منتدى commerce

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
اليوميةالرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

  القـصـة الـحـقـيـقـيـة وراء مقتل خـالـد سـعـيـد قتيل الشرطة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Menna
تجارى ناشئ
تجارى ناشئ


انثى عدد الرسائل : 161
العمر : 28
مكان السكن : قلب زوجي وحضن ابنتي
الوظيفة : التوبة والاستغفار والرجوع الى الله
الهواية : الرسم والنت على كوميرس وبس طبعا
السٌّمعَة : 0
تاريخ التسجيل : 09/09/2008

مُساهمةموضوع: القـصـة الـحـقـيـقـيـة وراء مقتل خـالـد سـعـيـد قتيل الشرطة   الأربعاء يونيو 30, 2010 5:44 pm




[ندعوك للتسجيل في المنتدى أو التعريف بنفسك لمعاينة هذه الصورة]


خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في نت كافيه في وقت متاخر بالليل
و دخل بتوع المباحث بيفتشوا كل اللي قاعدين باستخدام قانون الطوارئ..

خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه
ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق
أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات

كل واحد فينا ممكن يكون خالد

خالد ماكانش ليه علاقه بالسياسه من قريب او بعيد زى معظم المواطنين المصريين
ولا عمره انضم لاى تيار او حزب سياسى
لكن ده ما منعهومش من تعذيبه وقتله
بلطجة الداخليه واحده بإستخدام قانون الطوارىء مش بتفرق بين سياسى و مواطن عادى


أسماء من قاموا بالإعتداء على خالد وقتله

المخبرين : عوض و محمود الفلاح

و ضابط المباحث : أحمد عثمان

من قسم سيدي جابر بالأسكندرية

الفيديو الذى قتل بسببه الشهيد خالد سعيد

الفيديو ده عبارة عن ظبطية احراز 80 كيلو حشيش وفلوس من محطة قطر سيدي
جابر .. المفروض الاحراز دي بتتسلم للنيابة هي والفلوس .. البشوات بيقسمو
شوية عليهم وبيشوفو ايه اللي هتتسلم للنيابة والفلوس طبعا قسموها عليهم ..
دي فضيحة ليهم بصورهم وعشان كده قتلو خالد .





دلوقتي والدته قالت في جريدة الشروق ان خالد الله يرحمه كان ع موبايله الفيديو ال بيدين الظابط والمخبرين
وكانت نبهته اكتر من مرة انه يخرج نفسه من الموضوع ده وملوش دعوه عشان هم لو عرفوا مش هيسبوه ف حاله
وقد كان وبعد ما الفديو انتشر بينه وبين صحابه واتسرب من بين ايديهم بدأو في مراقبته وابتدعوا قصة التفتيش المفاجىء
دي عشان يستفزوا بطريقه غير مباشرة ويستهدفوا ده من ناحية ومن ناحية تانية ميبينوش ان في حاجه مبيته لخالد وان هو مكنش هدفهم الاساسي
وهنا بقى تيجي علامات الاستفهام
مين صور الظابط والمخبرين في القسم ؟ وليه هم سمحوا بده أصلاً ؟
إزاي الفيديو وصل لموبايل خالد ؟
متهيألي الموضوع محتاج تفكير بهدوء شوية
لان الموضوع مش صغير ومش يمكن خالد بداية لطرف خيط منعرفش إيه نهايته ؟
( يترى وزير الداخلية لما وعد الحكومة والشعب المصري ان مش هيكون في اي قطعة حشيش فـ البلد كان صادق فـ كلامه )
( طب هو فين الحشيش ال ضبطوه ) ؟؟؟
دي رواية أم خالد
كشفت السيدة ليلى مرزوق والدة خالد محمد سعيد (شهيد الطوارئ)
الأسباب الحقيقية وراء مقتل ابنها على يد ضابط شرطة ومخبرين اثنين، وقالت
إنه "حصل على فيديو يحتوي على لقطات لأحد ضباط قسم سيدي جابر والمخبرين،
وهم يقومون بالاتجار في الحشيش وقام بنشر الفيديو بين أصدقائه وذلك منذ
حوالي شهر، وقال إنه سوف يدشن مدونة لفضح الضابط والمخبرين"، وتتابع والدة
خالد "قمت بتحذيره أكثر من مره من نشر هذا الفيديو حتى لا يقوموا بإيذائه"،
وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة
وانهالوا عليه ضربا".

[ندعوك للتسجيل في المنتدى أو التعريف بنفسك لمعاينة هذه الصورة]


إخلاء سبيل الشرطيين المتهمين بقتل شاب الإسكندرية
أخلت نيابة سيدى جابر بالإسكندرية سبيل الشرطيين المتهمين بقتل الشاب خالد سعيد (28 سنة) من سراياها.

كشفت تحقيقات النيابة، أنه أثناء مرور قوة من وحدة
مباحث سيدى جابر بالإسكندرية لمتابعة الحالة الأمنية، شاهدت كلاً من خالد
محمد سعيد "المتوفى" سابق اتهامه فى 4 قضايا سرقة وحيازة سلاح أبيض وتعرض
لأنثى بالطريق العام وهروب من الخدمة العسكرية
ومطلوب ضبطه فى حكمين بالحبس شهراً فى قضيتى حيازة سلاح أبيض وسرقة، وموظف
بشركة بترول (26 سنة) سابق اتهامه فى إيصالات أمانة ومشهور عنهما الاتجار
فى المواد المخدرة، وبحوزة الأول لفافة يشتبه أن يكون بها مادة مخدرة،
وعند محاولة استيقافه فر هارباً، إلا أن شرطيين تمكنا من ضبطه وحاولا
تحريز اللفافة التى معه، لكنه ابتلعها ليصاب بحالة إعياء شديدة نقلاه على
إثرها بمساعدة بعض الأهالى للمستشفى الجامعى بسيارة إسعاف، إلا أنه كان
فارق الحياة، وسؤال الموظف وشهود العيان أكدوا مضمون ما سبق، لتقرر
النيابة إخلاء سبيل الشرطيين من سرايا النيابة.

هروب من الخدمة العسكرية

[ندعوك للتسجيل في المنتدى أو التعريف بنفسك لمعاينة هذه الصورة]This image has been resized. Click this bar to view the full image. The original image is sized 720x576.
[ندعوك للتسجيل في المنتدى أو التعريف بنفسك لمعاينة هذه الصورة]

وبمناقشة الطب الشرعى أرجع سبب الوفاة لإسفكسيا الخنق نتيجة امتداد القصبة
الهوائية باللفافة التى ابتلعها الضحية، وهى عبارة عن ورقة مفضضة بداخلها
كيس من البلاستيك يحوى نباتاً جافاً يشبه البانجو، تم استخراجها والتحفظ
عليها وإرسالها للمعمل الجنائى لفحصها.

تظاهراليوم السبت ألف متظاهر من أهالي مدينة الإسكندرية وناشطين مصريين من
بينهم أعضاء في حركة شباب 6 أبريل أمام مسجد سيدي جابر بعد صلاه الظهر في
المسجد مطالبين بالقصاص لدم الشهيد خالد سعيد من عناصر الأمن الذين قتلوه وإقاله حبيب العادلي وزير الداخلية .

وصلي المتظاهرون قبل بدأ تظاهرتهم صلاه الغائب علي روح الشهيد خالد في مسجد سيدي جابر .

ورفع المتظاهرون صورا للشهيد خالد ولافتات كتب عليها " وزاره الداخلية - الشرطة تقتل الشعب " ، "مش هنسيب حق خالد " ، "إستقاله حبيب العادلي" .

وردد المتظاهرون هتافات تطالب بإقاله حبيب العادلي ومحاكمه الجناه من
بنيهم "عسكر عسكر عسكر ليه ؟ إحنا في سجن ولا إيه ؟ " ، "يا خالد نام
واتهنا واستنانا فى الجنة" ، "الداخلية بتقتل ليه ، بعتم شرفكم بكام جنية".

ولم تتدعي قوات الأمن علي المتظاهرين ، ولم تقم حتي بمحاصرتهم أو بالإعتداء علي أي من المتظاهرين تماما .

وشارك في التظاهره كل من الأستاذ أبو العز الحريري ، ونائب مجلس الشعب
عن جماعه الإخوان المسلمين "صابر أبو الفتوح" ، وإتهم أبو العز الحرير
وصابر أبو الفتوح ، وزاره الداخلية وحبيب العادلي بالتسبب في مقتل خالد ،
مؤكدين أقسام الشرطة قد تحولت لسلخانه تعذيب وقتل وليس لخدمه المواطنين .







صور المظاهرة

[ندعوك للتسجيل في المنتدى أو التعريف بنفسك لمعاينة هذه الصورة][/size]

[ندعوك للتسجيل في المنتدى أو التعريف بنفسك لمعاينة هذه الصورة][/size]

[ندعوك للتسجيل في المنتدى أو التعريف بنفسك لمعاينة هذه الصورة][/size]

[ندعوك للتسجيل في المنتدى أو التعريف بنفسك لمعاينة هذه الصورة][/size]

[ندعوك للتسجيل في المنتدى أو التعريف بنفسك لمعاينة هذه الصورة]


أسرة قتيل الشرطة بالإسكندرية يطالبون العادلى بتعويض 10 ملايين جنيه

قال محمد خالد التونسى، رئيس الجمعية المصرية الدستورية القانونية لحقوق
الإنسان، إن أسرة الشاب خالد سعيد، قتيل شرطة قسم سيدى جابر بالإسكندرية،
تعتزم مقاضاة وزير الداخلية ورجال شرطة القسم الذين تعدوا على المجنى عليه
بالضرب حتى الموت، للمطالبة بتعويض 10 ملايين جنيه لما أصاب أصابهم من
أضرار مادية ومعنوية نتيجة وفاة نجلهم.

إنا لله وإنا ايه راجعون


[/size]
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الخميس يوليو 01, 2010 6:17 am

هو احلي ما في موضوع خالد ده


انه انتشر بسرعة البرق


وده ان دل علي شئ ، بيدل علي ان فيه تحرك سريع جدا ممكن يحصل في اي وقت

والتحرك ده والتصرف ده بينمو بين الناس بشكل كويس


يمكن يجي اليوم في حياتنا اللي نعيش فيه في حقيقة واضحة دايما

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
Menna
تجارى ناشئ
تجارى ناشئ


انثى عدد الرسائل : 161
العمر : 28
مكان السكن : قلب زوجي وحضن ابنتي
الوظيفة : التوبة والاستغفار والرجوع الى الله
الهواية : الرسم والنت على كوميرس وبس طبعا
السٌّمعَة : 0
تاريخ التسجيل : 09/09/2008

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الخميس يوليو 01, 2010 2:07 pm

كلامك حلو اوي يا ادمين

ويارب يحصل

مع ان الموضوع ده فيه حاجات كتييييييير انا مش مقتنعة بيها

واشاعات وكلام من ده

بس مهما كان اللي حصل وحتى لو الانسان ده مجرم ومهما كانت درجة اجرامه

مينفعش يوصل الحال بيه للمنظر ده

ده مش جديد في بلادنا

ومفيش حاجة بعيدة

كله ممكن يحصل

انا كمان سمعت امبارح على 90 دقيقة انهم وجهوا تهم للمخبرين

مش عارفة بقى يعني كده رجعوا في كلامهم وهيبقى في تحقيق وهيتحاكموا ولا ايه

عموما محدش هيسكت
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الخميس يوليو 01, 2010 4:39 pm

والله يا ياسمين فيه حاجتين


احنا مش هنعرف ايه اللي حاصل دلوقتي خالص


والحاجة التانية ، ان مصر ما بيستخباش فيها سر زي ما بيقولوا


ويا خبر النهاردة بفلوس ، بكرة يبقي ببلاش

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
Menna
تجارى ناشئ
تجارى ناشئ


انثى عدد الرسائل : 161
العمر : 28
مكان السكن : قلب زوجي وحضن ابنتي
الوظيفة : التوبة والاستغفار والرجوع الى الله
الهواية : الرسم والنت على كوميرس وبس طبعا
السٌّمعَة : 0
تاريخ التسجيل : 09/09/2008

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الخميس يوليو 01, 2010 11:36 pm


عندك حق والله ياهشام [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الجمعة يوليو 02, 2010 8:03 pm

انا اكتشفت اكتشافات خطيرة


ومعلومات سرية

علشان واحد قريبي من اللي ماسكين القضية دي في الطب الشرعي تقريبا

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
Menna
تجارى ناشئ
تجارى ناشئ


انثى عدد الرسائل : 161
العمر : 28
مكان السكن : قلب زوجي وحضن ابنتي
الوظيفة : التوبة والاستغفار والرجوع الى الله
الهواية : الرسم والنت على كوميرس وبس طبعا
السٌّمعَة : 0
تاريخ التسجيل : 09/09/2008

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   الجمعة يوليو 02, 2010 9:48 pm

هههههههههههههههههه

أنت بتهرج ولا بتتكلم بجد

تقريبا ازاي يعني [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Admin
رئيس المنتدى
رئيس المنتدى


عدد الرسائل : 5928
السٌّمعَة : 28
تاريخ التسجيل : 28/04/2007

مُساهمةموضوع: رد: القـصـة الـحـقـيـقـيـة وراء مقتل خـالـد سـعـيـد قتيل الشرطة   السبت يوليو 03, 2010 3:54 am

الحدق يفهم ههههههههههههههههه

_________________
اهلا وسهلا بكل زملائنا في كلية تجارة
الرجوع الى أعلى الصفحة اذهب الى الأسفل
http://commerce2009.4ulike.com
 
القـصـة الـحـقـيـقـيـة وراء مقتل خـالـد سـعـيـد قتيل الشرطة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى commerce :: ساحات متنوعة :: منوعات-
انتقل الى: