة في الرد )

مش متاكدة من حكاية الصبر دى .احتمال Smile

بس يعنى ايه كتابة الاسئلة فى الرد

اقتباس :
منظمة (ترتيب الاسئلة )

لا مش منظمة اوى بصراحة .. وبرضه ترتيب اسئلة ايه ؟؟
اقتباس :
لا تفقدين تركيزك بسهولة حتى مع التشتيت ( السؤال المكرر)
هو يمكن عشان برضه كان تشتيت بسيط .. لكن ساعات بيبقى التشتيت عالى بفقده بصراحة pale
اقتباس :
مزاجية (ما ارسمش الا لواحدة احبها )

اصل فى حاجات كدة صعب الواحد يعملها الا بمزاجه

انا مفكرتش ادخل فنون جميله (غير انى مش فنانه اوى ) بس عشان ماارسمش من غير مزاج

اقتباس :
ضعيفة الثقة في نفسك (حلم قديم شوية- الخطة دي غير مضمونة - في حالة فشل الخطة أ , ب )
3
هو انا لازم اتقفش
بس بحاول ازودها و الله


اقتباس :
- و انصحك بالتالي
تثقي في نفسك زيادة انتي قدها و قدود و هما معيدين ادارة مش احسن منك , و كفاية ان محدش فيهم قدر يعمل منتدى و يعلن عنه زيك انتي و اصحابك مع انهم بتوع تسويق

ربنا يكرمك
اقتباس :

انك تحاولي تبعدي عن المشاكل في اوقات المذاكرة اللي فيها بيتحدد مستقبلك ,مش تهربي , بس ممكن عائلتك يساعدوكي لحلها
يا رب متجيش اى مشاكل ..لانى بتاثر اوى باللى حواليا و فعلا دة ممكن ياثر على مذاكرتى
بس ساعات بحاول اتماسك و افتكر ان ربنا معايا و افتكر اهادفى و اسعالها و احاول انسى اى مشاكل و بقول اعمل اللى عليا و مليش دعوة بحاجة تانيه
اقتباس :


و ده مجرد رايي ... معلش التحليل مش كويس اوي لاني كتبت الاسئلة وانا بنام و حللت الاجابة و انا بنام و شكل التحليل غلط كله ...

لا بجد تحليل جااامد جداااااااا و اسئلة جااامدة
ربنا يكرمك و يوفقك
اقتباس :


.. بس المرة الجاية الاسئلة هتبقى اصعب .. والتحليل ادق ... و متشكر جدا على الدعاء يا ندى و يا رب تسافري و ترجعي بالسلامة
ربنا يكرمك ..بس لسه بدرى على حكاية السفر دى بس انا قلت الكورس طويل فاكيد هييجى مع سفر ان شاء الله
انا بسافر فى الاجازات

quote] اعتقد ان اعضاء كوميرس دلوقتي نقدر نقول عليهم بقلب جامد اسرة online
[/quote]
حلو التشبيه دة اوى
اقتباس :
و مش ممكن يزعلوا من بعض .... و ادعووووولي لو سمحتم امتحاني يوم الاتنين...و السلام عليكم و رحمة الله و بركاته

و عليكم السلام و رحمة الله و بركاته

ربنا يوفقك بكرة فى الامتحان
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الأحد أكتوبر 19, 2008 3:05 pm

هو ممكن لو حد جاوب على الاسئلة دى برضه ابقى احلل انا كمان شخصيته Smile ؟؟
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الأحد أكتوبر 19, 2008 3:15 pm

السيف المسحور كتب:
لا ياعم مش لاعب

متعملش حسابى فى الموضوع دة

الناس هنا بتزعل لما تتحلل Very Happy

العبوا انتوا بقى

بس لو حد اتخانق هيتعاقب اشد عقاب 6568

متهيالى محدش هيتخانق ..مادام هو اللى طالب ان الناس تحلله شخصيته و ما دام التحليل هيكون باسلوب كويس و مفهوش حاجة تضايق
الرجوع الى أعلى الصفحة اذهب الى الأسفل
http://www.amrkhaled.net
F.r.I.ë.N.d.S
تقنيات المنتدى
تقنيات المنتدى


ذكر عدد الرسائل : 6585
العمر : 28
مكان السكن : E.G.Y.P.T
الوظيفة : ايدى على كتفك
الهواية : الهدوء
السٌّمعَة : 25
تاريخ التسجيل : 29/09/2007

مُساهمةموضوع: رد: المحلل النفسي   الأحد أكتوبر 19, 2008 4:49 pm

ماشى

بس انا برضو مش هلعب Very Happy

لانى مبحبش اعتمد على الاسئلة فى التحليل

دة غير انى جربت حظى مع ناس كتير قبل كدة 123

_________________



[ندعوك للتسجيل في المنتدى أو التعريف بنفسك لمعاينة هذه الصورة]


معلومات عنك
انت متسجل الدخول بأسم {زائر}.
آخر زيارة لك .
لديك1مشاركة.

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
http://www.google.com
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الأحد أكتوبر 19, 2008 4:53 pm

بالعكس الاسئله بتدى تحليل غالبا صح
غير الاستنتاجات متهيالى اكييييد بيطلع منها كتير غلط
و فعلا دى ممكن تزعل ناس منك لانها بتبقى حكم مبنى على احساس بس و مفهاش دليل يثبت
فممكن فعلااا تضايق
الرجوع الى أعلى الصفحة اذهب الى الأسفل
http://www.amrkhaled.net
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: رد: المحلل النفسي   الأحد أكتوبر 19, 2008 11:45 pm

اقتباس :
و اه نسيت انى بحب ساعات اكتب شعر و شكلى مش معتزية بيه عشان كدة بنساه Very Happy
ممكن يكون ده لانك بتحبي الرسم اكتر شوية لكن مش معناه انك مش بتعتزي بيه و يا ريت تكتبي في كوميرس شعر يا ندى لان ممكن عدم ثقتك في نفسك تقتل موهبتك

اقتباس :
يا رب اكون عند حسن ظنك
انتي اكيد عند حسن ظني بالمنتدى الجميل ده

اقتباس :
يا سلاااااااااااااااااام دة فعلا يبقى احلى و اسعد لحظة فى حيياااااتى كلها
ربنا يكرمك ويحققلك حلمك و تشوفيه في الجنة ان شاء الله

اقتباس :
بس ايه علاقه لابيض بالبهجة Very Happy
متهيالى هو فيه صفاء و نقاء اوى فبحبه و بيريحنى
و كمان فى حديث تقريبا بما معناه النبى صلى الله عليه و سلم بيقول تخيروا من ملابسكم البياض
فستان الفرح بيبقى لونه ابيض .... و الفرح يعطي البهجة و السرور

اقتباس :
مش متاكدة من حكاية الصبر دى .احتمال Smile
بس يعنى ايه كتابة الاسئلة فى الرد
اقصد اعادة كتابة اسئلتي و انتي بتجاوبي عنها

اقتباس :
لا مش منظمة اوى بصراحة .. وبرضه ترتيب اسئلة ايه ؟؟
قصدي انك جاوبتي على كل سؤال سالته زي الترتيب اللي انا كاتبه بيه

اقتباس :
اصل فى حاجات كدة صعب الواحد يعملها الا بمزاجه
انا مفكرتش ادخل فنون جميله (غير انى مش فنانه اوى ) بس عشان ماارسمش من غير مزاج
انا متفق معاكي بكل تاكيد .... و دي الاثار السلبية اللي ممكن تواجهيها لانك مزاجية .... لانها ممكن تاثر على مستقبلك من غير ما تحسي

اقتباس :
ربنا يكرمك
عاجز عن شكرك على الدعوة الجميلة اللي اتعلمتها منك و بقت على لساني مع اصحابي

اقتباس :
يا رب متجيش اى مشاكل ..لانى بتاثر اوى باللى حواليا و فعلا دة ممكن ياثر على مذاكرتى
بس ساعات بحاول اتماسك و افتكر ان ربنا معايا و افتكر اهادفى و اسعالها و احاول انسى اى مشاكل و بقول اعمل اللى عليا و مليش دعوة بحاجة تانيه
اااااامين يا رب .....و ربنا يوفقك

اقتباس :
لا بجد تحليل جااامد جداااااااا و اسئلة جااامدة
ربنا يكرمك و يوفقك
متشكر اوي على الدعوة .... وكمان على مجاملتك

اقتباس :
ربنا يكرمك ..بس لسه بدرى على حكاية السفر دى بس انا قلت الكورس طويل فاكيد هييجى مع سفر ان شاء الله انا بسافر فى الاجازات
تروحي و ترجعي بالف سلامة .... وان شاء الله تعوضي الكورس ده وممكن تاخديه في اي وقت

اقتباس :
حلو التشبيه دة اوى
ميرسي جدااااا

اقتباس :
ربنا يوفقك بكرة فى الامتحان
اااااااااااامين .... ومتشكر جدااااااااااا

اقتباس :
هو ممكن لو حد جاوب على الاسئلة دي برضه ابقى احلل انا كمان شخصيته Smile ؟؟
طبعا يا ندى ... ممكن لو حد جاوب على الاسئلة دي تحللي شخصيته .... او تسالي اسئلة جديدة واللي يجاوب عليها
تحلليله شخصيته ..

و يا ريت يا سيف يا مسحور تشارك ... و متقلقش مفيش اخوات بيزعلوا من بعض
وكمان النقد هيكون في شكل نصايح و مش نقد هدام ....123
الرجوع الى أعلى الصفحة اذهب الى الأسفل
!vampire!
تجارى فعال
تجارى فعال


ذكر عدد الرسائل : 1400
العمر : 28
مكان السكن : fayoum
الوظيفة : Student
السٌّمعَة : 0
تاريخ التسجيل : 10/12/2007

مُساهمةموضوع: رد: المحلل النفسي   الإثنين أكتوبر 20, 2008 1:44 am

هل تستخدم اسمك الحقيقي ؟ام اسم مستعار؟
بستخدم اسمى الحقيقى فى التعامل مع الاشخاص العاديين بس على النت بستخدم الاسم المستعار او محمد بس مش الاسم كامل
هل تذهب الى جامعتك لحضور جميع محاضراتك ؟ام لا؟

نزلت اروح الجامعه يبقى هحضر انما ممكن من قبل ما انزل اكون محدد ان ايوم ضايع بس فى الغالب كل نزول الجامعه محاضرات
من هم الاشخاص الذين تقتدي بهم في حياتك؟

الابطال بحس انهم ناس ليهم مبادئ و اكترهم الفرسان الانجليز و الملك ارثر
ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟

صديقى يبقى اكتر حاجه بيحبها لو مش صديقى مش هروح اصلا
ما هي هواياتك؟

بحب العب كره و اتفرج على السماء و القمر
ما هي خططك الوظيفية؟

اللى كان متخطط باظ فربنا يسهل بحاجه تانيه احسن
لو لم تكن انت من تود ان تكون ؟

انا مش شايف حد لحد الان اتمنى اكون مكانه
ان واجهتك مشكلة من تحب ان تحدثه؟

مع نفسى
ما هي الدول التي ترغب ان تسافر لها ؟

كرواتيا و البرتغال
ما هو ترتيبك بين اخوتك (ان كان لك اخوات)؟

3 احنا 5 يعنى الوسطانى
ما هي هواياتك؟

تانى
ما هو المثل الذي تراه في نفسك؟

لا مفيش لانى مش بحب الامثال ولا متابع
ما هي الالوان التي تحبها؟

الازرق و الاحمر
كم عدد اصدقائك؟

كتييييييير اوووى بس اصحابى اصحابى ممكن 15
ما هو الدور الذي تلعبه بين اصدقائك المقربين ؟

ممكن اكون حلال المشاكل
ما هي انواع الكتب او الافلام التي تحب ان تشاهدها او تحب ان تقراها؟

كلها لان الكتب اى كتاب فيه فائده و الافلام بيبقى فيها فكره او حاجه تشدك
ان اساء اليك شخص (تسامحه - تفهمه غلطه - تخاصمه- تسئ اليه )؟

مش بيفرق معيا خالص بس لو غلط امامى لا باخد حقى وقتى و بعد كده خلاص يعمل اللى يعمله يتعامل تانى يخاصم يزعل مش بتفرق
ان لم يتواجد عقوبة للقاتل : هل تقتل من ظلمك ؟

لا لان اكيد في سبب لانه يظلمنى اعرف السبب الاول بعد كده نشوف ايه ممكن يتعمل
هل ان رايت من ظلمك يقتل :تدافع عنه - تتركه - تشمت فيه ؟

ادافع عنه علشان مبقاش مثله
الرجوع الى أعلى الصفحة اذهب الى الأسفل
http://en.netlog.com/Xvampire88X
زهرة القدس
نقيب تجارى
نقيب تجارى


انثى عدد الرسائل : 6137
العمر : 26
مكان السكن : عفوك ربى..
الوظيفة : ماشية على أول الطريق ....
الهواية : أستغفرك ربى وأتوب إليك..
السٌّمعَة : 64
تاريخ التسجيل : 03/04/2008

مُساهمةموضوع: رد: المحلل النفسي   الإثنين أكتوبر 20, 2008 7:20 am

انا هجاوب على الاسئله وربنا يستر ان شاء الله
هل تستخدم اسمك الحقيقي ؟ام اسم مستعار؟

هو انا بدخل على النت دايما باسم مستعار لكن فى الحقيقه دايما طبعا اسمى الحقيقى

هل تذهب الى جامعتك لحضور جميع محاضراتك ؟ام لا؟
نعم

من هم الاشخاص الذين تقتدي بهم في حياتك؟
النبى صلى الله عليه وسلم وزوجاته وبناته وجميع الصحابيات واصحاب النبى

يعنى كل صحابى وصحابيه بيكونوا مميزين فى حاجه عن بض فبحاول انى اخد من كل واحد الميزه دى واحاول اطبقها

ده غير طبعا اى انسان اقابله فى حياتى اخد الحاجه الحلوه اللى فيه
ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
الهديه الى تليق عليها وحسب الشخصيه يعنى واحده جبتلها هديه عاديه ساعه مثلا

لكن واحده تانيه جبتلها شرايط لمحمد حسان

ما هي هواياتك؟
بحب القراءه جداااااااااااا وبستريح اوى وانا بقرا وبحس انى فرحانه

وانى اتكلم مع اصحابى واخرج معاهم والنت علشان اصحابى برضه

وانى اسمع محاضرات دينيه ولوفيها معلومات لذيذه ومفيده كمان ..
ما هي خططك الوظيفية؟
والله هو انا نفسى اكون معيده فى الكليه بس معرفش هقدر ولا لا مع انى لسه فى اول سنه 666 (حسب التقدير التراكمى )

بس لومنفعش معيده يبقى مترجمه واترجم الكتب الدينيه واوصلها لغير المسلمين فى الغرب علشان انشر الاسلام

وعلشان المسلمينن تزيد معلوماتهم عن الاسلام ويعرفوه اكتر (المسلمين الاجانب طبعا )

وكمان نفسى اشتغل مذيعه بحب الاعلام جدااااااا وكان نفسى ادخل كليه الاعلام

وممكن برضه اشتغل مدرسه

اى حاجه من دول هفرح بيهم بس التلاته الاولنين اكتر

لو لم تكن انت من تود ان تكون ؟
لما بفكر فى الموضوع ده بحمد ربنا انى طلعت زى ما انا بحس ان اللى ربنا اختارنى ليه هو افضل شىء ليه

بس كان نفسى اكون بنت النبى السيده فاطمه بالذات

او السيده خديجه علشان اكون مع النبى ويحبنى زى ما حب السيده خديجه ويفضل فاكرنى كده

لما فكرت فى السيده عائشه قولت الله يكون فى عونها الزوجه لما زوجها بيتزوج عليها زوجه واحده بتموت من الغيره

فما بالكم بالسيده عائشه وقد تزوج النبى اكثر من 5 كمان ده غير ان زوجها مش اى حد ده الرسول صلى الله عليه وسلم

بجد اللى كان بيحصل بسبب الغيره ده شىء طبيعى جدا

علشان كده اخترت السيده خديجه لانها لم يتزوج النبى فى حياتها غيرها

ان واجهتك مشكلة من تحب ان تحدثه؟
بعد ربنا سبحانه وتعالى ماما وانتيمتى والاء اختى (بس الاء بت هبله الارائها مش مفيده Razz )

وممكن لو لاقيت مها على النت او ندى بحكلهم على طول
ما هي الدول التي ترغب ان تسافر لها ؟

كل العالم بس ماليزيا واسبانيا وتركيا وسوريا وفلسطين والجزائر والمغرب وفرنسا


ما هو ترتيبك بين اخوتك (ان كان لك اخوات)؟

اكبر واحده وبعدى 3

ما هي هواياتك؟

سؤال مكرر

ما هو المثل الذي تراه في نفسك؟

مش عارفه ؟؟

ما هي الالوان التي تحبها؟

عامه انا بحب الالوان كلها وخصوصا الابيض والبنى والاسود (فى اللبس ) والاحمروالروز والموف



كم عدد اصدقائك؟
المقربين منى اوى اوى 6 وعليهم الاء اختى

كانوا اكتر من كده بس الزمن بيغير الناس وبيبانوا على حقيقتهم

ما هو الدور الذي تلعبه بين اصدقائك المقربين ؟

هو عامه الاصدقاء مع بعض بيشكوا هموم وكل واحد يحاول يحل مشكله التانى
واكيد انا كده بس انا دايما بينهم بنصحهم من الناحيه الدينيه ومش بشوف اى حاجه غلط غير لما اقولهم واحاول معاهم يغيروها
ما هي انواع الكتب او الافلام التي تحب ان تشاهدها او تحب ان تقراها

اكتر الكتب اللى قراتها فى حياتى كلها كانت كتب دينيه يعنى بنسبه 80% والباقى متنوع

الافلام الكوميديه الذيذه والافلام المؤدبه يعنى وليها قصه تؤثر فيه

ان اساء اليك شخص (تسامحه - تفهمه غلطه - تخاصمه- تسئ اليه )؟

هضايق منه ولما يجى يصالحنى هصالحه بسرعه جدا كعادتى ولو هو مجاش هروح اقوله انا زلانه علشان كذاا كذا

ان لم يتواجد عقوبة للقاتل : هل تقتل من ظلمك ؟
لا طبعا

هل ان رايت من ظلمك يقتل :تدافع عنه - تتركه - تشمت فيه ؟

حسب الظلم ده ايه بس عامه مفيش شماته خالص

بس ممكن اسيبه عادى لو كان مثلا هو انسان قاتل وده الحكم الشرعى انه يقتل

وادافع عنه لو كان مظلوم

متشكره على الاسلئه ويارب التحليل يطلع ان شاء الله صح

_________________
كانت لى هُنا ذكريات سأشتـاق لـهـا كثيراً و لن أنســاها أبـداً ما حييت..
ما بين كل صفحة وأخرى بصمة لى,, أراها ما بين حزن وسرور,,أو عزاء وفرح ..
أرجــو ألاَّ تذكـــرونى إلا بالـــــخيــــــر ..(عاشــقــة تراب الــقدس)
ولا تنســونى من صــالح دعـــائــكم فأنا فى أشـــد الحــاجة إليـــه..

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
yasmina
Administrator
Administrator


انثى عدد الرسائل : 2018
العمر : 27
السٌّمعَة : 0
تاريخ التسجيل : 08/05/2007

مُساهمةموضوع: رد: المحلل النفسي   الإثنين أكتوبر 20, 2008 10:33 am

هل تستخدم اسمك الحقيقي ؟ام اسم مستعار؟
اسمى الحقيقى ياسمين والمستعار ياسمينا زى بعض اسمى الحقيقى
هل تذهب الى جامعتك لحضور جميع محاضراتك ؟ام لا؟
مش بحضر كل المحاضرات بس لما بكون موجوده فالجامعه فوقت المحاضرات بحضر
من هم الاشخاص الذين تقتدي بهم في حياتك؟
ماما
ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
لو صديقه مقربه ليا هبقا عرفا ايه الحاجه الى نقصاها او بتحبها وهجبها لو مش صديق هجيب حاجه على ذوقى وخلاص
ما هي هواياتك؟
السفر والقرائه وبحب اكتب زجل كان نفسى ابقا صحفيه فالمستقبل بعمل شغل الصحافه دلوقتى انا فالجامعه
ما هي خططك الوظيفية؟
بحب عمتا الشغل الى بيكون فى تعامل كتير مع الناس بس انا لسا مقررتش هشتغل ايه بالظبط بعد متخرج عشان قدامى كذا حاجه ولسا مخترتش لان كلهم احسن من بعض
لو لم تكن انت من تود ان تكون ؟
انا برضوا
ان واجهتك مشكلة من تحب ان تحدثه؟
ماما و ندى
ما هي الدول التي ترغب ان تسافر لها ؟
فرنسا
ما هو ترتيبك بين اخوتك (ان كان لك اخوات)؟
التانى
ما هو المثل الذي تراه في نفسك؟
ليس كل مايتمناه المرا يدركه
ما هي الالوان التي تحبها؟
الاحمر والاسود والاصفر والتركواز
كم عدد اصدقائك؟
كتيييييييييييييييييير جدااا
ما هو الدور الذي تلعبه بين اصدقائك المقربين ؟
غالبا دور القائد
ما هي انواع الكتب او الافلام التي تحب ان تشاهدها او تحب ان تقراها؟
بحب اقرا روايات ليوسف السباعى والافلام القديمه لعبد الحليم حافظ ومسرحية العيال كبير بحبها قوى والافلام الجيده لاحمد حلمى وهنيدى واكتر فلم عجبنى قوى كده رضا
ان اساء اليك شخص (تسامحه - تفهمه غلطه - تخاصمه- تسئ اليه )؟
هو حسب حجم الاسائه بس غالبا هسامح ولو حد مهم قوى بالنسبالى هعاتبوا عشان مديقنيش تانى
ان لم يتواجد عقوبة للقاتل : هل تقتل من ظلمك ؟
لا
هل ان رايت من ظلمك يقتل :تدافع عنه - تتركه - تشمت فيه ؟
تدافع عنه لو مظلوم
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الإثنين أكتوبر 20, 2008 5:34 pm

انا مش بعرف اعمل تحليل ذى اللى عمله مصطفى مجدى س على سبيل الرخامه انا هعلق على شوية حاجات من اجابتكوا

اقتباس :
من هم الاشخاص الذين تقتدي بهم في حياتك؟[/size]
الابطال بحس انهم ناس ليهم مبادئ و اكترهم الفرسان الانجليز و الملك ارثر

هو تعليق مش مهم اوى Very Happy ..بس واضح انك متاثر جداا بالثقافه اللى فى الافلام الاجنبى
و دة واضح من الشخصيات اللى بتتاثر بيها و النيك نيم بتاعك و الصور اللى بتحطها برضه

و حكاية انك رديت بنفس اللون اللى مكتوب بيه الاسئلة ممكن توحى بانك مش بتحب نفسك اوى فمش مهتم انك تبرز كلامك عن كلام غيرك
فلو كدة فعلا حاول تحب نفسك اكتر و تقدرها كويس لانها اكيد تستاهل التقدير


اقتباس :
ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
صديقى يبقى اكتر حاجه بيحبها لو مش صديقى مش هروح اصلا

ممكن دة معناه ان الاشخاص البعيد عنك مش بيدخلوا فى دايرة اهتماماتك ؟؟!! (انا شكلى بسال مش بحلل Very Happy )


اقتباس :
ما هي هواياتك؟
بحب العب كره و اتفرج على السماء و القمر
اعتقد لعب الكورة يدل على حبك لاصحابك و على انك نشيط و التامل فى السما و القمر يدل على الصفاء و حب الاسترخاء (اصل النظر للسماء بيريح الاعصاب ) و ممكن الرومانسية

اقتباس :
ما هي خططك الوظيفية؟
اللى كان متخطط باظ فربنا يسهل بحاجه تانيه احسن

هى نصيحة مش تحليل شخصية المرة دى لان حصلى الموقف دة قبل كدة و اتعلمت انى دايما لازم يكون عندى خطط بديله
و فعلا النهاردة خدنا دة فى التخطيط و طلع انه مناساسيات وضع خطط ان يكون عندى خطط بديله
علشان لو منفعش واحدة ابقى مجهزة التانيه

اقتباس :

لو لم تكن انت من تود ان تكون ؟
انا مش شايف حد لحد الان اتمنى اكون مكانه
ممكن دة يدل على طموحك العالى او ممكن نظرتك السلبيه للناس Very Happy

اقتباس :
ان واجهتك مشكلة من تحب ان تحدثه؟
مع نفسى

ممكن دة يدل انك انطوائى او مش بتثق فى الناس اوى
اقتباس :


ما هي الدول التي ترغب ان تسافر لها ؟
كرواتيا و البرتغال

دة يدل على حاجات غريبة اوى (اشمعنى كرواتيا و البرتغال !!!!!!! Rolling Eyes )


اقتباس :
ما هو ترتيبك بين اخوتك (ان كان لك اخوات)؟
3 احنا 5 يعنى الوسطانى

اكيد دة بياثر على شخصيتك
يعنى بالنسبالى يمكن دايما بحس انى دايما فى النص منفعش قيادة و لا احب اكون فى اقل مستوى اداى (على سبيل المثال يعنى )
فممكن يكوون عندك نفس االاحساس دة ؟!!


اقتباس :
ما هي هواياتك؟
تانى

بتزهق بسرعه اعتقد


اقتباس :
ما هو المثل الذي تراه في نفسك؟
لا مفيش لانى مش بحب الامثال ولا متابع

انت ادركت ان دة مثل من الامثال .. انا كنت فاكراها مثل يعني قدوة
يبقى دة يدل ان انا متاثرة جامد بموضوع القدوات فقريت الكلمه على مزاجى Very Happy


اقتباس :
ما هي الالوان التي تحبها؟
الازرق و الاحمر
الازرق لانك بتحب السماء و يدل انك ممكن بتحب الحاجات التقليديه شوية
الاحمر ..يدل على تعصبك الكروى للاهلى Very Happy

اقتباس :

كم عدد اصدقائك؟
كتييييييير اوووى بس اصحابى اصحابى ممكن 15

و مع ذلك لو عندكمشكله بتقولها لنفسك .. يبقى ممكن انت اجتماعى بس معندكش ثقه فى اللى حواليك لدرجة انك تحكيلهم مشاكلك

اقتباس :
ما هو الدور الذي تلعبه بين اصدقائك المقربين ؟
ممكن اكون حلال المشاكل

دة يدل على حبك لناس و انك طيب و انك محبوب ما بينهم

اقتباس :

ما هي انواع الكتب او الافلام التي تحب ان تشاهدها او تحب ان تقراها؟
كلها لان الكتب اى كتاب فيه فائده و الافلام بيبقى فيها فكره او حاجه تشدك

ممكن يدل انك شخص متنوع و مش بتحب يكونلك مجال واحد من الاهتمامات

اقتباس :
ان اساء اليك شخص (تسامحه - تفهمه غلطه - تخاصمه- تسئ اليه )؟
مش بيفرق معيا خالص بس لو غلط امامى لا باخد حقى وقتى و بعد كده خلاص يعمل اللى يعمله يتعامل تانى يخاصم يزعل مش بتفرق

ممكن يدل انك مش بتهتم اوى باللى اساءوا اليك و بتعتبرهم مش من اهتماماتك

اقتباس :

ان لم يتواجد عقوبة للقاتل : هل تقتل من ظلمك ؟
لا لان اكيد في سبب لانه يظلمنى اعرف السبب الاول بعد كده نشوف ايه ممكن يتعمل

دة ممكن يدل على حسن ظنك باللىظلمك انك عايزز تشوف ايه اسباب ظلمه الاول


اقتباس :
هل ان رايت من ظلمك يقتل :تدافع عنه - تتركه - تشمت فيه ؟
ادافع عنه علشان مبقاش مثله

دة متهيالى يدل على انك انسان عادل و بتدافع عن الحق حتى مع اى حد


و من مشاركاتك بقى فى المنتدى عموما

اعتقد انك طيب جداا.. و بتحب اهلك و بلدك اوى و عندك انتماء عموما

بس يمكن بتتعصب بسرعه لكن بتهدى بسرعه

و انك مبتكدبش ابدا و بتتكلم بصراحة ..ممكن من النوع اللى بيتقال عليه اللى فى قلبه على لسانه

بسيط و مش متكلف و نشيط و بتقدر تستغل وقتك صح

مطلع على الدنيا من حواليك و بتهتم بمذاكرتك

عندك قدرة على التحمل عشان توصل للى انت عايزه (ساكن فى الفيوم و تيجى لغايت القاهر مع ان فى جامعه سهل تدخلها فى الفيوم )

و بس كدة يعنى دة اللى افتكرته
و يا رب يكون تعليقاتى مفهاش حاجة تضايق

سلاااااااام عليييييكم و رحمة الله و بركاته

وا روح ارخم براحتى بقى على ردود ياسمين و فداء Very Happy Very Happy

سنعود بعد قليل

(ان شاء الله )
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الإثنين أكتوبر 20, 2008 6:09 pm

اقتباس :
[quote="فداء"]انا هجاوب على الاسئله وربنا يستر ان شاء الله
هل تستخدم اسمك الحقيقي ؟ام اسم مستعار؟

هو انا بدخل على النت دايما باسم مستعار لكن فى الحقيقه دايما طبعا اسمى الحقيقى

هل تذهب الى جامعتك لحضور جميع محاضراتك ؟ام لا؟
نعم

من هم الاشخاص الذين تقتدي بهم في حياتك؟
النبى صلى الله عليه وسلم وزوجاته وبناته وجميع الصحابيات واصحاب النبى

يعنى كل صحابى وصحابيه بيكونوا مميزين فى حاجه عن بض فبحاول انى اخد من كل واحد الميزه دى واحاول اطبقها

ده غير طبعا اى انسان اقابله فى حياتى اخد الحاجه الحلوه اللى فيه

كل دة يدل انك انسانه ملتزمة و بتحبى دينك و النبى صلى الله عليه و سلم اوى (زينا كلنا Very Happy )
و كمان بتعتزى بنفسك (بتحبى اسمك )
اقتباس :

ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
الهديه الى تليق عليها وحسب الشخصيه يعنى واحده جبتلها هديه عاديه ساعه مثلا

لكن واحده تانيه جبتلها شرايط لمحمد حسان


بتهتمى باللى حواليكى اوى

اقتباس :
ما هي هواياتك؟
بحب القراءه جداااااااااااا وبستريح اوى وانا بقرا وبحس انى فرحانه

وانى اتكلم مع اصحابى واخرج معاهم والنت علشان اصحابى برضه

وانى اسمع محاضرات دينيه ولوفيها معلومات لذيذه ومفيده كمان ..

اجتماعية و بتحبى تتعلمى و تستفيدى و انسانه مثقفة


اقتباس :
ما هي خططك الوظيفية؟
والله هو انا نفسى اكون معيده فى الكليه بس معرفش هقدر ولا لا مع انى لسه فى اول سنه 666 (حسب التقدير التراكمى )

بس لومنفعش معيده يبقى مترجمه واترجم الكتب الدينيه واوصلها لغير المسلمين فى الغرب علشان انشر الاسلام

وعلشان المسلمينن تزيد معلوماتهم عن الاسلام ويعرفوه اكتر (المسلمين الاجانب طبعا )

وكمان نفسى اشتغل مذيعه بحب الاعلام جدااااااا وكان نفسى ادخل كليه الاعلام

وممكن برضه اشتغل مدرسه

اى حاجه من دول هفرح بيهم بس التلاته الاولنين اكتر

بتخططى كويس(الخطط البديلة )

طموحك عالى و نفسك يكون ليكى دور فى نصر و عزة الاسلام
اقتباس :

لو لم تكن انت من تود ان تكون ؟
لما بفكر فى الموضوع ده بحمد ربنا انى طلعت زى ما انا بحس ان اللى ربنا اختارنى ليه هو افضل شىء ليه

بس كان نفسى اكون بنت النبى السيده فاطمه بالذات

او السيده خديجه علشان اكون مع النبى ويحبنى زى ما حب السيده خديجه ويفضل فاكرنى كده

لما فكرت فى السيده عائشه قولت الله يكون فى عونها الزوجه لما زوجها بيتزوج عليها زوجه واحده بتموت من الغيره

فما بالكم بالسيده عائشه وقد تزوج النبى اكثر من 5 كمان ده غير ان زوجها مش اى حد ده الرسول صلى الله عليه وسلم

بجد اللى كان بيحصل بسبب الغيره ده شىء طبيعى جدا

علشان كده اخترت السيده خديجه لانها لم يتزوج النبى فى حياتها غيرها


شوف التقلييييد Very Happy
بس انا قلت السيدة فاطمة او السيده عائشة لان باباها سيدنا ابو بكر كمان و زوجها النبى صلى الله عليه و سلم و اول ما سالوه مين اكتر حد بتحبه قال عائشة .. يعنى بجد ما شاء الله يا بختهاااا يا رب اجمعنا بيها فى الجنه

و السيدة فاطمه باباها الرســـــــــول عليه الصلاة و السلام و زوجها سيدنا على بن ابى طالب و والوادها سيدا شباب اهل الجنه .. يا رب اجمعنا بيهم جميعا


المهم كدة ممكن افسرلك ذى التفسير اللى اتفسرلى ان اكيد حلم حياتك ترجعى باله الزمن و تشوفيهم و تعيشي معاهم

و ان شاء الله انا و انتى و كل المسلمين نروح و نشوفهم فى الجنه فعلا باذن الله


اقتباس :


ان واجهتك مشكلة من تحب ان تحدثه؟
بعد ربنا سبحانه وتعالى ماما وانتيمتى والاء اختى (بس الاء بت هبله الارائها مش مفيده Razz )

وممكن لو لاقيت مها على النت او ندى بحكلهم على طول

بتثقى فى الناس اوى (و لا عمرك شوفتينى و بقينا اصحاب .. و انا كمان بثق فيكى Very Happy )
بتموووووووووتى فى اختك و هى اقرب انسانه ليكى و بتستريحيلها جدا بس عندك عند الاخوات الكبار Very Happy


اقتباس :
ما هي الدول التي ترغب ان تسافر لها ؟

كل العالم بس ماليزيا واسبانيا وتركيا وسوريا وفلسطين والجزائر والمغرب وفرنسا



ماليزيا .. بتحب المسلمين المتقدمين و نفسك البلاد الاسلاميه كلها تتقدم

اسبانيا .. نفسك تشوفى اثار الحضارة الاسلامية العظيمة اللى كانت هناك

تركيا .. يا خوفى يكون عشان المسلسلات المتخلفة بتاعتهم هههههه .. برضه ممكن نفس سبب اسبانيا ..بتحبى الامكان الىل كانفيها حضارة اسلامية

فلسطين .. حلم حياتك تحرير القدس و دايما فى بالك (و كمان من اسمك القديم .. عاشقة تراب القدس)

الجزائر و المغرب .. نفسك تتعرفى على العرب و المسلمين بجميع جنسياتهمعشانكمان عايزوة تروحى تركيا و ماليزيا

فرنسا .. قلتى تروشى شوية فى الاخر Very Happy و بتحبى الامكان الراقيه الجميلة



اقتباس :



ما هو ترتيبك بين اخوتك (ان كان لك اخوات)؟

اكبر واحده وبعدى
3

بتهتمى بنفسك و حاسة بقيمتها


اقتباس :
ما هي هواياتك؟

سؤال مكرر


معندكيش زهايمر الحمد لله
اقتباس :


ما هو المثل الذي تراه في نفسك؟

مش عارفه ؟؟


مش دارسة نفسك كويس ..ادرسيها كويس و حللى شخصيتك عشان تقدرى تخخططيلها صح دايما


اقتباس :
ما هي الالوان التي تحبها؟

عامه انا بحب الالوان كلها وخصوصا الابيض والبنى والاسود (فى اللبس ) والاحمروالروز والموف


الابيض و البنى و الاسود .. بتحبى تكونى تقليديه و جواكى حزن بينعكس فى البنى و الاسود

الاحمر و الروز و الموف ..شوية دلع بنات Very Happy
و دة اكيد لما بتكونى نفسيك مرتاحة و مبسوطة فبتميلى لانك تحسي بالبهجة

اقتباس :


كم عدد اصدقائك؟
المقربين منى اوى اوى 6 وعليهم الاء اختى

كانوا اكتر من كده بس الزمن بيغير الناس وبيبانوا على حقيقتهم


لما حد بيزعلك صعب اوى يرجع زى الاول تانى
و حساسه ممكن شوية


اقتباس :
ما هو الدور الذي تلعبه بين اصدقائك المقربين ؟

هو عامه الاصدقاء مع بعض بيشكوا هموم وكل واحد يحاول يحل مشكله التانى
واكيد انا كده بس انا دايما بينهم بنصحهم من الناحيه الدينيه ومش بشوف اى حاجه غلط غير لما اقولهم واحاول معاهم يغيروها

ضميرك دايما صاحى الحمد لله .. و بتحبى اصحابك و هو دة الحب الحقيقى ..الخوف على الى بتحبيه من الوقوع فى ذنوب
اقتباس :



ما هي انواع الكتب او الافلام التي تحب ان تشاهدها او تحب ان تقراها

اكتر الكتب اللى قراتها فى حياتى كلها كانت كتب دينيه يعنى بنسبه 80% والباقى متنوع

الافلام الكوميديه الذيذه والافلام المؤدبه يعنى وليها قصه تؤثر فيه


يدل انك اهتمامك غالبا فى الجانب الدينى و بتحبى ترضى ربنا و مش هايفة الحمد لله

اقتباس :


ان اساء اليك شخص (تسامحه - تفهمه غلطه - تخاصمه- تسئ اليه )؟

هضايق منه ولما يجى يصالحنى هصالحه بسرعه جدا كعادتى ولو هو مجاش هروح اقوله انا زلانه علشان كذاا كذا


دة مع اللى قبل كدة ممكن نقول منهم نك فيه ناس بتفوتيلهم بسهوله و تحبيهم و تحبى تحافظى عليهم اوى و ناس مش مهمه عندك فبيبقى صع تنسي اسائتهم

اقتباس :


ان لم يتواجد عقوبة للقاتل : هل تقتل من ظلمك ؟
لا طبعا

هل ان رايت من ظلمك يقتل :تدافع عنه - تتركه - تشمت فيه ؟

حسب الظلم ده ايه بس عامه مفيش شماته خالص

بس ممكن اسيبه عادى لو كان مثلا هو انسان قاتل وده الحكم الشرعى انه يقتل

وادافع عنه لو كان مظلوم

انسانه عادله

اقتباس :
متشكره على الاسلئه ويارب التحليل يطلع ان شاء الله صح


نتيجة التحليل هتطلع يوم التات ان شاء الله يا فندم Very Happy

مع تحيات معمل البرج Smile


و استنى اقول شوية حاجات من معرفتى بيى و اجاباتك فى المنتدى

انسانه مثقفه و بتهتمى بالدين الحمد لله و بتحبى مجال دراستك و طييييبة جداا و اجتماعيه جداااا و بتاخدى على الناس بسرعه و يمكن عشان كدة لو اكتشفتى ان الحقيقه مش هى اللى تخيلتيه بتتصدمى
بتحبى المناقشة و (رغايه Very Happy ) و بتحبى الناس بس مش بتسامحى اللى ميقدركيش و ميديكيش حقك .. دمك خفيف و فيكى طفوله و براءة و رومانسية و بتحبى الحرية ( بمعناها الصح مش السيء طبعا ) و مبتعرفيش تطبخى Very Happy .. و صبورة و طموحة بس صعب حد يغيرلك وجهة نظرك ..و كفايه عليكى كدة يا بت انتى .. اه نسيت فيى ميزة حلوة اوى ..بتحبى كلمة بت ههههه
الرجوع الى أعلى الصفحة اذهب الى الأسفل
http://www.amrkhaled.net
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الإثنين أكتوبر 20, 2008 6:38 pm

اقتباس :
[quote="yasmina"]هل تستخدم اسمك الحقيقي ؟ام اسم مستعار؟
اسمى الحقيقى ياسمين والمستعار ياسمينا زى بعض اسمى الحقيقى

دة يدل انك بتحبي اسمك و بتعتزى بيه و انك انسانه مش غامضه و بتحبى ان الناس يعرفوا مين اللى بتتكلم على المنتدى


اقتباس :
هل تذهب الى جامعتك لحضور جميع محاضراتك ؟ام لا؟
مش بحضر كل المحاضرات بس لما بكون موجوده فالجامعه فوقت المحاضرات بحضر

لا بلاش فضايح ..مش هعلق على دى ههههه
اقتباس :


من هم الاشخاص الذين تقتدي بهم في حياتك؟
ماما

بتحبى اهلك اوى و قريبه من مامتك و مصاحباها

اقتباس :


ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
لو صديقه مقربه ليا هبقا عرفا ايه الحاجه الى نقصاها او بتحبها وهجبها لو مش صديق هجيب حاجه على ذوقى وخلاص

بتهتمى باصحابك و بتحبى تفرحيهم Very Happy

اقتباس :
ما هي هواياتك؟
السفر والقرائه وبحب اكتب زجل كان نفسى ابقا صحفيه فالمستقبل بعمل شغل الصحافه دلوقتى انا فالجامعه

كنتى تتمنى تبقى رحالة ذى ابن بطوطة كددة Very Happy

اقتباس :


ما هي خططك الوظيفية؟
بحب عمتا الشغل الى بيكون فى تعامل كتير مع الناس بس انا لسا مقررتش هشتغل ايه بالظبط بعد متخرج عشان قدامى كذا حاجه ولسا مخترتش لان كلهم احسن من بعض

مش محددة هدف واحد و دة بيتسبب لك فى مشاكل كتير ..صح حطىخطط بديله بس حاولى ترتبى اهدافك ايه هدفك الاساسى و ان لم يكن فكذا ..ان لم يكن فكذا كذا و هكذا Smile

لكن لازم تحاولى يكون ليكى هدف معين عشان تقوى نفسك اوى تجاهه و تعملى خطط بديله عشان لو فشلتى فى تحقيقه


اقتباس :
لو لم تكن انت من تود ان تكون ؟
انا برضوا

بتحبى نفسك .. و هى تستاهل warda

اقتباس :
ان واجهتك مشكلة من تحب ان تحدثه؟
ماما و ندى

عندك حسن اختيار للشخص اللى تحكيلة المشاكل ( عشان قلتى ندى Razz ) لا عشان قولتى ماما
و عشان قلتى ندى و ماما دة يدل انكبتحبى تاخدى اكتر من وجهة نظر ..وجهة نظر صاحبتك اللى تفكيرها هيكون قريب منك و ممكن فاهمه و حاسة بيكى اوى و وجهة نظر مامتك اللى فيها خبرة و عقل
فتقدرى لما تدمجى ما بينهم توصلى لحل كويس باذن الله

بس برضه كمان مجتاجه تقربى لاخواتك اكتر و يكونوا اصحابك اكتر من كدة
اقتباس :

ما هي الدول التي ترغب ان تسافر لها ؟
فرنسا

ابقى خدينى ماكى عشان انتى عافه ثقافتى الفرنسيه و انتى اسبانى Very Happy

اقتباس :
ما هو ترتيبك بين اخوتك (ان كان لك اخوات)؟
التانى

بتحبى الاجابات المختصرة


اقتباس :
ما هو المثل الذي تراه في نفسك؟
ليس كل مايتمناه المرا يدركه

بتزعلى و تتاثرى دايما من عدم تحقيق النتائج المرغوب فيها

اقتباس :
ما هي الالوان التي تحبها؟
الاحمر والاسود والاصفر والتركواز

الاحمر .. بتحبى تكونى مشهورة (لانه لون جذاب ) و كمان لون بناتى فبيحسسك ببنتوتيتك Very Happy
الاسود ..قوة شخصيتك
الاصفر .. الانطلاق والنشاط اللى عندك
التركواز .. بتحبى الهدوء بعد التعب اللى بتكونى فيه فيمكن بيبقى لون مريح للعنين و قريب من اللبنى اللى فى السما و الازرق للبحر


اقتباس :
كم عدد اصدقائك؟
كتيييييييييييييييييير جدااا

اجتماعيه جداااااااااااا و غاوية انشطه Very Happy


اقتباس :
ما هو الدور الذي تلعبه بين اصدقائك المقربين ؟
غالبا دور القائد

بتعتزى بارائك و بتحبى يكون معاكى سلطة

.. بس انا بحس ان انا و انتى سوا .. بما اننا اقرب اتنين لبعض الحمد لله .. مافيناش قائد (عشان دايما مغلباكى و مبسمعش كلامك 2310 .. و انتىبرضه مش بتسمعى كلامى Sad )


اقتباس :
ما هي انواع الكتب او الافلام التي تحب ان تشاهدها او تحب ان تقراها؟
بحب اقرا روايات ليوسف السباعى والافلام القديمه لعبد الحليم حافظ
يا واد يا ومانسى Very Happy
اقتباس :
ومسرحية العيال كبير بحبها قوى والافلام الجيده لاحمد حلمى وهنيدى واكتر فلم عجبنى قوى كده رضا

دمك خفيف و ذى السكر و بتحبى الضحك و الهزار

اقتباس :
ان اساء اليك شخص (تسامحه - تفهمه غلطه - تخاصمه- تسئ اليه )؟
هو حسب حجم الاسائه بس غالبا هسامح ولو حد مهم قوى بالنسبالى هعاتبوا عشان مديقنيش تانى

مبتحبيش تكرار الخطأ

اقتباس :
ان لم يتواجد عقوبة للقاتل : هل تقتل من ظلمك ؟
لا
هل ان رايت من ظلمك يقتل :تدافع عنه - تتركه - تشمت فيه ؟
تدافع عنه لو مظلوم

برضه عندك عدل

متهيالى صعب اوى حديجاو ببغير كدة

و ازود بقى تحليل و لا بلاااش Very Happy

هو بس اقول ان اكتر ميزة فيكى انك بجد لما بتحبى توصلى لشىء يبقى عندك طاقه و طموح رهيب لانك توصليله و مش بتياسى بسرعه .ربنا يوفقك يا حبيبة قلبى و روحى و عقلى و عينى و كل حاجة عندى i l u i l u i l u i l u i l u i l u i l u



و كفايه كدة اى لاف يو عشان ميقروش بقى علينا Very Happy


و خدى الاسمايلى دة مخصوص عشانك smsm و قوليلى بقى بيفكرك بمييييين اللى كان شبهه 2310
بس تصدقى الحد اللى شبهه دة لما شال اللينسز مبقاش شبهه Very Happy

سلااااااااااام عليييييكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
!vampire!
تجارى فعال
تجارى فعال


ذكر عدد الرسائل : 1400
العمر : 28
مكان السكن : fayoum
الوظيفة : Student
السٌّمعَة : 0
تاريخ التسجيل : 10/12/2007

مُساهمةموضوع: رد: المحلل النفسي   الثلاثاء أكتوبر 21, 2008 2:24 am

اهلا اهلا اهلا
تحليل جامد جدا شكرا
بس فى شويه حاجات
1 - هو تعليق مش مهم اوى Very Happy ..بس واضح انك متاثر جداا بالثقافه اللى فى الافلام الاجنبى
و دة واضح من الشخصيات اللى بتتاثر بيها و النيك نيم بتاعك و الصور اللى بتحطها برضه
\/ ده فعلا لانى ممكن اشوف شخصيه فى فيلم تعجبنى اوووى ممكن ادور على كتاب بيتكلم عنها معلومات عنها كده و فى شخصيات تشد كتير فى الثقافه الغربيه انما شخصيات الافلام العربى اجارك الله بيبقى عندها تخلف و كتير منها مش قصص حقيقيه على عكس الافلام الجنبيه
2 - حكاية انك رديت بنفس اللون اللى مكتوب بيه الاسئلة ممكن توحى بانك مش بتحب نفسك اوى فمش مهتم انك تبرز كلامك عن كلام غيرك
\/ لا هيا ليها علاقه بالزهق و انى بتخنق بسرعه الكلام كتير و الرد طويل و كمان هنسق لا
3 - ان الاشخاص البعيد عنك مش بيدخلوا فى دايرة اهتماماتك ؟؟!!

\/ ده اكيد علشان لو الواحد اهتم بكل الناس مش هيخلص خالص علشان مفيش حاجه بتعجب كل
4 - اعتقد لعب الكورة يدل على حبك لاصحابك و على انك نشيط و التامل فى السما و القمر يدل على الصفاء و حب الاسترخاء
\/ صح بس مش الرومانسيه خالص
5 - نصيحة مش تحليل شخصية المرة دى لان حصلى الموقف دة قبل كدة و اتعلمت انى دايما لازم يكون عندى خطط بديله
و فعلا النهاردة خدنا دة فى التخطيط و طلع انه مناساسيات وضع خطط ان يكون عندى خطط بديله
\/ انا بعمل كده فعلا بس اللى حصل ان 3 خطط باظوا خالص فى اسبوعيين و زعلت اوووى بس هفكر فى حاجات تانى و ربنا يسهل
6 - ممكن دة يدل على طموحك العالى او ممكن نظرتك السلبيه للناس
\/ ممكن طموحى العالى لانى مش ممكن اكوز زى حد لانه وصل الى ما وصل له فى ظروف معينه ممكن اوووى متتوفرش ليا فاحاول اوصل لاقصى حاجه ممكنه بظروفى انا و قدراتى انا
7 - ممكن دة يدل انك انطوائى او مش بتثق فى الناس اوى
\/ انا فعلا مش بثق فى الناس خالص مش اوووى حتى اقرب الناس ليا وفى كلمه عجيبه شويه بس فعلا بتريح ( لو عاوز تثق فى كل الناس بطريقه متساويه متثقش فى حد خالص )
8 - كرواتيا و البرتغال
\/ يعنى سوكر و لويس فيجو اكتر ناس بحب لعبهم فى كره القدم
9 - بالنسبالى يمكن دايما بحس انى دايما فى النص منفعش قيادة و لا احب اكون فى اقل مستوى اداى (على سبيل المثال يعنى )
فممكن يكوون عندك نفس االاحساس دة ؟!!
\/ ايوه بس لا ده فى حاجه كمان انا الولد الكبير و الوسطانى فبهدله و منغير اعتراض بس الواحد اخد موقف خلاص
10 - بتزهق بسرعه اعتقد
\/ ده اكيد
11 - الازرق لانك بتحب السماء و يدل انك ممكن بتحب الحاجات التقليديه شوية
الاحمر ..يدل على تعصبك الكروى للاهلى Very Happy
\/ لا مش الحاجات التقليديه بس علشات التى شير الاحتياطى للاهلى يعنى تعصب ده غير ان اللى بيحب السماء علشان البعد و مفيش حدود
12 - مع ذلك لو عندكمشكله بتقولها لنفسك .. يبقى ممكن انت اجتماعى بس معندكش ثقه فى اللى حواليك لدرجة انك تحكيلهم مشاكلك
\/ مفيش ثقه
13 - يدل على حبك لناس و انك طيب و انك محبوب ما بينهم
\/ ده صح الحمد لله
14 - ممكن يدل انك شخص متنوع و مش بتحب يكونلك مجال واحد من الاهتمامات
\/ صح المهم النوع مش الكميه ممكن معلومات قليله فى مجالات كتير مفيده و احسن كتير من معلومات كتير مش مفيده فى مجال واحد
15 -انك مش بتهتم اوى باللى اساءوا اليك و بتعتبرهم مش من اهتماماتك
\/ صح و اكيد
16 - يدل على حسن ظنك باللىظلمك انك عايزز تشوف ايه اسباب ظلمه الاول
\/ هو حسن الظن مش باللى ظلمنى بس لا بالناس كلهم لحد ما اتاكد من العكس
17 - يدل على انك انسان عادل و بتدافع عن الحق حتى مع اى حد
\/ بيقولوا كده بس فى ناس مش عاجبهم كده
18 - من مشاركاتك بقى فى المنتدى عموما

اعتقد انك طيب جداا.. و بتحب اهلك و بلدك اوى و عندك انتماء عموما

بس يمكن بتتعصب بسرعه لكن بتهدى بسرعه

و انك مبتكدبش ابدا و بتتكلم بصراحة ..ممكن من النوع اللى بيتقال عليه اللى فى قلبه على لسانه

بسيط و مش متكلف و نشيط و بتقدر تستغل وقتك صح

مطلع على الدنيا من حواليك و بتهتم بمذاكرتك

عندك قدرة على التحمل عشان توصل للى انت عايزه (ساكن فى الفيوم و تيجى لغايت القاهر مع ان فى جامعه سهل تدخلها فى الفيوم )
\/ \/ \/ \/ شكرا \/ \/ \/ \/
اللون مش مشكله بقى
الرجوع الى أعلى الصفحة اذهب الى الأسفل
http://en.netlog.com/Xvampire88X
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   الثلاثاء أكتوبر 21, 2008 12:33 pm

ربنا يكرمك

بس حكاية الثقه فى الناس اكيد هتلاقى ناس كويسهكتير ممكنتثق فيهم ..لان كتير الانسان بيحب حد يشاركه مشاكله و احلامه فبتبقى اكيد محتاج صديق فلازم تشوف حد تثق فيه اكيد هتلاقى باذن الله

و حكاية ال3 خطط اللىفشلوا ممكن يكونوا مافشلوش اوى متياسش منهمبسرعهيمكن فى امل ..و ربنا معاك

سلااااااام علييكم و رحمة الله و بركاته
الرجوع الى أعلى الصفحة اذهب الى الأسفل
http://www.amrkhaled.net
زهرة القدس
نقيب تجارى
نقيب تجارى


انثى عدد الرسائل : 6137
العمر : 26
مكان السكن : عفوك ربى..
الوظيفة : ماشية على أول الطريق ....
الهواية : أستغفرك ربى وأتوب إليك..
السٌّمعَة : 64
تاريخ التسجيل : 03/04/2008

مُساهمةموضوع: رد: المحلل النفسي   الأربعاء أكتوبر 22, 2008 3:45 am

كل دة يدل انك انسانه ملتزمة و بتحبى دينك و النبى صلى الله عليه و سلم اوى (زينا كلنا Very Happy )

اكيدطبعا حد ميحبش نبيه على الصلاه والسلام واى نبى ؟؟؟؟؟؟؟؟

و كمان بتعتزى بنفسك (بتحبى اسمك )
اه الحمد لله بس نفسى مش كلها اسم وبس


بتهتمى باللى حواليكى اوى

اه الحمد لله بحس انهم جزء منى واللى يفرحهم يطيرنى من الفرحه واللى يزعلهم يضايقنى جداااااا


اجتماعية و بتحبى تتعلمى و تستفيدى
اه الحمد لله

و انسانه مثقفة

على قد حالى

بتخططى كويس(الخطط البديلة )

المشكله مش فى التخطيط المشكله فى التنفيذ ما انا كنت مخططت فى الثانويه وكان ممكن انفذ احد الخطط دى
بس موافقوش عليها فى البيت مع انى كنت معرفاهم من قبل النتيجه واللى حصل حاجه عمرى ما فكرت فيها وكنت رفضاها تماما بس دلوقتى بقول اللهم لك الحمد على هذه النعمه

طموحك عالى و نفسك يكون ليكى دور فى نصر و عزة الاسلام

ياريت والله لو الواحد ماتن معلملش اى حاجه فى حياته غير انه نصر الاسلام فى اى حاجه ولو صغيره دى تبقى

اهم من كل الاحلام والامنيات

شوف التقلييييد Very Happy

ههههههههههه مش تقليد يا بت بس هاتى بنت من بنات المسلمين مكنش نفسها تكون السيده فاطمه او امنا عائشه او امنا خديجه
وكمان انا قولت السيده خديجه وانتى قولتى السيده عائشه يعنى فى اختلاف اهو Very Happy

بس انا قلت السيدة فاطمة او السيده عائشة لان باباها سيدنا ابو بكر كمان و زوجها النبى صلى الله عليه و سلم و اول ما سالوه مين اكتر حد بتحبه قال عائشة

والسيده عائشه قالت ما غرت على النبى صلى الله عليه وسلم من احد زوجاته مثلما غرت عليه من خديجه
رغم وفاتها !!

يعنى بجد ما شاء الله يا بختهاااا يا رب اجمعنا بيها فى الجنه

اللهم امين
و السيدة فاطمه باباها الرســـــــــول عليه الصلاة و السلام و زوجها سيدنا على بن ابى طالب و والوادها سيدا شباب اهل الجنه .. يا رب اجمعنا بيهم جميعا

اللهم امين

المهم كدة ممكن افسرلك ذى التفسير اللى اتفسرلى ان اكيد حلم حياتك ترجعى باله الزمن و تشوفيهم و تعيشي معاهم

و ان شاء الله انا و انتى و كل المسلمين نروح و نشوفهم فى الجنه فعلا باذن الله

بتثقى فى الناس اوى (و لا عمرك شوفتينى و بقينا اصحاب .. و انا كمان بثق فيكى Very Happy )

طيب الحمد لله ان الثقه متبادله

بتموووووووووتى فى اختك

اه طبعا بحبها جداااااا انا اصلا معنديش غيرها

بس اكيد انتى هتتصدمى لو عرفتى ان انا والاء لسه حبين بعض قريب فى الفتره الاخيره كنا قبل كده بنكره بعض وما بنطقش نقعد مع بعض وارائنا مختلفه تماما وميولنا كمان وطول النهار نتخانق ودايما متخاصمين ولو خرجنا لوحدنا مع بعض لازم نرجع متحانقين خناقه كبيره جدااااااااا

بس سبحان الله كل ده اتغير تماما

و هى اقرب انسانه ليكى
مش قوى كده هههههههههه
و بتستريحيلها جدا بس عندك عند الاخوات الكبار Very Happy

اه طبعا احنا دمنا واحد وعند الاخوات الكبار ده لا والله انا بس ببقى عايز احترام زياده علشان هما مبهدلنى فى البيت ومش مدينى حقى Sad

ماليزيا .. بتحب المسلمين المتقدمين و نفسك البلاد الاسلاميه كلها تتقدم
صح
اسبانيا .. نفسك تشوفى اثار الحضارة الاسلامية العظيمة اللى كانت هناك

صح ايه الشطاره دى يا بت ؟؟هههه

تركيا .. يا خوفى يكون عشان المسلسلات المتخلفة بتاعتهم هههههه .. برضه ممكن نفس سبب اسبانيا ..بتحبى الامكان الىل كانفيها حضارة اسلامية

هههههههههه لا والله بس فيها مناظر جميله اوى

فلسطين .. حلم حياتك تحرير القدس و دايما فى بالك (و كمان من اسمك القديم .. عاشقة تراب القدس)

اكيييييييييييييييييييييييييييييييييييييد

الجزائر و المغرب .. نفسك تتعرفى على العرب و المسلمين بجميع جنسياتهم عشان كمان عايزوة تروحى تركيا و ماليزيا
هو صح بس فى حاجه كمان انى سمعت ان البلاد دى فيها مناظر طبيعيه كمان غايه فى الروعه والجمال
فرنسا .. قلتى تروشى شوية فى الاخر Very Happy و بتحبى الامكان الراقيه الجميلة

ايون بالضبط كده حبه روشنه وحب للاماكن الراقيه الرقيقه

بتهتمى بنفسك و حاسة بقيمتها

اه لازم اهتم بيها علشان اوصلها للى انا عايزاه

ولما احس بقيمتها استغلها صح

معندكيش زهايمر الحمد لله
دى بقى الحاجه الوحيده اللى غلطتى فيها علشان انا اللى اخترعت الزهايمر اساسا Very Happy

مش دارسة نفسك كويس
لا الحمد لله دراسها كويس بدليل انى عارفه قيمتها بس مش فكره حاجه انا فيها يعنى فاهمه ازاى ؟؟
..ادرسيها كويس و حللى شخصيتك عشان تقدرى تخخططيلها صح دايما

يا بنتى ده انا تخصص تحليل شخصيات لحد ما ماما والاء قالولى انتى محتاجه تروحى مستشفى المجانين

حتى التصرف العادى بحلله علشان اعرف ايه اللى وراه وهيؤدى لايه وليه وصح ولا غلط وده طبيعى ولا مصطنع ؟؟

وحاجات كده حبه عقل على حبه هبل وجنون Shocked Very Happy

الابيض و البنى و الاسود .. بتحبى تكونى تقليديه

لا خالص انا دايما بحب التميز والاختلاف عن كل اللى حواليا

واللى شجعنى على كده انى لاقيت نفسى فى حاجات كتيره بكون مختلفه والاختلاف ليه طابع مميز على الشخصيه وبيعطيها جذابيه ان الناس كلها مشددوده ناحيتها وعايزه تعرفك وكده يعنى ..

و جواكى حزن بينعكس فى البنى و الاسود
ممكن ساعات بحس بكده

الاحمر و الروز و الموف ..شوية دلع بنات Very Happy
ههههههههههههه ماشى يا دلوعه Very Happy

دة اكيد لما بتكونى نفسيك مرتاحة و مبسوطة فبتميلى لانك تحسي بالبهجة

لما حد بيزعلك صعب اوى يرجع زى الاول تانى
و حساسه ممكن شوية

لما ما بيكونش زعل عادى يعنى مثلا مقعدتش احب فى واحده يجى 13 سنه وهى بعد دهكله ولا اكنى كان فى عشره يوم حتى بينا

اكيد دى عمرى فى حياتى لحد ما اموت ما هنساهالها ابدااااااااااااااااااااااااااااااااااااااااااااااااا مهما عملت ..


ضميرك دايما صاحى الحمد لله .. و بتحبى اصحابك و هو دة الحب الحقيقى ..الخوف على الى بتحبيه من الوقوع فى ذنوب

الحمد لله ويارب افضل كده دايما ..


يدل انك اهتمامك غالبا فى الجانب الدينى و بتحبى ترضى ربنا و مش هايفة الحمد لله

صح والحمد لله انى مش هايفه هههه

دة مع اللى قبل كدة ممكن نقول منهم نك فيه ناس بتفوتيلهم بسهوله و تحبيهم و تحبى تحافظى عليهم اوى
لحد هنا صح
و ناس مش مهمه عندك فبيبقى صع تنسي اسائتهم

لا الناس المهمه هى اللى صعب انسى اهانتهم زى صحبتى بتاعه 13 سنه دى كده

لكن الناس العاديه بعديلهم ما دام اعتذروا خلاص ولا اكن حاجه حصلت ,
انسانه عادله


نتيجة التحليل هتطلع يوم التات ان شاء الله يا فندم Very Happy

مع تحيات معمل البرج Smile

هههههههههههههههههه
المهم ان ميطلعش فيها اى امراض زى فساد القلب او الغل والحقد والطمع اى مرض من امراض القلوب عامه

ومتشكرين اوى على المجهود يا دكتور


و استنى اقول شوية حاجات من معرفتى بيى و اجاباتك فى المنتدى
اتفضلى ياستى

انسانه مثقفه و بتهتمى بالدين الحمد لله و بتحبى مجال دراستك و طييييبة جداا و اجتماعيه جداااا و بتاخدى على الناس بسرعه و يمكن عشان كدة لو اكتشفتى ان الحقيقه مش هى اللى تخيلتيه بتتصدمى

بتصدم جامد اوى وبفضل متاثره لفتره كداااا وبعد ما ارجع زى ما كنت عمرى ما انسى الاحساس اللى حسيت اثناء الصدمه

بتحبى المناقشة و (رغايه Very Happy ) و بتحبى الناس بس مش بتسامحى اللى ميقدركيش و ميديكيش حقك

اصلها بتبقى حاجه تضايف اووووووووى وتنرفز

دمك خفيف و فيكى طفوله و براءة و رومانسية
الله يخليكى يا ندى والله
و بتحبى الحرية ( بمعناها الصح مش السيء طبعا )
فعلا
و مبتعرفيش تطبخى Very Happy
شكلك غاوى فضايح Very Happy
.. و صبورة و طموحة بس صعب حد يغيرلك وجهة نظرك
ده على اساس اخر موضوع كنا بنتكلم فيه (على المسنجر) يعنى
لو على ده فانتى عرفتى بالضبط الحقيقه انتى اللى هتغيرة وجهه نظرك


..و كفايه عليكى كدة يا بت انتى .. اه نسيت فيى ميزة حلوة اوى ..بتحبى كلمة بت ههههه [/quote]

هههههههههههه لا ماشاء الله ما بفتكيش حاجه ابدااااااا

على فكره انتى شطره جدااااااااااااااااااا واستغليتى كلامنا مع بعض على تحليلك للاسئله

تنفعى دكتور نفسانى ههههههههههههه,

مش عارفه ليه بيتهيالى انى رغيت فى التعليق على تحليلك للاسئله اكتر من رغى جوه الاجابه Very Happy

_________________
كانت لى هُنا ذكريات سأشتـاق لـهـا كثيراً و لن أنســاها أبـداً ما حييت..
ما بين كل صفحة وأخرى بصمة لى,, أراها ما بين حزن وسرور,,أو عزاء وفرح ..
أرجــو ألاَّ تذكـــرونى إلا بالـــــخيــــــر ..(عاشــقــة تراب الــقدس)
ولا تنســونى من صــالح دعـــائــكم فأنا فى أشـــد الحــاجة إليـــه..

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: رد: المحلل النفسي   الأربعاء أكتوبر 22, 2008 6:31 am

اقتباس :
انا مش بعرف اعمل تحليل ذى اللى عمله مصطفى مجدى
متشكر على المجاملة .... بس يا ندى انا شايف انك بتحللي احسن مني بكتير ....
و تحليلك دمه خفيف جدا ....و بالذات الحتة بتاعت معمل البرج ..... انا من ساعة ما رجعت من الامتحان مكتئب بس
خلاص كده
وانا هجاوب على الاسئلة

هل تستخدم اسمك الحقيقي ؟ام اسم مستعار؟
الحقيقي

هل تذهب الى جامعتك لحضور جميع محاضراتك ؟ام لا؟
نعم

من هم الاشخاص الذين تقتدي بهم في حياتك؟
الرسول (صلى الله عليه و سلم ) , الصحابة ( رضوان الله عليهم ) و بخاصة سيدنا عمر بن الخطاب (رضي الله عنه) , دكتور خيري الجزيري , و بيعجبني علم دكتور سعد السعيد

ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
حسب اهتماماته و لكن افضل ان اهديه كتاب , و ان لم يكن صديقي ساقدم له هدية اقيم لتوطيد صداقتي به

ما هي هواياتك؟
احب قراءة كتب الفيزياء و الاحياء و الجبر و الفراغية و الميكانيكا و اعشق النت و تعلم التكنولوجيا و بخاصة في مجال الجرافيكس

ما هي خططك الوظيفية؟
الاولى : الحصول على الماجستير و الدكتوراه و اكتشفت بعد كده ان طموحي لازم يبقى ابعد بكتير
التانية : العمل باي وظيفة بعد التخرج للحصول على العديد من الشهادات الدولية ثم السفر لدولة عربية و ادخار الاموال اللازمة لانشاء صرح استثماري ضخم في فرنسا
التالتة : اني اشتغل في مكتب محاسبة بعد التخرج ل3 سنوات حتى اصل لدرجة محاسب قانوني و اكون اخدت شهادات دولية و اشتغل في شركة كبيرة في المانيا و بعدين ابني كيان اقتصادي ضخم في فرنسا
الرابعة : لو مفيش حاجة من الخطط التلاتة اتحققوا اتمنى استشهد في فلسطين لان حياتي مش هيبقى ليها اي قيمة

لو لم تكن انت من تود ان تكون ؟
بيل جيتس , بس اكون مسلم

ان واجهتك مشكلة من تحب ان تحدثه؟
بحب اكلم نفسي كتير و افكر في انسب الحلول لوحدي

ما هي الدول التي ترغب ان تسافر لها ؟
فرنسا(بلد احترام البشر ) , المانيا

ما هو ترتيبك بين اخوتك (ان كان لك اخوات)؟
التاني من اربعة

ما هي هواياتك؟
زي ما قلت قبل كده ,احب قراءة كتب الفيزياء و الاحياء والفراغية و الميكانيكا و اعشق النت وتعلم التكنولوجيا و خاصة في مجال الجرافيكس

ما هو المثل الذي تراه في نفسك؟
المثل الانجليزي( the longest day must have an end )
ما هي الالوان التي تحبها؟
بحب الاسود و الرمادي و الابيض و الدهبي و الفضي

كم عدد اصدقائك؟
كتير و لكن المقربين 3

ما هو الدور الذي تلعبه بين اصدقائك المقربين ؟
احاول ان اكون همزة الوصل او ان احافظ على الصداقة

ما هي انواع الكتب او الافلام التي تحب ان تشاهدها او تحب ان تقراها؟
كتب الفيزياء و الاحياء و الجبر و الفراغية و الميكانيكا و احيانا الشعر و الروايات البوليسية

ان اساء اليك شخص (تسامحه - تفهمه غلطه - تخاصمه- تسئ اليه )؟
اسامحه حتى يسامحني ان اسات اليه , فكل البشر خطاؤون

ان لم يتواجد عقوبة للقاتل : هل تقتل من ظلمك ؟
لا

هل ان رايت من ظلمك يقتل :تدافع عنه - تتركه - تشمت فيه ؟
بل ادافع عنه حتى يندم على ظلمه لي فاسامحه ويغفر له الله
الرجوع الى أعلى الصفحة اذهب الى الأسفل
.ندى.
نقيب تجارى
نقيب تجارى


انثى عدد الرسائل : 14301
العمر : 28
مكان السكن : مصر حبيبتى
الوظيفة : .....
الهواية : التعلم و المناقشة و الرسم و النت طبعاD:
السٌّمعَة : 37
تاريخ التسجيل : 29/04/2007

مُساهمةموضوع: رد: المحلل النفسي   السبت أكتوبر 25, 2008 2:20 am

معلش انا مكنتش قريته ..ان شاءالله بكرة ارد

بس تعليق واحد بس

فرنسا فى رايي مش بلد احترام البشر

لو بتحترم البشر و خصوصا النساء و الفتيات ..كانتخلتهم يتحجبوا .. او على الاقل ..سابت اللى تتحجب تتتحجب

لكن انا فى رايي هما بلد مش محترمين اصلا البشر لانهم حتى مش محترمين وجود ثقافه تانيه غير ثقافتهم رغم انها افضل و محترمه و بتحافظ فعلاعلى البشر عنهم

..معلش انا مش مركزة عشان اكمل تعليق دوقتى بس النقطة دى غاظتنى فقلت لازم ارد Very Happy

و بعدين مصر احلى بلد فى الدنيا كلها
الرجوع الى أعلى الصفحة اذهب الى الأسفل
http://www.amrkhaled.net
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: رد: المحلل النفسي   السبت أكتوبر 25, 2008 3:44 am


انا كدة مش هقدر ادافع عن فرنسا Smile .... بس ممكن تكون دولة ما بتحترمش الديانات التانية بس بتحترم البني ادمين يعني..... هو صحيح الاسلام دين احترام البشر ....بس مش عارف انا حاسس كده ليه ..... يمكن لان اكتر اتنين بحبهم في اوروبا شيراك و زين الدين زيدان Question ...مش عارف
ومن ناحية تانية حبي لفرنسا لا يقارن بحبي لمصر.... انا مصر بالنسبة لية كل لحظات حياتي الجميلة .... و كل الناس اللي بحبهم...و انا في انتظار التحليل ان شاء الله
و مرة كمان كل سنة و انتي طيبة يا ندى و عقبال 100 سنة مع كوميرس
الرجوع الى أعلى الصفحة اذهب الى الأسفل
!vampire!
تجارى فعال
تجارى فعال


ذكر عدد الرسائل : 1400
العمر : 28
مكان السكن : fayoum
الوظيفة : Student
السٌّمعَة : 0
تاريخ التسجيل : 10/12/2007

مُساهمةموضوع: رد: المحلل النفسي   السبت أكتوبر 25, 2008 10:24 am

هو فى حاجه فى حوار فرنسا ده
هو كان القانون طالع ضد اى حاجه تميز و تعرف ديانه اللى قدامك ده ايه يعنى زى ما كان الحجاب ممنوع مان ممنوع اى حد يلبس صليب او اى اشاره تبين انه مسيحى و كان ممنوع طقيه الصغيره او قصه الشعر اللى بتميز اليهود و كان فى المدارس و المصالح الحكوميه بس و للناس اللى بتشتغل فيها بس او بتدرس فيها و باقى البلد عادى اللى عاوز يعمل حاجه يعملها
الرجوع الى أعلى الصفحة اذهب الى الأسفل
http://en.netlog.com/Xvampire88X
مصطفى مجدي
تجارى ناشئ
تجارى ناشئ


ذكر عدد الرسائل : 175
العمر : 28
مكان السكن : الجيزة
الوظيفة : طالب _قسم المحااااااااااااااااااااااااااسبة
السٌّمعَة : 0
تاريخ التسجيل : 12/10/2008

مُساهمةموضوع: رد: المحلل النفسي   الأحد أكتوبر 26, 2008 2:10 am

ايه ده يا vampire.... يعني فرنسا كده براءة ...... ممكن دلوقتي اقول فرنسا بلد الحريات gameed
و بعدين انا سمعت انهم في مصر كانوا عايزين يمنعوا النقاب .... مع اننا دولة اسلامية .... و بيقولوا لان دخول الجامعة لازم يكون بكارنيه و لا يمكن التحقق من شخصية المنقبات


الرجوع الى أعلى الصفحة اذهب الى الأسفل
ريمى
نقيب تجارى
نقيب تجارى


انثى عدد الرسائل : 5029
العمر : 24
مكان السكن : المنصوره
الوظيفة : تانية أداب لغات شرقية(لغات إسلامية)
الهواية : الرسم
السٌّمعَة : 19
تاريخ التسجيل : 21/06/2008

مُساهمةموضوع: رد: المحلل النفسي   الأحد أكتوبر 26, 2008 3:03 am

هل تستخدم اسمك الحقيقي ؟ام اسم مستعار؟
اسمى الحقيقى هو الاسم المستعار آلاء

هل تذهب الى جامعتك لحضور جميع محاضراتك ؟ام لا؟
لسه مش فى جامعه

من هم الاشخاص الذين تقتدي بهم في حياتك؟
مامتى واختى فداء


ان ذهبت الى عيد ميلاد صديقك ما الهدية التي تقدمها له ؟ وما الهدية اذا لم يكن صديقك؟
لو هى صحبتى اوى اكيد انا هبقى عارفه هى بتحب هدايا ايه بالظبط بس اكيد طبعا بيبقى مع الهديه فى ورد

اذاكانت صديقتى او لا

لو كانت مش صديقتى اكيد هجبلها هديه حلوة طبعا


ما هي هواياتك؟
الرسم وسماع الموسيقى
ما هي خططك الوظيفية؟
لسه معرفش
لو لم تكن انت من تود ان تكون ؟
السيده عائشه
ان واجهتك مشكلة من تحب ان تحدثه؟
فداء اختى او صحبتى
ما هي الدول التي ترغب ان تسافر لها ؟
تركيا وفرنسا وسوريا و اسبانيا بس اكتر واحده تركيا
ما هو ترتيبك بين اخوتك (ان كان لك اخوات)؟
التانيه
ما هي الالوان التي تحبها؟
الاسود والاحمر والبمبى والبنفسجى والبنى والابيض و الزيتى
كم عدد اصدقائك؟
كتير
ما هو الدور الذي تلعبه بين اصدقائك المقربين ؟
اصحابى المقربين زى اخواتى بس هى واحده بس مقربه واكيد بحبها جدا طبعا
ما هي انواع الكتب او الافلام التي تحب ان تشاهدها او تحب ان تقراها؟
كتب انا اصلا مش بحب اقرى خالص بس لو كانت قصه اوكى يعنى حكايه يعنى ليها بدايه كده ونهايه احبها اوى اما
كتاب كده مش بحب بزهق بسرعه
الافلام مش بحب الاكشن اوى بحب الافلام اللى هى زى حبيبى دائما كده مثلا
ان اساء اليك شخص (تسامحه - تفهمه غلطه - تخاصمه- تسئ اليه )؟
هو لو كان الشخص ده قريب منى جداا
اكيد هروح واساله هو قال كده عليه ولا لا
ولو كان قال كده فعلا اكيد هزعل بس اكيد
تفرق الاساءة لانها ممكن تخلينا مينفعش نتكلم تانى
وساعتها اكيد هتعلم من الموضوع ده

ان لم يتواجد عقوبة للقاتل : هل تقتل من ظلمك ؟
لا طبعا ربنا موجود هيجبلى حقى من الشخص ده لو مش فى الدنيا فى الاخره
هل ان رايت من ظلمك يقتل :تدافع عنه - تتركه - تشمت فيه ؟
ادافع عنه اكيد
الرجوع الى أعلى الصفحة اذهب الى الأسفل
 
المحلل النفسي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى commerce :: المنتدى الترفيهي :: لعب-
انتقل الى: